Ebeneezer's Kebabs & Pizzeria (D’Deck)

Open Now

Now Closed

最近疫情關係，放假都係鍾意去吓離島區，呢日就去咗愉景灣。因為天氣太熱，所以一到達愉景灣第一件事就想搵個地方坐低食吓野飲番杯凍飲，呢度都幾多選擇，不過好多都類似酒吧形式嘅餐廳，我帶住小朋友似乎唔太方便入去，所以最後就揀咗Ebeneezer’s。呢間餐廳其實喺市區都好多分店，而且主力係喺各大院校開業經營，所以分店一般都有少少似學校canteen嘅模式，而愉景灣呢間餐廳相對地環境就舒適relax好多，而且服務仲特別好。因為熱到都唔係太好胃口，所以就叫咗一份烤雞沙律，烤雞肉切成小粒，配合生菜、青瓜、蕃茄、紫椰菜、蘿蔔絲等，仲有水牛芝士，真係好啱夏天食。店員仲特別介紹枱面上的三支沙律醬，綠色的係薄荷味，橙色的帶點辣味，白色的係蒜蓉味。用嚟配沙律特別清新！大人小朋友都最愛嘅Pizza，而且就係最簡單嘅菠蘿加火腿， Pizza只要夠新鮮，唔使太多材料都已經超級好味道！小朋友話想食薯條，就叫一份俾佢啦，估唔到份量有咁多，我哋一家三口都食唔晒。再嚟兩杯凍飲，真係透心涼，叉滿電就可以出去玩喇😜

來愉景灣拍拖放鬆下心情。諗住係入面食下野，係OpenRice 事先揀定呢間，因為佢啲食評都唔錯，而本人亦由於極肚餓，想揀一間係食得飽肚既餐廳，貴而細碟個啲就唔好喇。來到既時候係三點，星期日，餐廳無乜人，連靠窗既位都坐唔晒。而成間餐廳俾我既感係好闊樂，好乾淨舒服，又唔嘈。揀左個窗口位坐低左之後就揀野食，我揀左個chicken kebab spicy 同mango lassi,男友就揀左印度咖哩炒飯都要辣既，飲啤酒。男友既炒飯有碟頭盤，係好似薯片既個種烤餅。跟住到我碟kebab，勁大份呀！平時食半份我一定飽，但今日實在太餓，食得太快，所以食完半條個飽既感覺未上腦，到我食晒成條既時候已經太遲喇！我已經越來越飽，連水都飲唔落。除左份量唔話得之外，連味道都好正，不過辣都幾辣，譚仔食過五小辣既我都辣到有啲眼濕濕。（平時kebab係出市區買都要五十蚊左右，愉景灣來講呢條kebab $6x 真心算平了）至於男友碟印度咖哩炒飯，佢話佢肚餓既情況下食都飽，不過佢個碟辣仲辣過我！所以下次想係呢間食辣既朋友如果你純粹鍾意食少少辣但又唔係好食得辣，就寧願唔好揀有辣既，因為呢度啲野食係無分辣既程度。至於服務方便，