星‧68 (Closed)

網上見到中環萬宜大廈開咗間新嘅中菜館「⭐️星．68」，七月底前做緊堂食／外賣*68折優惠*，咁鬼抵就一於試下。餐廳入口原來喺停車場旁邊，即係斜路仔。餐廳環境寬闊，燈光明亮，客人自然坐得舒服😊。由於好耐無飲過茶、食過中菜，於是我哋就放縱一下🙈，叫咗個二人餐之餘，再另點其他食物。餐廳算係新派中菜館，創意款式同經典口味任君選擇！餐廳比較特別嘅地方係有同丸茶手作(我最愛嘅茶飲店)合作，即係我可以邊嘆珍珠奶茶、邊食點心🥤。除咗茶飲外，餐廳亦主打滋補燉湯，唔同日子有唔同款式以供選擇😁。68薈萃全盒($108)，六款點心包括鮮蝦餃皇、乾蒸牛肉燒賣、臘味煎蘿蔔糕、安蝦鹹水角、青蛙王子同金箔芝麻糕。論賣相無可能唔拎滿分掛💯？拼盤有四款鹹點同兩款甜點，其中🐸青蛙包最吸睛，餡就係豆沙餡，包皮都算鬆軟。另外，鹹水角係較傳統嘅點心，出奇地呢到嘅出品好出色🤤，外皮炸得好脆，但無油膩感，又夠大隻。乾蒸牛肉都唔錯，建議點喼汁食；蘿蔔糕就無乜特別。甜點芝麻糕類似芝麻卷嘅口感，味道濃郁，我唔鍾意食芝麻糊都覺得便幾好食。午市套餐(2位用$276)，套餐內容豐富，兼且十分抵食😍。其實齋食佢已經飽哂，不過我哋太為食無計。二小碟:

餐廳主打無添加味精健康四季燉湯、精品小炒同精緻點心，更聯同「丸茶手作」提供台式飲品。而且同畫廊合作，今期擺賣水禾田先生嘅畫作👨🏻‍🎨由即日起至7月31日， 推出全日堂食同外賣自取點心菜式同丸茶手作飲品 6️⃣8️⃣折。💗68薈萃全盒($108)🥟鮮蝦餃王：晶瑩剔透嘅餃皮夠薄且煙韌，成隻夾起唔會痴筷同爛。蝦肉飽滿大粒，食落爽口鮮甜，配上爽脆筍粒好高質乾蒸牛肉燒賣：味道同山竹牛肉一樣，牛肉內餡嫩滑厚實 ，冇鬆肉粉味，有淡淡芫茜香，加咗馬蹄粒增加口感🥠安蝦咸水角：糯米外皮炸到金黃脹卜卜，口感香脆煙韌。餡料包括有豬肉、蝦米、冬菇等，非常足料，食落鹹甜味豐富，濃郁惹味🍰金箔芝麻糕：糕身超級Q彈軟滑，食落黑芝麻味特別香濃 ，有沙沙地口感，重點梗係有金箔點綴啦🥕臘味煎蘿蔔糕：糕面煎得微脆焦香，糕身濕潤度同硬度啱啱好，食到鮮甜嘅白蘿蔔條同粒粒臘味嘅油香🐸青蛙王子：外層麵包加入綠茶粉搓成，質感軟熟，搣開中間有滿滿嘅豆沙蓉，最值得讚係有粒粒嘅紅豆，俾料好慷慨💗濃雞湯松葉蟹拑灌湯餃($68/每位)將灌湯餃浸係煲足三個鐘嘅雞湯裡，湯底鮮黃濃厚，撇走雞油功夫做得好，所以湯底清澈🐥餃外薄身煙韌。內餡有蝦仁、帶子粒、石班肉

今次同朋友去咗中環度飲茶💓，咁岩見到一間新開中式新穎餐廳，睇見佢裏面嘅環境都比較寬敞舒服，決定咗就坐喺度慢慢食點心飲番杯茶😂，呢度比較特別台式丸茶手作一齊合作😳，食住點心嘆杯台式飲品有幾特別喎🤭.❥ ❥ ❥68薈萃全盒 $108精緻木盤載着6款點心，青蛙紅豆包~🐸最吸引就係個青蛙造型中式包點，餡料原來用咗好香濃嘅紅豆味道見面層包包好鬆軟，細細件一啖食落去唔會飽牛肉燒賣~加咗個牛肉味道飲上喼汁咁比較厚實，唔錯👏🏻蝦餃~大大隻皮薄裏面餡靚蝦菜係新鮮嘅食材所以口感好彈牙唔會蒸得太過腍🤗鹹水角~餡料特別多，表面皮炸過嘅鹹水角好鬆軟😋芝麻糕~呢個值得一試，口感超Q彈，芝麻味特別香濃配襯左金箔🤩，高級貴牌😂煎蘿蔔糕~先出嚟表面特別脆口內裏軟綿綿嘅口感🙂，配辣椒提升左蘿蔔嘅味道😝.❥ ❥ ❥濃雞湯松葉蟹拑灌湯餃 $136/2 真心極力推介👍🏻👍🏻雖然價錢偏高，但係值得一試就係用咗超雞嘅湯底再配埋個松葉蟹鉗沾滿灌湯餃裏面一啖食落去啖啖肉，皮包得好薄，連埋雞湯底成碗食晒，喜出望外😋.❥ ❥ ❥話梅叉燒酥 $48呢度職員推介呢款叉燒酥，餡料用咗係帶一種酸甜話梅味😳，加咗有少😋許叉燒味道甜得來又唔會搶咗叉燒