夏雪 (Closed)

這次是為那3.7牛乳雪糕和紫薯味窩夫而來的，星期六關係，排隊等了15分鐘，都算快~因為來前就諗定食呢兩款，所以都好快落了order~Purple waffle$78原本伴碟的是豆腐雪糕，但是我和朋友都很不喜歡豆腐雪糕，所以轉了牛乳雪糕，這個紫薯waffle賣相很討好，只是中間的紫薯蓉有點兒偏甜，而且入口不夠天然，味道有點假....and then冇落糖漿和caramel crush已經覺得甜，如果落埋應該會甜到漏吧😰，加上旁邊的一小片蜜瓜更是格格不入，at least味道夾不上，所以這個purple waffle本人只俾ok~Japanese style ice cream$46雪糕是北海道3.7牛乳雪糕，很滑很好吃，而且杯中還有白玉，紅豆蓉，桃和橙等生果，和撒上綠茶粉的牛乳雪糕一起吃，箇中味道要親身試過才體驗得到，一啖一啖，整杯雪糕很快便被我ko了~順道一提，雪糕份量略嫌太大，如果一口氣吃完整杯牛乳雪糕，感覺會太漏，建議整得細杯些少就更好~

第一日開張同朋友就去左試。住左西環好多年，好難得有一間咁潮既甜品舖頭。入到去環境好似酒吧feel，menu都寫係塊黑板上面。我地點左北海道軟雪糕，Japanese Style Ice Cream同Banana Chocolate Waffle. 北海道雪糕值得推介，$16，價錢唔貴，但係口感好好！Japanese Style Ice Cream 係軟雪糕再加幾種配料，如橘子，紅豆和白玉等。軟雪糕係焦點，幾款配料既配搭有新鮮感，唔覺齋。Banana Chocolate Waffle，凡所有waffle都要等15～20分鐘，呢碟甜品有驚喜。之前食過唔少，但都係普通擺碟。但呢碟甜品上台係眼前一亮。首先係主角waffle配有一球朱古力雪糕，碟側有香蕉片擺碟，一邊係香蕉片配cream，另一邊係焦糖香蕉，味道和焦糖份量適當唔錯，因為之前係其他舖頭試過啲焦糖香蕉太甜，而且會硬左。老闆/合夥人啲態度好好，可能第一日開張，問下我地既意見等等。睇得出老闆好有heart！呢間鋪頭會再去試其他甜品，好似主打推介既Affogato, 將1shot既咖啡加落軟雪糕度。