I Café

Open Now

Now Closed

今日去科學館睇恐龍，去左附近既半島中心食左個lunch…估唔到呢個商場既1樓都有幾間食肆。見到呢間icafe..餐牌價錢相宜，而且仲好多款式。所以決定一試。食客都相當多，坐得滿滿。呢間餐廳2:30開始仲有下午茶時間。但由於我地距離下午茶仲有一段時間，所以食返個lunch set先。多款set lunch…仲可以以優惠價加賺飲品。套餐仲有餐湯。什菜蕃茄湯同粟米忌廉湯。都相當足料好飲，唔錯唔錯。飲品方面，我選了抹茶紅豆鮮奶。抹茶味相當濃郁，配埋綿綿紅豆，大滿足，整杯野飲都真材實料，紅豆都超多，好飽肚好滿足。另一杯是紅豆冰，紅豆數量都是爆多，有成半杯紅豆，好吸引，好好味。呢款All day breakfast…相當抵食。價錢都十分合理。入面有司華力腸、黑松露炒蛋、牛角包、茄汁豆、煙肉、火腿、薯餅、沙律⋯⋯包羅萬有，完全咩口味都試到d…味道又唔錯，好吸引好抵食。另外點了龍蝦汁珍珠帶子燴意粉。估唔到呢個意粉既味道都相當有驚喜，吃起來好好味，白汁味不會過濃過杰身，汁醬配合得剛剛好，而且仲有醒珍珠帶子為食材，唔錯唔錯。份量都岩岩好。

朋友終於同我黎呢間喺尖沙咀相當隱蔽既小店，佢成日話又抵食又好食，一定要帶我試下咁話。呢間小店分左2個鋪位，喺呢個人流唔多既小商場入面都座無虛席，可見都幾受歡迎。店內用左簡單西式裝飾，比人一種悠閒既感覺，岩哂同朋友傾下計。食物方面，lunch set既選擇唔算好多，但價錢喺尖沙咀黎講真係好抵。先黎一個足料餐湯，有好多粟米同蘑菇粒，個味道都調教得好好。主食方面，自己叫左個all day breakfast。一黎到見到咁大份都嚇親，事關呢個價錢有咁足料真係好少見！特別一讚係個黑松露炒蛋，雖然佢唔算係好滑個種，但真係好香黑松露同牛油味！加埋個脆薯餅同司華力腸，自己一個食哂真係好飽。朋友就叫左個茄汁辣肉腸pizza配雜果沙律。pizza用左好簡單既4種材料，茄醬，辣肉腸，蘑菇同芝士，就已經好好食！餅底又好脆。配埋個雜果沙律食立即refresh哂！朋友果然冇介紹錯呢間抵食又高質，服務仲好好既小店！

下午茶黎到尖東 呢個隱蔽少少嘅餐廳 又估唔到抵得黎又大份😆----------英倫全日早餐 AllDayBreakfast ( $48 )好足料 #豬仔腸 蘑菇炒蛋 牛角酥 火腿 煙肉 英式焗豆 薯餅 扒蕃茄 沙津菜 仲有埋杯野飲😌每樣都不過不失 唔會太油😂 特別啲嘅係 腸嘅外層脆 肉質較淋 切開左好易食😋 同埋炒蛋似奄列而唔係滑蛋 應該過左少少火 但好多蘑菇😝-叫左杯凍朱古力 味道濃度正常 surprise嘅係有cream喺面😍-仲有芝士焗飯、pizza、蕃茄湯麵等等 全部都係$40內😱 座位都唔少 環境都算舒適 可以慢慢食 盡情傾😌 喺尖沙咀同尖東呢啲地方 都食到咁平民價錢又好味嘅野食 好幸福呀🤗----------