黑樺牛 (Closed)

Book唔到珍姐唔緊要，尋晚去呢間真·高質日式A5和牛，好掂！（雖然都係要早大半個月book定）應該再冇機會再試佢嘅麻辣火山鍋底（之前賣新聞話爆炸淥親人嗰個），但尋晚食呢個玫瑰芝士湯底非常唔錯！再加埋佢嘅任叫A5和牛，味道好夾！再加埋每人一份勁新鮮嘅燒焗海產（兩隻廣島蠔，一隻元貝，一隻蝦），我好耐冇試過完全唔使點醬汁打邊爐！不過啲肉要早少少叫，因為佢應該係預先切定急凍，所以上枱嗰陣有啲硬未解好凍，但解咗凍之後淥依然係好好食嘅！另外佢啲冷盤小食都好好味，尤其是佢個麻辣爽脆魚皮，我哋結果三個人叫咗六碟嚟送啤酒吹水，超正！另一驚喜嘅，就係本來我哋19:15入座只可以坐到21:15 ，但可能冇下一輪客，結果我哋可以坐喺度吹水吹到差不多23:30先走，當然冇得再叫嘢食（但其實我哋已經飽到食唔落），啲職員服務態度又非常好！之前網上啲負評話服務差可以不理，有啲嘢真係要親身試過先知嘅！連埋任飲啤酒同埋加一，埋單$500一個人落樓，真心覺得值！絕對可以再encore ！

今天和一個牛癡朋友慶祝生日，於是選了尖沙咀的黑樺牛。「黑樺牧場和牛火鍋放題」不用四百元已可吃到（$398，另加一），除了和牛，還有海鮮、日本水豚、手工鍋物及其它火鍋食物，連麻辣小食都有。它雖然無甜品，但有三款沙冰任飲，無論是蜜瓜、柚子還是楊枝甘露的味道都很自然清新。食物選擇多而高質，性價比超高，我和朋友吃到捧腹離場。價錢不貴不代表以貨就價，A5熊本黑樺和牛、佐賀名水豚以及薩摩雞，全都是日本直送。入座選好湯底後，餐廳會一次過上曬8款唔同部位的A5和牛給我們一次過全部試晒，全部都非常高質，餐廳細心的標明了部位和最佳烹調時間，我的牛癡朋友立即心心眼，只煩惱不知從何開始。每個部位都有獨特嘅口感和味道，有些肉味香濃，有些入口即溶，有些爽口彈牙，有些較有嚼勁。試過喜歡後還可之後可不停encore。8個和牛不同部位是：．千本筋．牛頸脊．牛小排．牛前胸．上肩胛肉．肩胛梅花．玉子牛後腰．特上霜降小排海鮮頭盤也很精采。在蒸煮的過程已聞到濃濃的清酒味，打開一看，有生蠔、扇貝和大蝦，全部都新鮮清甜，我最愛就是漲卜卜的生蠔了。蔬菜、蝦滑、和牛餃子、麻辣皮蛋等等我就不多介紹了，用QR Code自由落單吧。但因為食