A Tavola Bar & Grill (Closed)

假日同丫姨入將軍澳澳南海岸睇樓, 入夜時間六點左右我倆都覺肚餓, 就係附近隨意入咗間餐廳享用dinner。呢間餐廳全由外國人主理, 全程以英文對答, 而且餐廳裝修格局都富有外國風, 有如置身外國一樣。 食物以意大利西餐為主, 仲有多款調酒飲。【Beef Lasagna】HK$198千層麵被焗至金黃半熔狀態嘅白汁芝士同埋牛肉整整覆蓋著, 而且每層疊起同樣都夾滿了芝士、牛肉同埋茄醬, 很足料! 麵條沾有香濃芝士+ mix埋酸尾尾茄醬兼充滿濃郁肉味嘅肉醬, 令味道濃厚飽滿, 正! 【Pepperoni pizza】HK $178Pizza面平均佈滿了Mozzarella cheese、番茄醬、辣肉腸, 熱辣辣時可以拉起長長芝士絲, 超邪惡, 芝士味濃郁, 配上辣肉腸本身鹹鹹地又滲出少少辣, 惹味。 【Apple crumble】HK $128以鐵pan熱辣辣焗起上檯, 而去皮嘅蘋果肉爽甜, 份量多, 每一啖都食到蘋果肉, 配上肉桂同好似蛋撻皮嘅餅碎一齊食, 很有層次, 再加上雲呢拿雪糕, 冷熱對比, 令雪糕入口即溶, 後繼再食到蘋果嘅果甜。 【Jasmine peppermint】HK$35

去完將軍澳donki，就睇下附近有咩餐廳好食，之後行前少少見到呢間食意大利菜嘅bar restaurant，幾多人飲酒，感覺氣氛唔錯，就入去試下首先叫咗個Buffalo Chicken Wings，有6隻雞中翼，兩款醬汁，blue cheese加埋辣醬夾埋黎食幾正之後叫咗個12吋House Special Pizza，材料有火腿、煙肉、辣肉腸、菠蘿、蘑菇同青椒，材料份量幾多，批底幾脆，味道亦都唔錯最後食埋甜品Apple Crumble，比我想像中大份，好多蘋果蓉，面頭仲有個雲呢拿雪糕，食完就飽哂

做完一輪工作，決定同朋友一齊放早嚟個Happy Friday😎✨嚟試吓哩間隱世靚景意大利酒吧 chill chill佢✨🐷🍕 Prosciutto e rucola 意大利火腿披薩 $188Pizza邊又薄又脆，餅底香軟有口感，配上mozzarella 芝士 煙韌好rich，多汁焦香藩茄仔，大塊嘅Parma ham，配合 烤過會變得唔苦，反而有香草香嘅火箭菜，感覺好豐富，好香！唔洗加醬料都已經好好食！🤤🍎🍦 Apple crumble 蘋果酥（蘋果金寶） $108勁驚喜，勁足料，好好食✨ 烤Pan上，超級香！蘋果餡有粒粒充滿肉桂香嘅蘋果粒粒，微微黃糖嘅焦香同雲喱拿香唔會過甜，脆卜卜嘅脆面絕對令口感昇華咗，連同濃郁焦糖雲喱拿雪糕，真係勁好食🤤 🥺 甜品胃好想將哩個放大到pizza咁大😂 另外我哋叫咗mocktail～🍹Fruit punch $45🍸Pussy foot $45正常發揮，清爽，唔會影響食物嘅味道✨🏠 環境餐廳有室內同室外位置，見有人帶埋毛孩喺室外有太陽傘嘅大sofa位食嘢，都幾方便👍🏻室內都好打卡able，有個好型嘅bar枱，傢俬有明顯分別，可以睇出邊度係4人位，2人位等

🤑 Special Set Menu $328 - Starter: 沙律 - Main: 安格斯肉眼扒- Dessert: 朱古力布朗尼 - Drink: Tonic Water🤑 A TAVOLA HOUSE SPECIAL 10” $130 🤑 MARINARA RISOTTO $135 🤑 Apple Crumble $58 🤑 French 75 $72 🤑 Bellini $65 ———————————————又到左happy friday嘅時間😜想搵個地方飲少少酒 摸住酒杯底傾心事😗搵左呢間 好近海濱嘅餐廳 🌟 沙律 🌟沙律配左個唔太酸嘅sauce本身對沙律冇太大興趣嘅我 覺得可以接受🌟 安格斯肉眼扒 $328 🌟我地叫左5成熟 肉質好impressed肉味濃而鮮 嫩滑 好口感😋🌟 朱古力布朗尼 🌟一個普通嘅布朗尼 整得有啲乾 可能焗短少少時間會比較好🤔🌟 A TAVOLA HOUSE SPECIAL 10” $130 🌟呢個係佢地廚師推介嘅pizza厚批底 配上好多唔同配料 唔算特別好食 個人覺得係pizzahut質素🧐🌟 MARINARA RISOTTO $135 🌟

I have known this bar so long coz I always pass by it when I was running nearby. The environment is spacious that you can have the meal comfortably.We ordered grilled Caribbean chicken, feta salad and apple crumble for the dessert. Feta salad was fresh and full of olive oil dressing. It is a healthy choice for the appetizer. For the main course, we had the grill Caribbean chicken and it came with creamy mashed potatoes and grill vegetables. The slow-grilled chicken was so juicy and i was so sati

沿住海旁散步，見到依間餐廳，決定聽住海浪聲食餐飯chill 下🙈*Margherita 10” 瑪格麗塔薄餅 $110Pizza我哋點咗薄批，薄餅香口脆身，一拿起就見倒一絲絲芝士，起士乳酪味好重好正，好岩我依啲芝士控嘅口味。*Porcini Risotto Rice 松露蘑菇意大利飯 $125仲意食菇嘅必定要試吓依個risotto，一上菜已經聞到好香嘅松露同菇香，食落蘑菇味超重超出，加入埋奶油嘅香滑，仲意重口味嘅朋友必試。*Apple Crumble 蘋果酥 $58蘋果酥口感酥脆，肉桂混合埋果肉，食落味道酸酸甜甜，而蘋果酥上面放咗新鮮士多啤梨同藍莓，加上雲尼拿雪糕，做飯後甜品正好可以消消滯。*最後，值得一提嘅係餐廳職員都好nice，服務態度好好👍🏻

朋友新屋入伙, 特意邀請我一齊dinner, 之前未有踏足過澳南海岸, 我亦有興穀試試附近美食, 果然今晚就發掘左間幾有質素嘅西餐廳。而且仲有酒飲tim~餐廳分室外跟室內區, 吸煙、帶寵物都會坐於室外,室內設少量卡位, 環境整潔。食物方面選擇都幾多, menu上有中英對照, 而且每款菜式都有標明食材用料, 仔細易明。揀左好幾款share食。【牛肉墨西哥捲餅】HK$165 牛肉混入了軟滑酪梨沙沙醬, 配上青椒粒、洋蔥粒、番茄粒、忌廉, 層次相當豐富, 整體味道帶回甘。【意式千層闊條麵】HK$135賣相已經很邪惡, 面層芝士溶於闊條麵面層, 再灑上芝士碎, 芝士味極為濃郁, 芝士口感軟棉, 闊條麵質地偏林, 層與層之間都夾滿肉碎、茄醬, 微酸帶甜, 好足料!! 推介!!【奶油三文魚長通粉】HK$135奶油味很重, 每條長通粉都被奶油平均包住, 好creamy~而且剛剛熟嘅三文魚都幾大粒, 大部份仲係三文魚腩,  奶油味重, 還是食到三文魚魚香。PIZZA有10"跟12"選擇, 【A TAVOLA HOUSE SPECIAL PIZZA】HK$160 (12")同樣好足料, 佈滿了火腿、辣肉

諗住同屋企人食餐好好哋嘅團年飯, 因為係臨時決定嘅, 將軍澳都好難搵位. 又好好彩畀我搵到呢間有得即時online訂位仲有九折, 我見佢將軍澳呢間應該係新開嘅暫時未有任何食評參考, 跟住check返佢東涌有一間 口碑好似幾好 ,那就膽粗粗嚟試下啦. 好彩整體嚟講都唔錯!食物,環境及服務都好好. 將軍澳南而家真係整得好靚, 成個環境都好舒服! 我們四個人叫咗一個沙律兩個主菜, 一個意粉兩個甜品. 份量啱啱好。整體嚟講我覺得沙律同埋意粉, 性價比較低! 海鮮意粉冇乜海鮮但係味道就唔錯, 沙律啲用料又太少。如果百幾蚊個沙律就比較削啦. 另外杯ginger ale就真係成杯都係水, 溝水多過有汽水味! 牛扒14安士, 夠曬我哋四個人share食. 都幾好味又林, medium rare剛剛好。另外roasted chicken都幾好味我哋嗌咗半份夠晒分。甜品tiramisu同埋apple crumble就普普通通啦, 不過價錢就ok. 埋單加一, 10% off total$915, 我覺得性價比都好高. 餐廳所有侍應都係要講英文嘅, 好似將軍澳係比較少, 佢哋態度好好, 餐牌都有中文嘅.