Jamie's Italian (Closed)

一直好鍾意睇Jamie Oliver嘅cooking show，所以之前香港一話開Jamie's Italian之後就即刻去試下，印象非常唔錯！所以呢派心思思又想食喇！首先點咗杯Tropical Delight，用上熱情果、橙汁、新鮮檸檬汁同埋雪碧而整成。本身酸酸甜甜都幾吸引，但有啲澀，如果甜返啲就好喇！上次都食過類似嘅嘢，今次想再試下，點知完全唔同哂口味！呢個蟹肉牛油果烤麵包，第一次食果時佢係一件件，今次撈埋一堆，仲加咗好多香料同香草，搶哂本身蟹肉嘅鮮甜，牛油果香味都無哂，呢個真係失望之作！到我最期待嘅意粉喇～ 點解會期待？因為佢哋每日新鮮造㗎，有咬口之餘，最重要係香！唔知有無人同我一樣好喜歡新鮮意粉嘅麵粉香？我成日覺得新鮮造嘅意粉係特別掛汁，呢個著名鮮蝦扁意粉嘅汁又煮得剛剛好，唔會太稀，所以好快就清哂喇～ 不過份量就少咗啲，兩個人Share又差啲，只可以一人一啖試下咁啦。好貪心嘅我哋好多嘢都想試，所以揀咗兩款mains 。第一款就係海鮮大雜燴，用蕃茄加白酒汁煮啲海鮮同細細粒嘅意粉，個汁唔算煮得杰，但味道都幾好。入面有魚柳、蜆、蝦同埋青口等等嘅海鮮，啲粒粒意粉吸咗啲汁就真係幾正！另一

今日預先慶祝J小姐生日，上個月在小牒吃飯見到呢間話好出名的廚師開想試下，於是book定枱…我對意大利嘢吾認識，呢度冇pizza食，我哋叫左啲前菜小食、意粉、主菜、甜品…每樣嘢其實吾大碟，都係少少份量…但食到甜品已飽了，可能我哋又誇張左啲，每人叫一款   dessert 本來話只可坐兩小時，但我哋KEEP住落ORDER，過左時都冇被趕～食完，我覺得味道都係普普通通…我都係比較鍾意食意粉類，可能呢啲先叫正宗意大利嘢啩…叫左一份羊架，我吾食羊，但佢地叫我試，咪試了少少，勉強食了少少，但好燶味，同好肥，我朋友都話好多肥膏。。。