ATUM Restaurant (Closed)

點好餐，突然1位穿黑西裝，用沒禮貌的語氣 (因疫情帶口罩，已看不見你的笑容) 😒問我們只叫了4杯飲品，仲叫咗乜??? 真係打哂問號，已清楚向女職員落單，要問應問她😩😖最糟糕是你的聲調、語氣，還有身體語言 😓，文法上也沒有: 不好意思｡｡請問｡｡好像說只叫4杯飲品，沒錢就不要霸住張枱嘛! 每位 minimum charge $100 - 我們沒說俾不起呢!😒一個本是愉快的周末，放心，不會因你這種服務態度而抹煞了，反而請所有服務從業員們借鏡，現在情况，客人也是併住命出來吃的，大家應該做好本份，大家開開心心渡過難關的😊食物本是吸睛及精緻的，味道雖然一般，但亦是打卡的好地方

呢餐係之前慶祝男朋友生日而食😘❤!因為我計劃去食high tea set所以諗下睇下揀下最後就決定去我已經放入to-eat-list超長時間既ATUM Restaurant試下😆❤我仲早咗2日打電話去book定比餐廳請佢地預備定寫句happy birthday😆❤!(男朋友本來諗仲住自己打去😂我仲心諗點解佢咁都get唔到我係別有意思😂😂!!)•❤High tea set $408 for 2(included 2 drinks)(+10%):個擺碟完全係好似藝術品咁靚咁精致既high tea set😆❤! 感覺廚師好用心去設計個set既presentation😆❤呢度既tea set係一板咁上桌，所以第一下望到呢24件咸甜點就特別覺得壯觀😍❤！個set既咸甜點大約各佔一半，而且都有好多款，－⭐咸點：有煙三文魚薄餅﹑蟹肉青瓜﹑蝦芒果青瓜﹑魚子醬鵝肝蝦餅同迷你三文治⭐甜點：macaron﹑迷你鬆餅﹑芝士蛋糕﹑朱古力撻同紫薯撻~😆咸點方面，我個人最鐘意係煙三文魚薄餅同蟹肉青瓜😍! (煙三文魚純粹個人偏好😂而蟹肉青瓜就因為好清新夠refresh👍🏻👍🏻👍🏻)。甜點呢，我最鐘意紫薯撻，淡淡紫薯香

ATUM High Tea Set $378 for 2充滿藝術感既high tea!!😎😎鹹點同甜點小心翼翼地相間排列於長碟上我花左十五分鐘去細心欣賞發現呢碟食得既藝術品竟然比起其他地方那個三層架形態更美然後我再用了整個下午享受呢個tea set同呢度咁幽美既環境及為其拍照鵝肝凍批 鵝肝醬厚厚 味道濃郁 配埋底下件脆餅 食落多左份層次感鹹點仲有紅菜頭三文魚 青瓜蟹肉沙律 吞拿魚杯 仲有parma ham~甜點最中意紫薯朱古力撻 入口順滑 亦唔會太甜太膩💜Macaroon一咬落去 滿滿都係軟滑既朱古力 仲好有脆感 好滿足😍個tea set仲有兩個柚子醋沙律同兩杯飲品!65%熱朱古力奶 有拉花仲有棉花糖 質感厚滑 幾濃郁 仲有少少苦香☕玫瑰蕎麥茶 用沙漏計時焗3分鐘飲得 香氣撲鼻 味道清甜 侍應仲會自動幫你refill再焗 飲左好多壺茶!!⭐然後仲嗌左個幾特別既甜品~鹹蛋黃雪糕·香芋蓉·檸檬棉花糖 $82呢排興鹹蛋黃嘛hahaha 估唔到配雪糕凍食都咁正 鹹香味濃 仲有d沙沙既質感😋 差d以為食緊舊真既鹹蛋黃😳 而棉花糖+香芋蓉味道相對上冇咁濃烈 令鹹蛋黃味道更加突出

滂沱大雨兼懶洋洋的下午最好在商場內享受一頓美味下午茶。份量無需多，只要精簡，有質素就好了。一塊畫版上有著不同色彩，紅，橙，黃，綠，紫.....這就是食物擺設的藝術。傳統的high tea大多數是層層疊，看得膩了。來個新鮮的造型也不錯吧！先來個雑菜沙律，配上酸酸咪咪的醬汁醒醒胃。三文魚色澤比較深，背後原來用了紅菜頭汁醃製過，不過味道方面卻感受不到紅菜頭的菜青味。反而三文魚油脂夠，有豐腴的油香。我最欣賞鵝肝凍批，啖啖滋味，鵝肝好順滑好濃郁。呑拿魚粒，洋蔥粒和青瓜粒的配合，有著複雜的口感。風乾巴馬火腿脆脆的有點似食牛肉乾。青豆茸有綿綿的口感，好新奇。紫薯味道不會太濃烈，沒有搶走朱古力撻的味道。四款不同味道的朱古力，我最喜歡黃色的柚子味，獨有的優香好消新。蛋白杏仁餅過甜。法式杏仁疍糕口感軟熟，一囗size剛好。Marcaron甜度適中，鬆脆可囗。最後來杯香濃的cappuccino 作完美的句號。