The Hwaduk (Closed)

姊妹帶我來Cubus，說來慚愧，我從來不知銅鑼灣有這樣一頓大廈。姊妹說這裡的餐廳通常定價比較高，原先以為銀包又要淌血（姊妹一向離地嘛），誰知來到The Hwaduk，見到這兒落地玻璃，可以盡覽銅鑼灣市景，裝潢又時尚，坐得又舒適，但食物才不過百多元一款主菜，即時覺得是個好選擇 （對！我承認我很師奶）。餐廳出名烤雞，因為這兒特地引入特色大火爐，會以逆時針方向分三步曲烘烤全隻雞，以保持表皮香脆和鎖緊肉汁。這兒選擇亦很多，足有7款之多，不少都極其吸引，最後懶惰的我們決定揀無骨烤雞Boneless Chicken($178)。店員先送上三款醬汁，分別是mayo sauce，honey mustard sauce, 和韓國酸辣醬。烤雞烤得金黃色，賣相非常誘人，一試，外皮果然烤得香脆，雞肉嫩滑入味，肉質甚有彈性，而且肉汁豐富，烤到剛剛熟。本身烤雞已肉味甚濃，但我還是愛蘸醬汁，特別是酸辣醬，酸酸辣辣，味道搭配又惹味。烤雞份量很多，約3-4人分享也可以，但實在太好味，所以我個兩個人成功清碟絕無難度。加上烤雞標榜非油炸，所以成品少油，多吃也完全沒有膩濟感。原來傳統的韓式炸雞，大多經過熱油炸熟，所以通常美味

最近多左好多韓國餐廳，尤其係烤雞做賣點的，不過呢間餐廳真心讚，食物美味之餘更有靚景睇，同伴侶來係一個好選擇！一入到店已經被廚房吸引住，好乾淨，重有一個大烤爐，明顯一定要叫烤雞食。再睇窗外夜景更加吸睛，餐廳內燈光比較暗，整體加上來令晚餐更有情調。餐牌只有英文同韓文，店員好有禮貌，推薦左d食物，最後揀左Rice cake with Korean sauce同Boneless chicken.Rice cake with Korean sauce：年糕非常煙韌，旁邊有少量牛肉、菇、紅蘿蔔絲，一齊食有多層口感， 另外底部有非常多汁，帶濃郁牛味，而且微甜，美味！Boneless chicken：烤雞賣相好好，初時食只覺微辣，但後來會愈食愈辣，除左辣之外還帶甜味，不過濃郁醬汁下依然唔會遮蓋本身的烤焗味。雞肉肉質嫩滑，而且份量很多，亦有酸度適中的酸蘿蔔解辣，推薦。整晚聚會當然唔少得飲返杯生啤，叫左著名64白啤，價錢平平，比一般生啤香，不淡不稀，配辣雞一流，價錢又抵，仲想叫多杯。老闆娘亦會在用餐途中過來問下客人既意見，互相交流，感覺好友善隨和。總括而言整個晚餐感覺舒適放鬆，食物質素亦好好，有機會會再來

今日去呢間餐廳，入到去先知老闆娘係韓國人。即刻覺得好似去韓國咁(她與我的朋友用韓文溝通)，地方好寬敞，大部分木製傢俬，感覺好舒服。餐具好乾淨。我地點菜到上菜都不需5分鐘，侍應都很有禮貌，其中的一碟魷魚，侍應親自現場幫我們切魷魚我地叫左無骨雞同Garlic Chicken，份量可以足夠一個成人食；我比較喜愛Garlic chicken，雞好滑口、外層有很多汁；食得出汁是有蜜糖同蒜粒混合的，肉質嫩滑：這碟雞的煮法由於是烤焗，感覺上不太熱氣。亦食完之後不太口乾！另一碟係無骨雞，份量都幾多：雞肉會比較乾身：似乎用煎的方法而做的。另外有三個醬汁(沙律、辣醬和蜜糖芥茉汁)：雞肉似乎配蜜糖芥末汁是最好的：令到雞肉的味道出來，少少辣、甜甜的。外皮很香很脆、廚師亦放了香草。