轉角 (Closed)

難得係雙十爆買日嘅禮拜當然就要盡力食💛店啦~ 嚟間cafe長期多人，之前食都要排一個鐘，今次都唔例外。PS.用餐時間得50分鐘但係等位都要排成個鐘真係好誇張入座前可以先喺門口落單。叫咗兩個餐~ 今次都以舊補咗錢轉特飲(跟餐轉特飲半價)。玫瑰鮮奶咖啡同紫薯鮮奶拉花非常靚，味道唔錯，兩款都唔係死甜同得香精味。平時見到好多人都叫咖喱蛋包飯，我第一次食：真係好好味！香滑嘅蛋包住日本珍珠米飯連埋咖哩一齊食真係好正 咖哩只係好少好少辣但就好香。隔離仲兩大舊炸雞扒，熱辣辣入面好多肉汁又唔怕油！All Day Breakfast之前已經食過次。全部配料都好新鮮(通常睇沙律菜就會知)，味道亦中規中矩，只係今日啲蘑菇炒得有啲燶~ 最中意係佢個包，好有誠意，落咗超級多牛油同砂糖嘅厚多士，極度邪惡整體黎講CP值高，但係下下都要排一個鐘以上真係好令人卻步... 如果可以開多間分店/多啲枱就好啦！

我地3個人叫左3個餐。首先黎嘅係一杯凍嘅Cappuccino.呢杯咖啡冇落糖水，但都好好味，高水準！呢杯係熱cuppuccino。凍好味d但同樣出色呢個all day breakfast一般，個toast偏硬，食物都可以有更多元化。隻蛋好味，其餘好一般。個蛋好滑好正。個炸雞都好味，推介！呢個卡邦尼意粉我冇食，不過我同行嘅屋企人大讚。講真，價錢唔係特別平，但餐廳每樣食物同飲品都係誠意之作。不過呢個鋪位真係唔起眼，希望呢間cafe可以長做長有啦。