Video
Read full review
2018-12-15
120 views
齋睇外表裝修，得個靚字，其實吸引唔到我入去食，估都係九成都係為呃like而食既餐廳唔會有咩好食，食唔飽人（雖然我唔大食🤣）友人叫大膽尐試下喇，咪咁out！ok，就即管試下，食我唔飽，下場你既！2人set dinner價錢3xx，包晒沙律、前菜、主菜、意大利飯/意粉、pizza/burger，都多野食喎，但就唔包飲品。沙律-烤南瓜松子仁雞絲沙律 / 蟹肉牛油果蘋果青瓜沙律前者南瓜好冧，好食，但雞絲就少得緊要。後者以杯上，份量對一個細食女黎講可能都唔夠開始擔心之後既份量，唔通真係要盤算下場去邊到再補食？！前菜1 - 德國腸 凍肉 芝士拼盤Menu 寫明套餐每款前菜係半份上，望落都唔少既，個樣都夠2人分享。整體無咩特別。前菜2 - Girl’s 分享盤又係睇名唔知係乜，見半份上，有選擇困難症就岩晒，樣樣有嘛薯條分別係粗薯條+甜薯，仲另上芝士粉，比埋個紛紅紙袋你大玩shake shake。其他原來係以雞為主，雞肉餃子；炸芝士波-無芝士味，得薯仔味；煎雞翼；雞軟骨棒棒。黎個拼盤一上一定要即食，唔知天氣凍定佢本身唔係好熱，好快就凍左，攪到雞翼同雞軟骨棒只食到油味，連應該係即炸既薯條都好快
友人叫大膽尐試下喇，咪咁out！ok，就即管試下，食我唔飽，下場你既！
2人set dinner價錢3xx，包晒沙律、前菜、主菜、意大利飯/意粉、pizza/burger，都多野食喎，但就唔包飲品。
沙律-烤南瓜松子仁雞絲沙律 / 蟹肉牛油果蘋果青瓜沙律
前者南瓜好冧，好食，但雞絲就少得緊要。後者以杯上，份量對一個細食女黎講可能都唔夠開始擔心之後既份量，唔通真係要盤算下場去邊到再補食？！
烤南瓜松子仁雞絲沙律 / 蟹肉牛油果蘋果青瓜沙律
7 views
0 likes
0 comments
前菜1 - 德國腸 凍肉 芝士拼盤
Menu 寫明套餐每款前菜係半份上，望落都唔少既，個樣都夠2人分享。整體無咩特別。
德國腸 凍肉 芝士拼盤
10 views
0 likes
0 comments
前菜2 - Girl’s 分享盤
又係睇名唔知係乜，見半份上，有選擇困難症就岩晒，樣樣有嘛薯條分別係粗薯條+甜薯，仲另上芝士粉，比埋個紛紅紙袋你大玩shake shake。其他原來係以雞為主，雞肉餃子；炸芝士波-無芝士味，得薯仔味；煎雞翼；雞軟骨棒棒。黎個拼盤一上一定要即食，唔知天氣凍定佢本身唔係好熱，好快就凍左，攪到雞翼同雞軟骨棒只食到油味，連應該係即炸既薯條都好快凍晒。
Girl’s 分享盤
11 views
0 likes
0 comments
連續兩個拼盤都一般，真係要搵定下場食乜，邊到未閂門，使唔使去打番個邊爐？？未諗完，主菜就到。
主菜 - 低溫慢煮三文魚 烤露筍 薯蓉 香草荷蘭汁
有前面兩個餸都快凍既經驗，黎碟一上，相機食左一野，就那那聲到我起筷。嘩，終於有熱食喇！魚油香，薯蓉滑，叫得主菜係唔同d，定係我一直思維都攪錯晒，前菜唔應該係熱食既呢？
低溫慢煮三文魚 烤露筍 薯蓉 香草荷蘭汁
9 views
0 likes
0 comments
緊接黎就係尾聲既意大利飯/意粉、pizza/burger
我地㨂左個龍蝦burger，套餐點選黎個係要另加$28，有龍蝦食，加錢都接受到既。
先黎賣相都幾討好，仲一陣陣麵包香撲鼻，急不及待動刀。包真係好軟，包外面搽左蜜糖再烤焗，香香微脆，龍蝦肉爽甜。完全係必食推介！
Girlboss 龍蝦包
50 views
0 likes
0 comments
意大利飯/意粉就㨂左煎帶子芝士蘆筍意大利飯
份量唔少，芝士溶晒入意大利飯入面，芝士控既岩晒口味，真係食唔停口。
煎帶子芝士蘆筍意大利飯
8 views
0 likes
0 comments
Set dinner 唔包飲品，但可能幾款主食都有芝士，開始喊，係時候要搵野飲下，分別叫左一凍一熱。蜜桃荔枝沙冰 & Goodnight tea。
一上枱，非常吸精。套茶壺茶杯簡直係美女與野獸入面茶壺太太與茶杯仔仔Goodnight tea 原來薰衣草加蜜糖，薰衣草有安睡作用，個名好貼切。飲落好舒服，感覺真係好安靜。
蜜桃荔枝沙冰，都好吸精喎，黑色既！點解既？？由個名睇黎，無樣野係黑色架，問staff 會唔會黎錯，因為佢有第二款飲品係竹炭+荔枝，個人好直咁諗，炭係黑色，整出既係黑唔出奇。但staff又話無黎錯，我問點解係黑色，佢話設計係咁，咁算。預左十問九唔知架喇。好飲既，但飲黎飲去都係得荔枝味，所以硬係覺得佢黎錯，只係死口唔認。（哈，又自己亂黎發揮想像時間）
黑色的蜜桃荔枝沙冰 & Goodnight tea
7 views
0 likes
0 comments
上菜好快，未食完就上第二度菜，但餐廳大部都係圓枱設計，仲偏細添，可能咁，就有個好鬼吸精既層架。
快樂時光好快就完。黎到有限時架，7:30入座，要求8:45離開，時間上有d緊迫，諗住都係呃下like飯局就算。到上茶時其實都過晒鐘，可能無人等枱，無被人請走。慢慢暵埋杯茶，坐到人地閂門（10:30）
整體對女士黎講一定夠食既，但男士黎講就⋯⋯算喇，男人老狗，唔係拖埋另一半黎，點會㨂黎到吖😂😂
結論係，為影相，一定要黎；為食既，可以列入考慮之列但排中間列序；再黎既，都100%係為左龍蝦包
Post
