CoHee Studio

Open Now

Now Closed

話說上次黎Cohee實在太多人，只好叫外賣，今次真係有心黎食，所以11點半就黎到，果然早起的鳥兒有蟲吃，今次唔洗等位直入Iced Chocolate 朱古力味濃郁，唔太甜，食d杏仁再飲可可味更香Dirty奶夠凍，分層明顯，先飲到espresso 既酸，再飲到奶既香甜，依舊咁好飲Caffe Latte先飲杯espresso等你試真d本身咖啡豆既味道，中間就係杯Latte, 奶泡同拉花都同樣出色，最後可以食粒杏仁更能帶出咖啡既nutty味道煙三文魚、牛油果、忌廉芝士貝果平時大多數既煙三文魚都會好咸，但呢度既三文魚唔太咸較淡身，非常喜歡，bagel煙韌度適中，牛油果亦都好綿，配以大量既沙律菜，食落更加fresh北海道帶子、三文魚籽、炒蛋、洋蔥拖鞋包帶子煎得岩岩好，外面微焦，炒蛋炒得好滑，三文魚籽更加提升左成個包既味道難得入到錦田要限時食真係很不爽，但呢度環境舒適，食物咖啡高質，加上全間cafe都充斥住咖啡香，真係精神為之一振，短短既時間已幫我充足電了

疫情後好少郊遊. 事隔大半年, 今日再次郊遊去左錦田. 行完到處搵食, 就搵到呢間文青小店.以為早上十一點零會好易有位, 點知都要等上半小時.吸引我們黎的主要因素係因為呢度的食品睇落無咁heavy同感覺健康.Duck Breast, Avocado & Yuzu Sauce煙鴨胸,牛油果, 柚子醬 $78Smoked Salmon, Avocado & Cream Cheese煙三文魚, 牛油果, 忌廉芝士 $88跟朋友share 上面兩個主食. 鴨胸唔肥膩. 有五舊. 上面加左柚子醬, 味道好配合.  沙律汁可以選黑醋汁或者日式芝麻沙律醬, 我地要左黑醋汁. 而包亦都可選Bagel 或者Ciabatta,  我們兩款都有叫. Bagel食落無Ciabatta 軟熟同比較乾身. Ciabatta 食落重有點脆. 配埋上面滿滿的牛油果, 淡淡的味道配上酸酸的沙律. 十分開胃. 而煙三文魚亦都唔會好咸. 比想像中好味.朋友要的Caffe Latte呢度無論你叫任何飲品都會配上杏仁. 杏仁係烤過的. 所以更香脆.Blossoms Green Tea這裡的茶都配上杏仁, 這樣配搭, 還是第一次

入元朗就好似出城咁.每次去探朋友都想搵時間去試Cafe.錦田有間隱世小店 ..雖然已不再隱世重超多人排 =[]= 朋友都話每次去都好多人排.我地踩單車去大概5點.都真係重有人等但有D係排外賣.如果想靜靜地嘆下咖啡chill下打卡既朋友.建議早少少到.因為要長期排隊🤪位置雖然較爲偏僻.但無阻香港人排隊既心.店員會幫你留電話到有位時會就通知你.而我地有小朋友都無打算等堂食.不過可能接近禁晚市時間.留左名既人無返尼.我地被安排入座快飲一下☕️🤟🏻.店員都好有禮貌👶🏼🍼因為有小朋友同行我地叫左本Babyccino算佢同我地一齊做下文青😂 .我諗應該好少人叫因為Babyccino係熱奶打泡再灑上可可粉同彩虹🌈綿花糖.小文青飲完表示大愛😆.耐我地叫既Long Black 同Caffe Latte比較Nutty--➿ Babyccino (Kids Only) HKD 12➿ Caffe Latte HKD 32➿ Long Black HKD 32