Gladys' Estate Coffee (Closed)

又係稿債之一，話說嗰陣仲係搏殺期，連星期日都要開工做嘢，趁圖書館未開就去九龍城食飽飽先開工。上網搜尋，發現評價都唔錯，於是黎試試。地方唔難揾，就係曲奇四重奏對面；舖面細細，只能坐十幾人。全場以水泥牆為主，配上木長枱是一種偏澳洲風情(不過木格櫈唔算好坐)。特別喜歡吧台上方的粉筆畫和餐牌。侍應有禮勤快，我點了個all day breakfast，本身就跟橙汁，對我這個不喜茶啡的人來說甚好。等了一陣(all day breakfast既元素咁多，要等係正常的；趕時間叫三文治配咖啡算了），早餐上枱：沙律新鮮爽脆，車厘茄略烤過，更能突出甜味。煙肉和雞肉腸烤得焦脆而且滾熱辣，好味；薯餅係自家製，比較油膩，唔算脆，有些失分。炒蛋熟度剛好，調味不多正好沒蓋過靚蛋的味道－－配上面包（面包可再烘熱多點），不用牛油已經是美味的蛋治。但全場最出色的莫過於炒雜菇，用牛油燒汁炒起，惹味好食又健康此店走休閒路線，坐了一陣也沒有趕人，還貼心的在吧台奉上水杯和水壼實行自由斟；客人不少，不過多來買咖啡，香氣撲鼻；餐牌上的蘋果批、scone set還有各款蛋糕我也很有興趣，價格也不貴，下次可以再來tea.