GRAM • The Gourmet

Open Now

Now Closed

因為疫情關係好耐冇得去旅行，留係香港唯有不斷搵好野食止下旅行癮😅！呢間餐廳環境設計好有型、令人舒適嘅感覺，甚至連洗手間的設計都好科幻，好特別。食物方面，因為我係海膽控，而呢度竟然有海膽做主角嘅意粉，當然要試下！當日掛住影相所以放涼咗少少，但入口仲係非常creamy濃郁，而家睇返相都仲好回味。另外個沙律都非常推薦！鍾意佢有青蘋果，加埋蜜糖芥末醬好夾！最後仲加多咗個和牛他他，因為佢入面係有蜆肉同埋我最愛嘅海膽架！蜆肉係好彈牙又夠juicy，海膽一啲都唔腥，主角和牛亦係有鮮嫩得黎牛肉味極出，配薄脆片食就剛剛好。總括黎講食物好精緻，好好味，而店員亦都好有禮貌。下次想多啲人一齊去試下晚餐，可以試多幾樣野食～～

如果去開中環食飯，都預左價錢唔會太平，所以對環境同食物質素嘅要求就一定會高啲啦！今次試咗Gram呢間餐廳，質素同預期都幾想符，所以覺得可以推介一下。一行入去覺得啲裝修幾華麗，同埋檯與檯之間都好似自成一角咁，傾計都傾得舒服啲。食物方面，感覺係fushion菜為主。首先order咗個沙律，佢配個蜜糖芥末醬好開胃，可以中和返芝士陣好濃嘅奶香，呢個組合唔錯！之後就係店員介紹嘅海膽carbonara，佢話餐廳用嘅pasta homemade嘅，誠意推介我地一試喎。到上菜時望落的確覺得幾足料，啖啖都試到濃香海膽，加少少鹹香味係來自意大利鹹豬肉，鐘意食濃味嘢嘅人應該會岩口味。另一樣店員推介嘅，係據說係signature dish嘅薯蓉，其實夠滑無渣已經係基本，而佢個調味亦好適中，下次應該會encore!