Big Fernand (Closed)

今日一個中學同學特登由灣仔過黎中環陪我食飯。因為佢時間緊迫，所以約左食另一間，點知去到有勁多人排隊，要等30個號碼，極度懷疑lunch time完左都唔會排到。於是我地即刻openrice下附近有咩好野，就揀左呢間睇落唔錯嘅法式漢堡店。🍔同一般漢堡店一樣，都係要先點餐，再搵位。一開始都有啲擔心買完之後會無位坐，好彩買完之後剛好有位。長枱嘅座位係一條條長櫈，所以要同其他人一齊坐，會比較擠迫。😣因為唔知邊款好食，所以點左同餐廳同名嘅漢堡，諗住應該唔會差得去邊。點完可以先返座位等，食物準備好會有人送過黎。👍👍我點左同名漢堡加罐裝可樂，而中同就點左同名漢堡套餐，即係漢堡、飲品同薯條🍟。其實套餐係幾平，比飲品貴少少，但多一大個薯條，可惜我近排好細食，所以無叫到套餐。個漢堡叫左medium，一咬落口已經爆晒啲肉汁出黎，肉質細嫩，一啲都唔老。個芝士好正。🧀咬一啖之後可以拉到勁長！茄乾🍅個味道好出，酸酸地，好開胃，正好可以平衡返牛肉同芝士嘅油膩。😋粗薯條外脆內軟。外面啲調味料都好惹味。茄汁可以自己攞，唔驚唔夠用。漢堡加飲品份量啱啱好，服務都唔錯，有機會會再黎。👍👍

喺 IFC Window Shopping 完見有啲肚餓，咁啱行到哩間Burger店門口，見到個 menu上嘅Burger幾吸引咁，就俾佢吸咗入去啦。舖頭裝修好有格調，係我鍾意嘅。開頭唔知個burger來頭，睇翻 OpenRice 介紹至知唔惹少，來自法國嘅法式Burger，但我覺得似美國多啲，hahaaaa....雖然得3款Burger，但係都好難揀。最終就揀咗 Le Big Fernand / French Fries / Lemonade。揀咗個對住商場走廊嘅吧台位，其實幾鍾意邊食住嘢，邊睇住人來人往嘅感覺。 - Le Big Fernand（$95）咦... 啲嘢食全部用個托盤載住，好美式feel。咬落好juicy，好好味啊。如果想食得斯文啲，可以叫店員幫手切開兩邊，咁食嘅時候就方便啲啦。 - French Fries（$35）薯條抵食，加$35就有啦，而且炸到好脆，不過食落有啲鹹，蘸翻啲茄醬會好啲。 - Lemonade（$35）飲品就有啲貴lor... 連可樂都要$30，如果轉Lemonade要加多$5，咁梗係飲Lemonade著數啲啦。OK好飲嘅，仲好細心準備埋紙杯俾你。