I's Land Cafe (Closed)

食Brunch通常都悠悠閒閒，所以食物同環境都一樣重要！觀塘工廈依家勁多嘢行，最好就係一早去嘆個Brunch，跟住周圍行，睇吓有無outlet或者大減價！朋友好好，食完陪我睇婚紗。餐廳環境光猛、有種小清新嘅感覺，店員都好有禮貌，同我上次黎食晚餐一樣，招呼周到，一叫即到。不論是沙發位，或者座椅都好闊落很配合Brunch嘅主題！All Day Breakfast $98有煎雙蛋、德國腸、煙肉、紫薯蓉、沙律、多士、茄汁豆、焗薯、藍莓醬和牛油果醬。都算豐富，加埋蘑菇就perfect喇～ 紫薯蓉幾好味！Like！肉類無油淋淋，亦都無好鹹！Good！我跟餐加$18要咗杯玫瑰鮮奶咖啡🌹又香又滑！超好味！拉花都好靚！美國頂級燒西冷牛扒配蔬菜$108有餐湯+餐飽+飲品西冷牛扒都幾霖，條邊好香。牛扒汁好夾！好味！薯角炸得好香口～ 沙律都唔錯，有少少生果點綴朋友加了$28要了一杯士多啤梨燕麥沙冰，好靚，仲勁消暑！大大杯，一定夠飲！

臨近聖誕，梗係要約朋友仔出來傾下計啦~方便佢活動，我哋今次又揀咗觀塘區。search openrice，見到lee間人氣高企嘅cafe，環境清幽，有如城市綠洲一般，即刻透過openrice訂座，方便之餘又可以賺取積分。一步出電梯，向左望即可見到，雖然位處工廈，但店家很有心思佈置，尤其臨近聖誕，deco都令人感受到濃濃的節日氣氛~環境頗寬敞，而且當日有人book咗party room for x'mas活動，氣氛非常好~ 等埋朋友，我哋就嗌嘢食，因為冇食早餐嘅關係，我哋嗌咗兩個set再加一個甜品share。餐湯係紅菜頭湯，新鮮健康，味道比較濃，配料也不少。不過不失嘅餐包，不知道是不是麵筋少，氣孔有點大。廚師精選意大利飯是日廚師精選嘅係菠菜汁煎三文魚意大利飯。加入咗菠菜汁燴煮，讓每粒米充份吸收湯水精華，出來的飯外柔內剛，十分有嚼感。略感可惜的是煎三文魚，口感不夠軟嫩，不知道是不是因為顧及有孕的朋友，特別煮熟一點的關係呢~ 整體還不錯。Strawberry燕麥鮮果奶昔(抗氧化)身為女仔，一見到寫住抗氧化就會觸動神經~ 而且冬天更加要揀士多啤梨啦~ 果然不負所望，口感很健康，甜度也適中。值得一

呢間係我一直想食嘅cafe，星期六去到大約13:20，無訂位但唔洗等已經可以入坐。坐低咗之後侍應就放下2杯水及3份menu (holiday lunch、afternoon tea、drink & dessert menu)，我揀咗all day breakfast $98，老公就揀咗個burger餐 $98。先嚟松露忌廉餐湯及麵包，'畢'個湯時見佢杰撻撻都心知不妙，飲嘅時候仲有d一舊舊嘅粉團，個湯味道係ok嘅，但質素就真係唔得之後嘅burger同炸薯角味道都ok。到我嘅all day breakfast喇，成碟野一望已知中晒伏，menu上說好的"香脆牛角包"呢？我眼前係一個好似炸好咗而又放咗好耐嘅油炸鬼咁，淋而韌，切開都有難度果隻。炒蛋好老、慢煎蕃茄同生嘅無咩分別，好硬仲要有蕃茄粒「頂」，黑毛豬肉腸同煙肉質素都好唔ok，味道最正常係茄汁豆同紫薯蓉，我覺得食物質素同價錢完全唔成正比。原本下個月諗住同朋友食佢個afternoon tea，而家已打消念頭了。走嘅時候見到門口好多人等位，但我永遠都唔會再嚟。

觀塘工廈愈黎愈多精緻既cafe同樓食肆，較早前小妹就同兩個閨蜜近近地係觀塘搵間cafe食brunch。見呢間cafe既相，佈置得有田園既感覺，所以趁春天去就岩晒啦。點知我地去果日，所有天花既綠色佈置已經無左😐我地下晝一點度到左，以為無得叫佢地既下午茶餐，點知睇真d個餐牌，發現下午茶餐係星期六日係全日供應架！好開心！跟住我地叫左個the garden tea set同一個all day breakfast。呢個tea set 真係擺得好靚，同埋唔係一般用開果種tea set架，woody質地同間cafe好襯。d野都ok，個人比較中意個士多啤梨牛角包，甜甜地既牛角包都係第一次食，味道幾清新。個芝士蛋糕都好香濃，唔錯。不過兩個紫薯甜品就一般，個人覺得略嫌唔夠滑漏。另外，all day breakfast 的炒蛋也很香滑，其他野食不過不失啦。意外既係本身以為花茶只係一杯，點知係一大壺，可以慢慢飲，過個悠閒既下午。

係工廠大厦上面將環境修飾得幾靚，真係好難得，環境仲好開陽。全部枱枱櫈櫈都係用木做主題，同天花上既花好夾，感覺好似秋天，好舒服。先叫左個all day breakfast, 腸同紫薯係最值得欣賞。一咬開條腸，入面既肉汁就流岀黎，真係好好味。個紫薯甜度適中，顏色好吸引。不過，我就對個黑松露炒蛋幾失望。雖然味道唔錯，但炒得唔夠滑身，咬落去較為硬。之後叫左個tea set, 賣相真係幾靚，令人期待。右邊，蟹柳同火腿味道唔太夾。左邊，吞拿魚下面既麵包口感怪怪，唔太好味。是次消費 $320/two person