Pizza Maru (希慎廣場)

Open Now

Now Closed

星期六再戰銅鑼灣，友人好想食炸雞🍗同pizza 🍕，因為上次平日黎食過set lunch 大讚！所以勁再黎食多次！ 本來想再食返我嘅推介菜！不過原來平日至有～冇計，散叫其他吧！🍅🧀Margherita (Regular ) 蕃茄醬底Double Cheese Twist Pizza 🍕 $160 蕃茄，芝士，蕃茄醬汁，材料均勻，味道香口，pizza 餅底軟硬啱啱好，圍邊加左Cheese Twist脆得黎有芝心，會想食哂成件pizza，不過真係cheese 愛好者先好加咁多芝士，否則會有小小膩！  🍗 Galbi Ganjeong Chicken 牛骨汁醬油炸雞 6件 $128韓式炸雞一向都好味 ，牛骨汁非常之香！似甜豉油味加小小蒜容味，唔想食辣味又唔想咁乾食呢個啱哂！6件雞等於半隻咁上下，雞脾，雞翼，雞胸咁，雞皮雖然淋滿汁但都炸到好脆卜卜！雞肉嬓滑，好味！ 🥑 🍞 Korean Crab Tian $ 138  有驚喜嘅韓式蟹肉牛油果加吞拿魚，味道超級夾，份量適中仲幾多下，芝士餅好好味！如果可以再order 一份芝士餅更好！ 假日menu 整體都價錢合理，食物水準高～

成日想係香港揾好食既炸雞都覺得好難，冇邊間夠韓式風味，今次就發掘左呢間係銅鑼灣既Pizza Maru，好得！店內既裝飾一入到去已經覺得好舒服又浪漫，好適合朋友黎小聚。餐牌全部圖文並茂，唔怕睇完唔知咩黎～一坐低就點左2款炸雞，分別係蜂蜜蒜泥炸雞同埋蒜香甜辣炸雞，餐廳有提供手套非常貼心呢！味道同韓國食到既真係好似呢！啲醬都好香濃夠味，炸雞又夠脆，絕對係高質既韓式炸雞！2款都非常滿意。同埋係炸物既薯條都好高質，個sauce幾特別少少甜，感覺好light，係朋友推介必食之選，如果覺得唔夠仲可以點店員添呢。跟住仲點左幾款主菜：樣樣都好高質，非常飽肚，我地3個女仔食到撐住個肚。最後要點名讚呢個燉飯，係店員極力推介下點的，牛味好香濃，好少食到咁高質既牛肉意大利飯。

打從由韓國返嚟，就無食過韓國菜，好掛住當地醬油蟹同埋炸雞，係香港我未搵到一間好好食，拍得住韓國嘅醬油蟹，但係炸雞我就搵到代表啦，絕對可以一解想念韓國之苦。店內提供咗多款Pizza，除咗特色手工皮邊可供選擇，包括金芝邊、摩卡邊等，亦有Pizza Mara擁有專利權嘅綠茶薄餅。綠茶薄餅原來係採用咗綠茶、綠藻，同埋12種穀物如黑麥、黑米、大麥同燕麥等混合物製作餅底粉糰，健康有營養，仲好低脂低卡路里，啱哂貪食又怕肥嘅女生。Lychee Makgeolli HK$68 (推薦指數：4/5)香甜荔枝味飲品，調配得非常好，味道清新怡人，但可惜飲唔到酒精味道，不過易醉嘅女生都可以飲呢杯Makgeolli。Korean Crab TIan HK$118 (推薦指數：4/5)這個韓風蟹肉塔味道很清新，拿來當餐前小吃最好不過，蟹肉塔旁邊跟有幾片薄薄嘅黑麥包，旁邊還有沙律醬和檸檬，可以沾一些配以蟹肉沙律同黑麥包一齊食，相當好滋味。蟹肉塔底層為厚厚嘅蟹肉，中間一層則有大量青瓜絲，而面層同樣係蟹肉，所以食落唔會覺得好膩，反而係好清新。我呢個蟹怪當然唔會放過任何一個食蟹嘅機會，呢個韓風蟹肉塔只係百多元但係好足料，個