Video
Read full review
2021-11-04
92 views
係元朗想飲杯咖啡，見到裝修幾簡約清新，就入去坐低chill下。去到嘅時候啱啱好坐滿，等咗5分鐘左右就有枱。坐低睇到menu都好多主食揀，意粉、牛角包、bagel、wraps乜都有。我就叫咗2個主食（蒜油蝦蜆扁意粉、煙三文魚牛油果芝士貝果）同2杯咖啡（Freddo Expresso、Cold Brew）。等咗大概5-10分鐘之後都逐樣上齊喇。首先試咗煙三文魚牛油果芝士貝果，必須讚佢個bagel係有烘過，之後先搽上cream cheese。食落有少少脆口嘅感覺，加埋creamy嘅牛油果同煙三文魚唔會令我覺得成個包都好淋，啱啱好。側邊嘅沙律菜都好新鮮，麻醬唔會多到死鹹。之後試蒜油蝦蜆扁意粉，因為佢係開放式廚房，煎緊蝦嘅時候已經有陣香味傳出嚟，嚟到已經見到蝦同蜆舖係面，份量非常足夠，扁意粉都煮到剛剛好，唔會overcooked又唔會過硬。主食份量真係非常足夠，2個女仔都食到太飽添啊。咖啡方面，cold brew上枱嘅時候已經即刻試咗啖，因為佢隻杯係雪完先上，如果食完主食先飲隻杯就會已經暖曬，無咗意思。第一啖淺嘗覺得唔係太濃嘅咖啡，仲有少少茶味嘅感覺帶咗出嚟，但後尾大啖咗飲即刻感覺到苦味，所以飲
去到嘅時候啱啱好坐滿，等咗5分鐘左右就有枱。坐低睇到menu都好多主食揀，意粉、牛角包、bagel、wraps乜都有。
我就叫咗2個主食（蒜油蝦蜆扁意粉、煙三文魚牛油果芝士貝果）同2杯咖啡（Freddo Expresso、Cold Brew）。等咗大概5-10分鐘之後都逐樣上齊喇。
首先試咗煙三文魚牛油果芝士貝果，必須讚佢個bagel係有烘過，之後先搽上cream cheese。食落有少少脆口嘅感覺，加埋creamy嘅牛油果同煙三文魚唔會令我覺得成個包都好淋，啱啱好。側邊嘅沙律菜都好新鮮，麻醬唔會多到死鹹。之後試蒜油蝦蜆扁意粉，因為佢係開放式廚房，煎緊蝦嘅時候已經有陣香味傳出嚟，嚟到已經見到蝦同蜆舖係面，份量非常足夠，扁意粉都煮到剛剛好，唔會overcooked又唔會過硬。主食份量真係非常足夠，2個女仔都食到太飽添啊。
咖啡方面，cold brew上枱嘅時候已經即刻試咗啖，因為佢隻杯係雪完先上，如果食完主食先飲隻杯就會已經暖曬，無咗意思。第一啖淺嘗覺得唔係太濃嘅咖啡，仲有少少茶味嘅感覺帶咗出嚟，但後尾大啖咗飲即刻感覺到苦味，所以飲到黑咖啡嘅先好試啊。而freddo expresso係有偏酸嘅咖啡味，面頭再有一層泡沫，飲落都幾smooth同香，見到身邊嘅枱好多都叫咗cold brew或者係有奶嘅咖啡，下次嚟都會試下，熱飲仲有靚靚拉花添！
Post
