M3 Italian (Closed)

呢排黎個大反彈，歸隱咁耐終於可以隨心出街食好野，好掛住呢間平呢高質西餐廳呀，先黎個龍蝦湯先啦！主菜加$78就可以轉餐，甜品、飲品、餐湯，3選2。心大心細最終我都係揀甜品同餐湯，香滑濃郁嘅龍蝦湯，入口鮮味，湯身都幾creamy，裡面仲有蝦、帶子等等，幾好味。登登登登！黑松露野菌意大利飯配法國煎鵝肝！確實水準幾高架，飯質黏口又香黑松露味，鵝肝...入口即化，油香慢慢喺舌頭同口腔之間游走，係我心水菜單之一。甜品必點Creme Brulee，賣相精緻，外脆內滑， 蛋味濃而幼滑，超鍾意！呢種食物水準，真係要去呢度食先至咁親民嘅價錢，加埋一都只不過3百頭，裝修好raw好岩傾計食飯，係favorite 之一。

約左老友黎吹水，住呢頭都知呢間餐廳抵食兼高質。我自己就梗係讚爆自己揀嘅set，今日平日食堅抵，可以轉set，甜品同餐湯都慳返幾十！龍蝦湯蝦味重，夠滑，好似食到有略重牛油味扣少少分，但整體都唔錯。香辣蒜片大蝦意粉就出色啦，色香味俱全。雖然蝦就唔算大隻，但勝在新鮮爽口，而且最估唔到係，外表睇唔出but絕對食得出非常濃郁惹味嘅蒜味同辣味。叻在炒意粉香得黎唔油，意粉彈牙又爽口。Tiramisu 🍮不過不失，香滑咖啡味，跟餐叫都抵。人氣餐廳，book定位穩陣。

在附近探朋友後搵野食，在積富街由街頭行到街尾，發現都有超過10間餐廳，最後選了外表好似最高級及西式格局的意大利餐廳。裝修有格調，坐位亦闊落舒服，坐在窗口邊，望住外街食飯，好寫意。鮮帶子龍蝦湯都好似有成10隻帶子，份量算多，龍蝦味濃郁，有層次感。肉醬意粉配日式溫泉蛋配搭幾好，除了肉醬外仲有煙肉及碎腸仔，份量豐富，亦唔覺油膩。西班牙燒乳豬好似有¼隻，燒得好皮脆肉嫩，亦煮得入味，看落唔係好多，但食完後會覺得肚將脹晒，好滿足。

食過幾次大圍M3的午餐，也試過它的下午茶，感覺不錯，為了貪方便及近，就訂這間慶祝父親節，叫了一份Martin Oyster(6隻$168)，清理得唔係咁好，有殼碎伴食🤦‍♀️。墨西哥雞翼($68唔夠辣，但香脆好食的)。西冷牛($258，叫五成，但Over cook，有點韌，伴碟的焗蒜，也未焗出香味，較生。/焗淋了軟了的蒜頭，才會更香)。比目魚($198，唔夠滑，有點腥)。寶雲酥羊架($258，一樣控制唔到熟度，一樣Over cook及好韌)。三個主食都另加$78轉做餐，可在湯、飲品、甜品中，三選二。我們叫了一個龍蝦湯(很濃，好好味)，兩個叫甜品，分別是梳乎厘(很香，好味)，蘋果肉桂卷配意大利雪糕(蘋果酸甜適中，有點像平時在甜品店吃的蘋果金寶的餡，肉桂味也很香)。餐飲分別是兩杯凍檸茶(正常)，一杯凍咖啡(咖啡也很香)。三個人埋單連加一 $1302，平均每位$434，多謝亞女。😂《總括:這兒午餐的牛，抵食及好食過晚市的，這頓晚市最精彩的只是雞翼及甜品，也許是我不好彩吧！如果問我晚上會否再來?我會說:試過便好了!寶雲酥羊架及伴碟的焗蒜頭，還是葵芳"X臺"做得較精彩。》

今天知道會早收工，所以一早約定舊同事相聚。 舊同事在大圍區長大，當然跟她在大圍吃一定冇錯。 因為大家太耐冇見，她建議去M3吃，因為M3坐位舒適之餘，食物水準也高。 看完整個menu ，有好多款式也好吸引。 不過最吸引就是dinner set二人套餐，它有齊我們喜歡菜式。 海鮮龍蝦湯，味道鮮甜質感又稠又滑，湯內更有很多海鮮粒。煙肉忌廉芝士焗蠔，個忌廉芝士醬調得好味。煙燻北海道帶子凱薩沙律，帶子厚身又大粒，蔬菜水果新鮮。Pizza 餅底非常簿又脆，滿滿餡料放在pizza ，令人食到停不下來。這塊炭燒西班牙豬鞍扒肉質非常優質，廚師烹調技術好，不用添加太多花巧，已令人食到回味無窮。甜品拼盤有三款甜品，甜品唔甜又香滑，好滋味。

就返朋友O係大圍放工, 所以O係附近覓食~朋友想搵間西餐食, 仲想坐得舒舒服服, 黎呢間就最岩喇~餐廳裝修好有格調, 而且都幾寬闊.原來仲會有live show, 一定好好feel! 不過我地撞唔岩日子啦~Menu都有唔同種類既選擇, 有pizza, 意粉等等~仲可以加錢轉套餐有甜品同湯/飲品.龍蝦湯好香濃既鮮蝦味, 而且仲有D蜆肉tim呀!黑松露野菌意大利飯+香煎法國鵝肝意大利飯軟硬適中, 加埋有好多野菌一齊煮, 口感同味道都好豐富!不得不提, 個鵝肝真係煎得好靚仔!  外層帶有少少脆, 內裡嫩滑, 食落好肥美, 但一D都唔會油膩~櫻花蝦龍蝦汁意大利粉配原隻龍蝦尾蝦蝦蝦有櫻花蝦既咸香, 龍蝦汁同龍蝦尾, 令到個意粉好鮮味!! 意粉既口感亦都好好龍蝦尾都好多肉, 少少調味更提鮮!奧地利蘋果卷配意大利雪糕見呢個甜品應該幾signature, 所以試下.果然唔錯!個酥皮卷好鬆脆, 入面D蘋果粒同提子乾充滿左肉桂既香味, 酸酸甜甜, 再配埋雪糕, nice!法式咖啡焦糖燉蛋咖啡既焦糖燉蛋都係第一次食, 都幾特別.咖啡味好香濃. 面頭既焦糖金黃香脆! 正~凍檸茶