Spade by Lassana (Closed)

星期六男朋友返工, 又冇咩野做突然好想食cheese cake之制搵下屋企附近邊到有吸引到我的呢個時候至發現原來一直有咁多好野食係附近就係咁一支箭咩都唔理樣衰衰咁落銜買蛋糕有得食很係咩都唔理其實唔止Creme Brulee Cheese CakeSpade by Lassana係可以坐係到慢慢食雪糕同high tea架只不過得我一個人去, 唯有買返屋企等男朋友返黎一齊食外賣自取就係咁簡單XD切左8份同屋企人一齊分享, 加上真係怕一個人會食晒..........芝士味濃加上脆口的焦糖食左兩件都唔會太漏岩晒同我一樣咁鍾意食cheese的人如果屋企唔多人真係推介隨時買個黎試價錢亦唔算貴

今日囡囡生日, 沒有時間為她焗個蛋糕, 又唔想在大型西餅買, 沒有新意, 行過油塘大本型, 見到Spade by Lassana, 店員哥哥正在燒cheese cake面上的焦糖, 金黃色, 好靚, 決定買這個做生日蛋糕.可以堂食或外賣. 外賣放在一個精緻木盒. 囡囡未打開時見到個木盒已喜歡, 打開時見到金黃色的cheese cake, 另一驚喜. 芝士味濃, 滑, 中間層冰凍, 口感似雪糕,, 食時一點也不膩. 溶了些焦糖在芝士上, 更帶來甘香夾了焦糖的脆, 口感具層次.這種 size 非常合適一般小家庭, 不用一個蛋糕食多餐 ..

自食過佢地既Creme Brulee Cheese Cake之後，一直就念念不忘想再安哥多一個！不過今次就冇麻煩朋友喇～親自上埋去視察環境XD餐廳位於商場內，而且係開放式經營，冇實體鋪位既局限煩惱，時不時周圍望下睇下景都唔錯，好岩情侶黎食下野拍下拖XD黎到後就不自覺地望向雪糕櫃果邊，見到真係好吸引，餵食既我毫不猶豫嗌左兩球XD(食完先記得要買蛋糕- -)嗌左熱情果同芝枝味，兩隻既味道都唔會假，而且仲好香濃雪糕軟熟又易入口，愈食愈開心呀XD食完就到重點喇～不過我緊係唔會自私食咁衰(未食到一半都飽死左)，同屋企人分黎食係仲更加開心XD 因為佢地都好中意食呢～Creme Brulee Cheese Cake，最愛既蛋糕已經放係我面前喇！蛋糕面有薄薄既一層焦糖，望落已經心心眼><打開個盒濃郁既芝士香味已經飄晒出黎～存放設計亦都唔錯，有塊牛油紙包住個底，拎出黎極之方便，一撕就可以成個攞去切味道食然咁好食，芝士味濃得黎，口感食落有焦糖既少少脆，蛋糕既幼滑，真係食極都唔會覺得厭xd!好中意佢呁濃郁既Cheese口感~如果佢出多幾隻唔同味道就更加好><到時一定又要黎支持

大家知道嗎？Spade by Lassana推出的Creme Brulee Cheese Cake，在大坑的The Pudding Nouveau都有得食啦！小妹跟另一半慶祝生日，特別預留了一個作為生日蛋糕之用。因為油糖離我家實在太遠，今趙可算是一舉兩得啦！可以試下他們的Cake Cake!不過，他們沒有生日蠟燭提供啦！所以要自備蠟燭仔及火機。蛋糕好實正！最特別是餅面有一層焦糖，並非普通的Cheese Cake啊！感覺十分法式啊！法式焦糖燉蛋！XD不知道是否這個蛋糕的特色，那層焦糖有種濃味？食落有點苦澀味，又帶著甜味，感覺很特別。芝士味極濃，質地很柔滑，加上餅底一起吃，感覺更有咬口及實在。餅面上還有草莓，伴碟也有紅莓及藍莓，令蛋糕吃起來不會太膩，加添了一份鮮甜外，還能突顯芝士的咸味，令舌頭同時嘗盡甜苦咸三味刺激。

PP一向係個芝士迷，所以Cheese Cake當然唔例外地成為我既囊中物，有朋友係果頭住，就托左佢去幫我買～（為左食不擇手段xd）真係要多謝佢~因平時好少去果頭，如果唔係都冇機會食到lu~以一個小木盒放住個蛋糕，精緻小巧，外形設計簡單得黎又幾特別，而且我食完會留番個盒放小雜物Creme Brulee Cheese Cake，面頭有層薄薄既焦糖，放得岩岩好，完全冇整污糟個盒，打開蓋後，淡淡既芝士蛋糕味已經撲鼻而來，之後就係準備架餐切佢～可能因為放太耐，所以切既時侯比較黏，所以切到一忽忽，不過唔會影響味道同口感芝士味特濃，食落夠晒creamy，薄薄既焦糖食落微苦帶甜，成個口腔都有好強烈既芝士，餅底偏軟身，好似融入其中咁，雖睇落細細舊但每人食一小份都會覺得好足夠，好飽肚

同樣是Lassana新出品的還有Creme Brulee Cheese Cake，一個size有4寸大，堂食賣$88，外賣平$10。雖然剛剛才吃過巨型麵包磚甜品，肚子撐得很，但對於芝士蛋糕還是無力抗拒，便點了一個帶走。這個creme brulee其中一個吸引四月的地方，是它外盒的設計。店方找來圓形的白木盒，簡約之餘，又可以重用放一些女生的小飾物。蛋糕被一層牛油紙包裹着，紙邊露出，吃的時候只需用手抽起便輕易可以拿出來，非常貼心。蛋糕大約2寸高，分成四件的話不算太heavy。中間的芝士密度高，芝味濃郁，底部是鬆脆的消化餅底，表面原本有一層薄脆的焦糖，但因為放太久，回家拿來吃的時候表面的脆脆已經溶掉了，實在非常可惜。Creme brulee其實是一種很delicate的甜品，我想下次還是堅持堂食比較好哦。