Rang Mahal Authentic Indian Cuisine (Closed)

今日黎到朋友公司後面既印度餐廳，佢話平時都只係黎食lunch buffet，難得有機會約齊人就黎下佢既晚市。一入到黎就已經覺得好有印度style，入面好多掛畫，同埋當然唔少得印度文歌啦。環境好幽暗，好似都唔少情侶黎談心呢。Menu基本上大部分熟識既印度菜都有了，另外我覺得最吸引既係第一頁既酒類，好多都想試呢。可惜聽日仲要返工，就只好飲返啲無酒精飲品了。首先試左個鮮茄湯，味道係幾酸的，有少少似咕嚕肉汁，好提神呢。黎食印度菜必飲既Lassi，類似芒果奶昔的印度特色飲品，味道酸酸甜甜又解渴。每枱都會提供3款醬汁：薄荷醬、蒜蓉鮮茄醬同羅望子醬，我地另外仲點左個Raita印度青瓜乳酪，食到好重的青瓜味，食落係非常清新同解油膩感的。咖喱我地叫左2款：Chicken Makhani同Vegetable Jalfrezi，即係奶油咖喱雞同埋雜菜咖喱。先講奶油咖喱雞，味道比較偏甜，我覺得就算唔食辣既朋友都可以輕易入手，奶油味重，用黎配烤餅真係一流；雜菜咖喱就比奶油咖喱雞辣，但都唔差，好香。Naan當然都係必食之一，我地一共叫左3款烤餅：原味、蒜蓉同乳酪，價錢都幾平，每份有4塊，用黎沾咖喱真係一流。我自己

今晚約左班fd 去LKF飲野，飲之前當然要醫肚先啦！同其中一位特別中意食印度菜ge朋友黎左呢間餐廳食個靚飯先～Menu有中有英好貼心。太多選擇，我地揀左成十分鐘。XD餐廳雖然唔太大，但座位唔會迫。免費小食，三個醬分別係tomato and garlic, mint with yogurt, tamarind (左至右）。最愛左邊個個～Paneer Palak 係我地食親印度菜都叫ge，菠菜茸加芝士粒，配naan一流。佢地塊naan好抵食，超大塊，熱辣辣。一個女仔未必食得哂。芝士naan好多cheese。一樣大大塊，性價比高。呢個魚我同朋友一致大讚。個goan印式咖哩汁好香，甜甜地，唔辣。魚塊滑身冇腥味。Services 都好好，得一個waiter但佢好有禮貌好勤力。

我一路都好想搵一間比較正宗既印度菜餐館食正宗印度菜, 尋尋覓覓, 終於俾我如願以償, 食物唔只正宗, 仲多左份家的感覺!!! 地方雖然唔算大, 但總算舒適, 充滿印度色彩既佈置, 上至主廚下至老闆, 全部都係清一色印度人, 令人對食物更加期待, 到訪客人大多數係印度人及外國人士; 打開餐牌, 每個菜式都好想嚐試, 以中環區域, 價錢亦算合理, 實在太多好味菜式, 好唔容易先精挑細選到以下幾道菜……