Video
Read full review
2021-02-12
2021 views
由泰菜權威David Thompson開嘅泰國菜，開咗半年就攞到米芝蓮一星，又位於中環大館2號槍房嘅二樓，服務非常好，坐在outdoor可以享受陽光，邊睇住下面人流來來往往，邊食fusion嘅泰國菜，係幾relax幾值得一試嘅體驗🥰我地兩個今次就食咗兩個lunch course，每個$318，價錢對於食一星黎講好合理且抵食。而佢地menu都會定期轉，你地去度可能已經唔係我地個menu架啦。🔸贈送嘅餐前小食 - Ma Hor上面部分以肉碎、花生、椰糖組成嘅，下面係菠蘿，面頭放上一片芫荽同一條辣椒絲。聽說係泰國嘅皇室小食，食落非常甜，甜到蓋過咗其他味道，菠蘿都係甜嘅，再加劇咗甜度。呢款開胃小食先打開咗我地嘅眼界。🔹Starter▪️Grilled Chicken Skewers▪️烤雞串烤得好嫩滑，面頭嘅配料花生、小茴香、薑黃，都好香口好夾，調味適中，甜甜地嘅泰國風味，配埋酸酸甜甜嘅泰式辣醬汁，好好食。▫️Miang of Lobster▫️呢個要用檳榔葉包著黎食，裹面有龍蝦、薑、烤椰子同少少青檸flavour，食落薑同青檸味都唔算重，有龍蝦肉嘅嫩滑爽脆，又有椰子嘅爽口，口感豐富。醬料有d似餐前小
我地兩個今次就食咗兩個lunch course，每個$318，價錢對於食一星黎講好合理且抵食。而佢地menu都會定期轉，你地去度可能已經唔係我地個menu架啦。
🔸贈送嘅餐前小食 - Ma Hor
上面部分以肉碎、花生、椰糖組成嘅，下面係菠蘿，面頭放上一片芫荽同一條辣椒絲。聽說係泰國嘅皇室小食，食落非常甜，甜到蓋過咗其他味道，菠蘿都係甜嘅，再加劇咗甜度。呢款開胃小食先打開咗我地嘅眼界。
Grilled Chicken Skewers
37 views
0 likes
0 comments
▪️Grilled Chicken Skewers▪️
烤雞串烤得好嫩滑，面頭嘅配料花生、小茴香、薑黃，都好香口好夾，調味適中，甜甜地嘅泰國風味，配埋酸酸甜甜嘅泰式辣醬汁，好好食。
Miang of Lobster
32 views
0 likes
0 comments
呢個要用檳榔葉包著黎食，裹面有龍蝦、薑、烤椰子同少少青檸flavour，食落薑同青檸味都唔算重，有龍蝦肉嘅嫩滑爽脆，又有椰子嘅爽口，口感豐富。醬料有d似餐前小食嘅味道，但有其他配料平衡之後，就冇咁甜。
🔸Main Course
▫️西芹絲瓜芫荽湯▫️食完較為重口味嘅前菜，飲返碗湯。呢款湯咁岩有齊我唔鍾意嘅西芹同芫荽，但係味道又清清地幾好飲，基本上就係呢三款蔬菜加埋調味嘅味道，好岩清下喉嚨開始食主菜。
Crispy Perch
27 views
0 likes
0 comments
煎得非常香脆嘅魚藏係，同樣炸得非常香脆嘅羅勒菜下，都算幾大塊。羅望子醬嘅重甜微酸，配住外皮脆卜卜肉質嫩滑多汁嘅爐魚，簡直係白飯小偷🤤輕盈咁脆嘅羅勒菜沾羅望子醬食，亦都好好食😍
Chicken and Green Banana Curry from Chanthaburi
28 views
0 likes
0 comments
呢個綠咖哩小小辣配椰香，香濃順口，但香蕉味唔太出，質地較稀。雞肉都係好嫩滑，裏面嘅薯仔都好入味。微辣又重椰香奶香嘅咖哩調味好適中，好好食，同樣係白飯小偷。只可惜雞肉偏少，只有4-5舊😫
p.s 佢地白飯會有侍應拎住一兜白飯問你要幾多，食完想添都可以。
🔹Dessert
Mango with Sticky Rice
27 views
0 likes
0 comments
另外個甜品係椰蓉湯丸，但因為唔太興趣，我地兩個都係食芒果糯米飯。新鮮都夠甜嘅芒果下面係微暖嘅糯米飯，淋上超甜嘅椰醬，簡直係甜到爆炸嘅甜品🤣
🔸Drink
我地叫咗個茶，但係名太複雜，又mark唔切，就冇得俾名你地知🙈我地一開始expect係特飲，點知黎到係好似茶樓咁飲茶😂服務好好，幫手沖好哂，倒埋，仲會幫手添茶。飲落香噴噴，不太苦澀，幾似中式綠茶，食完，再慢慢係大館飲下茶，都幾chill🥰#foodtaster泰式 #foodtaster中環
Post
