三一餃子 (利源西街)

Open Now

Now Closed

之前Millmilk介紹咗呢間中環良心餃子店，一夜間人氣爆紅，聽就成日聽人講呢間小店，但同樣身為中環打工仔嘅我竟然從未試過🫣 前日決定同男友放咗工去試試佢！見menu新出咗呢個勁吸引嘅餃子🥟 松露煎餃再搭配上溶溶哋嘅一大pat芝士，雖然邪惡，但松露同芝士真係好match，松露味好香😜 仲要望住塊芝士磚慢慢溶，再倒落餃子上面，趁熱食仲做到拉絲效果🤩另外，仲嗌咗呢個set，有一份餃子、主食同小食😗 。墨醉雞湯餃男友平時勁鍾意食醉雞，估唔到呢度嘅餃子竟然有醉雞味🧐 佢即刻嗌咗嚟試，醉雞化成膠狀，mix埋墨丸，質地幾爽口，醉雞味都幾濃，甚至乎遮咗墨丸嘅味道，但整體嚟講都唔錯！。豆漿蝦皮湯烏冬本身因為太遲嚟嘅關係，心心念念嘅豆乳湯已經賣晒，但店員好好人咁願意叫廚房再煮多碗🥹 豆乳湯飲落似鹹豆漿，夾雜住香濃嘅蝦米味😋 而烏冬食落勁煙韌，係我鍾意嘅口感，成碗烏冬簡單得嚟但又好高質😍。餃子雞翼雞翼總共有三大舊，雞翼炸得好香脆，咬開入面嘅餃子餡好多好滿，趁熱食真係好好食，冇後悔加錢嗌咗🤭食完雖然幾飽，但係仲想試多個味，所以就帶咗呢度嘅人氣口味——蒜芯豬肉餃，佢個餃子皮好薄，煎得好香脆，入面啲餡充滿肉汁，

知道三一餃子推出咗期間限定嘅餃子🤩，梗係要約埋朋友去試吓🥟～三一嘅急凍餃子平日都有買開，但堂食就真係第一次😆Double 松露流芝餃（$88）店員會先放兩塊芝士去迷你烤爐上面，利用蠟燭嘅熱力去燒溶芝士，當芝士溶化就會倒去煎好嘅冰花松露餃子上面🧀🥟～餃子煎得香脆，充滿松露香味，配上芝士變得更有芝味特色🥰，兩種味道好夾！松露控同芝士控必試～蔥蔥子-韭菜蝦皮豬肉餃（$58）（前）呢款餃子比其他嘅較彈牙，韭菜味濃，上面仲有好多蔥，蔥同餃子一齊食，既解膩又健康啲👍🏻冰花抄手-蒜芯豬肉餃🧄（$58）蒜味香濃🧄，餃子上面有蒜蓉同蔥花，餃子裡面都有蒜粒幾爽脆，口味偏重，但好適合鍾意重口味嘅人🤤甘煮野菜（$39）湯汁好鮮甜，唔會過咸，材料夠多樣化，有雨衣甘藍、蘿白、芋絲、冬菇，全部都好入味，抵食👍🏻炸雞軟骨/5枝（$40）好有咬口，記得要趁熱食🤗～

呢間係中環嘅橫行小店充滿驚喜我哋叫咗兩個套餐 - $68有餃子+主食+小食第一個餃子叫咗蒜芯豬肉餃，煎餃加 - $4呢個配搭都幾有驚喜因為個蒜芯好甜食落又幾有咬口主食有芫茜豆漿蝦皮湯烏冬，另加 - $5作為芫茜控嘅我對呢碗嘢好期待😍好多芫茜蓉係度😂個湯都幾濃芫茜味但就有少少後悔加咗辣因為個辣破壞咗個芫茜味🥺少少傷心小食有炸小甜薯炸起好熱🤣個皮有少少煙韌咬開熱辣辣係我鍾意食嘅口感😋另一個套餐個餃子叫咗墨醉雞餃墨魚味好岀但醉雞味反而就唔係好食得到平壤撈米線呢個十分之有驚喜個樣勁平平無奇就係一堆蔥同一堆醬俾你撈匀點知食落好正！我同朋友都食得辣所以叫咗個神辣試吓愈食愈麻辣加埋啲蔥蒜好夾中間食食吓又食到有啲甜味我哋諗極都唔明啲甜味係邊度嚟🤔問一問先知原來係加咗燒汁就係呢個燒汁中和返個辣令人愈食愈想食😋小食就叫咗絲網春卷 - $7香脆可口入面係芋泥餡都幾香同綿咁嘅價錢有咁多嘢食呢個套餐都幾抵食--芝麻雞翼 - $18外脆內滑夠香口咬開入面仲Keep到好Juicy--酥炸生蠔 - $39熱氣之選生蠔都幾肥美但又唔會炸得過熟炸粉亦唔算厚天寒地凍佢哋仲有個季節限定嘅Double 松露流芝餃 - $88一