棋哥燒鵝 (Closed)

同朋友一齊喺尖沙咀整完頭髮，返屋企之前搵嘢食醫下肚先，經過加拿芬道見到有棋哥燒鵝！之前食過棋哥嘅燒鵝，確實令人回味無窮😋 今次我地都係叫左2人套餐 $248😋套餐包括棋哥燒鵝例牌，燒腩仔例牌(可揀叉燒/燒腩仔/切雞/豉油雞/燻蹄/紅腸)，郊外油菜，白飯/瀨粉/米粉(選2)。另外，可選擇老火靚湯-花生眉豆雞腳/飲品(選2)。燒鵝例牌分量唔少，有脾有胸，皮薄之餘脆卜卜，而且皮下脂肪少，食落唔覺油膩。燒嘅火候掌握得好，仲係用荔枝柴去燒，香氣十足，真係大師級水準！比起傳統燒鵝食店有過之而無不及。另外既燒味我地要左燒腩仔，外皮香脆可口，燒腩仔肥瘦相間，啖啖肉又腍，最鐘意點沙糖食，真係冇得輸👍🏻賣相又靚，分量又多，真係好抵呀！個飯同瀨粉都好分量大，而個瀨粉個湯都幾清，用來佐送燒味一流。郊外油菜新鮮爽脆，蠔油另上，安排細心。老火湯係花生眉豆雞腳，大碗得黎又夠火喉，用料好足，好潤心潤喉潤肺暖胃。飲品就要左龍鳳檸樂👍🏻

激安殿堂必經之路，棋哥燒鵝~~位置非常方便，搭地鐵/西鐵都超方便，落車行5分鐘路程就到！！首先門面好光猛企理, 路癡既友人都話咁易就搵到我地諗左陣, 決定叫個2人餐▪棋哥燒鵝(例牌)▪單拼燒味(例牌)選一款(叉燒/燒腩仔/切雞/豉油雞/燻蹄/紅腸)▪郊外油菜▪白飯/瀨粉/米粉          2碗▪老火湯/ 冷熱飲品      2份本來睇價錢$248咁多野, 已經覺得好抵, 但最估唔到係唔單止抵, 仲要好好味棋哥燒鵝係原隻燒鵝脾咁上(定係我好彩), 總之超級好味!!!!!新鮮熱辣叉燒唔肥唔瘦, 即係人地口中所講既極品「半肥瘦」同埋好在我係同朋友仔去咋, 如果同男友去, 佢首選一定係燒腩仔當然我覺得佢啲燒腩仔都應該唔差既(下次再試呢樣)菜就無咩特別啦, 清甜好味(可能當造)我地一個叫米粉一個叫瀨粉講真識食(直線讚自己)一定係燒鵝配瀨粉啦~~~真係好好味!!!!!  而家香港好少地方仲食到瀨粉定係我太黑仔, 叫親人地都話賣晒~~~~由於我地想試晒咁多野, 所以一個叫湯, 一個叫飲品碗湯好足料, 一啲都唔hea架!!!! 但比我回頭再揀一次, 我會揀飲品囉一開始我掛住飲湯, 後期又好想飲野

.祺哥燒鵝📍 尖沙咀加拿分道40-46號香檳大廈地下2號舖2人套餐$248包燒鵝例牌，任撰燒味一款，油菜，白飯/瀨粉或米粉兩碗，凍熱飲品或例湯兩杯。燒鵝太肥，肉質唔夠鬆化，有煙燻香。豉油雞肥瘦適中，夠入味。餐廳地下好油，感覺唔太好。