CoCo Espresso (Moved) New Location

約咗朋友係上環飲咖啡，呢個係本人嘅興趣之一。同朋友吹吹水，飲吓靚咖啡，再介紹畀其他人知香港其實仲有好多地方可以靜靜地坐低飲杯嘢嘅。今日嚟到上環，係大馬路邊一間cafe。或者係周末，其實所謂大馬路都唔係太繁忙。睇一睇佢入面環境。試佢一杯 cappuccino。佢嘅啲豆係偏苦，濃味，奶泡都幾滑，但未到最頂級。但環境其實都加咗好多分，落地玻璃對住馬路有冷氣咁同朋友傾計，慢活生活就應如此。P.S. 佢有得買coffeebean，同有得買ice blew coffee。小弟今次miss 咗，下次必試。

朋友話呢度嘅咖啡十分好飲，所以尊登嚟食lunch，這店子十分細，只有十幾個位。我哋都算好彩，剛剛有三人食完埋緊單，我哋等咗一陣就有位。我order烘芝士火煺三文治+雞肉沙律和cappuccino ($65)，而朋友們就要公司三文治+ cappuccino ($70) 和烘芝士火煺三文治+鴨胸沙律和Latte($65)。烘芝士火煺三文治係兩片麥包夾住cheddar cheese和火煺，麥包很香麥味，而且十分之脆，芝士溶溶哋，火煺質素也不錯。這份三文治味道幾好，雞肉沙律也不錯，黑醋dressing酸酸甜甜，幾好味又開胃。朋友嘅公司治有蛋，火煺，牛肉，蕃茄，生菜和青瓜。味道也很美味。最後才上飲品，我杯cappuccino畫咗個心，味道香濃，泡泡也很creamy，正！