Cafe de Paris Est. in Korea (Closed)

由韓國的Cafe de paris終於來了香港，位於登龍街的一角，增添了多個甜品好選擇。店鋪空間都頗大，以藍白色簡約為主。下單位置擺放不少可愛的擺設。仔細看四周有不少小鐵塔擺設，相當切合餐廳的主題。芒果bon bon杯 $98Bon bon 在法文解作為甜食，芒果水果杯十分壯觀，呃like一流，由果肉、沙冰、忌廉和果醬組成。品嚐著甜美的已去皮的芒果，啖啖果肉好滿足，原來忌廉比像中更軟滑、口感輕盈，幾有驚喜！忌廉底下是甜度適中的芒果沙冰、還有細粒芒果肉。底層再是芒果沙冰，整體味道比我預計的更美味。因為提子杯賣完，店員提議新出的車厘子 bon bon 杯。因為車厘子去核需時，這個要稍等一會。全部車厘子已去核，整齊擺放在膠杯內，很費心思。第一次品嚐無核車厘子，感覺好爽，至於沙冰有少少藥水味就一般。最後要點熱茶暖暖胃，分別是青檸花茶 $38、伯爵茶 $38。一套茶壺連茶杯用具漂亮到爆燈。喜歡淡淡茶味可選青檸花茶，而我這個伯爵茶味就較為濃。是晚相當驚喜又滿足，值得再來光顧。

韓國大熱既水果bon bon開左黎HK, 中意食甜品既Vi今日就黎試下, 其有3款bon bon series, 本身想食青提, 但原來近排唔當造, 所以無提供, Vi同朋友要左一個strawberry bon bon 同mango bon bon, 另外點左一杯西柚汁~ strawberry bon bon好大杯好令! 有勁多粒士多啤梨, 而且係韓國士多啤梨, 所以幾甜而且有香味, 點埋cream食幾正, cream入面有士多啤梨沙冰, 味道都算natural, 夏天食應該透心涼，但沙冰份量唔多。 mango bon bon都大得誇張, 好重手, 芒果好大粒, 啖啖肉而且夠甜, 好滿足, 而芒果沙冰比士多啤梨沙冰好味~ 西柚汁既賣相都好特別, 有半個西柚肉食, 西柚汁偏酸, 應該係鮮柞無落糖XD 但有點太酸, 要食番d 士多啤梨同芒果中和下XD整體雖然偏貴, 但生果係有質素既, 同埋食哂一杯都幾飽~