BV Kitchen (Closed)

近聽到朋友傾計既時後講過依間新開張既西餐廳，所以就特登抽左D時間專程去個度試下。入到去既時後，首先就比佢既裝飾吸引住目光，就係牆上面既恐龍畫XDDD（咁當然唔係朱X紀果D恐龍，而係卡通可愛化左既恐龍畫，我地就係被恐龍包圍之下坐底食野XDDDD（稱讚意味）等左一陣，其實都有D口乾，所以就叫左一杯朱古力咖啡。嚐甜既我就叫左依杯飲品，幾有朱古力味，但係又衡量得幾好，所以唔會搶左個咖啡D味，加上上面層cream好香滑，正！見到張張台都有叫個漢堡，所以我都唔執輸叫左一份foie Gras黑安格斯牛肉漢堡無花果黑醋汁。成個漢堡既主角就係鵝肝(Foie Gras) 同埋安格斯牛。佢表面個皮煎得幾香，內裡一般，當然，依個價錢大家都唔可以抱太大期望可以食到法國餐廳既Foie Gras水準，所以依種水平已經係值得一讚。而安格斯牛就煮得岩岩好，幾多肉汁！因為其實兩個主角都係幾濟，所以佢地加左黑醋汁，有畫龍點晴既功效，酸酸「尾尾」，可以冇咁濟，比我地食多D野食XDDD。另外，我地都叫左一碟意粉，蟹子蟹肉意粉。個汁煮得幾好，個白汁煮得幾濃香，不過蟹肉可以落得多D，配上芝士同蟹子做topping，係幾好食。又加左

外面已經夠冷冷寒風，入夜，嚟到觀塘工廠區，感覺更加冷清。雖然落緊毛毛細雨，感覺有點悽楚，不過，心卻喺暖和，因為唔喺得一支公晌度闖蕩，跟幾位好友高高興興嚟到BV Kitchen提早慶祝聖誕節。室內環境屬港式西餐廳格局，一旁有啲卡位，其他都喺活動式4人枱，晌門口仲有幾個「自閉」位，白木為主，配以白椅，但樓底高，總有點點優點，可是始終環境唔喺好有太多話題性。唯一吸引人去多留意幾眼喺餐廳兩邊牆身嘅巨型恐龍壁畫，據講喺本土壁畫師作品，畫得栩栩如生、生動鬼馬 。正值聖誕，店內外都有唔少聖誕裝飾，增添多點聖誕氣氛。從壁畫所見，一隻恐龍追食漢堡，另一隻飽食意粉，隱喻著漢堡及意粉都喺店家嘅主打，所以，餐牌頁面就喺漢堡及三文治，此外，仲有餐湯、沙律、小食、意大利飯 / 粉及多款全日早餐。散叫一向相對貴少少，所以，套餐不其然好易成為客人選擇。晚市套餐，包特色麵包、是日餐湯、自選主菜、精選甜品、咖啡或茶，定價於$198-$258 +10% 。平貴與否，見仁見智，但從主菜嘅食材選料及定價，睇得出店主都想走上高少少檔次嘅路線。因為試菜期間，適逢聖誕、新年，所以，餐廳亦推出咗兩款二人節日套餐應節，分別喺聖誕大餐