Parc古道具公園 (Closed)

一入到去同工廠大廈既環境真係好大分別，cafe入面有好多復古既擺設，大部分都有價錢，睇岩可以隨時購買👍🏼·今次叫左Rose Latte & Marine Blue Lemonade，Rose Latte好鬼靚，平時飲既通常好重玫瑰味同比較甜，但呢杯比較重咖啡味，好岩口味，而杯南法海風檸檬果汁藍色真係比較特別，我淨係飲到檸檬味，其他唔知有咩味，不過好靚😆·甜品叫左Banana with dried fruit chocolate crêpe，香蕉上面有焦糖配埋crêpe食唔會太甜，另外仲有d果仁粒，一齊食口感唔錯😋·呢度影相仲好靚架😍😍·由於覺得咖啡口味好岩我地，所以我地買左200g House Blend番屋企沖😆😆

最近愛上古道具公園，呢個公園並唔係九龍公園嗰啲公園，其實呢度係一家古董家具店，每一件家具都係由法國運過黎，如果喜歡vintage style 嘅朋友，一定會好鐘意呢度，而且每一個角落，都係拍照嘅好地方。除咗賣古董家具，呢度仲係一家古董洋果子店。古董洋果子即係舊式嘅法國甜品，賣相精美，造型非常特別。修女泡芙($50) 始於約1850年的巴黎，呢個泡芙外表似一個肥嘟嘟嘅修女，而中間將大小泡芙連起黎嘅白色奶油，就係修女嘅白衣領。泡芙外面係士多啤梨朱古力coating, 但係一啲都唔會太甜，裏面係塞得滿滿嘅士多啤梨忌廉，忌廉食落有厚度，唔會食完好似食咗一陣風咁。如果泡芙再甜啲，一定更完美！法國國皇蛋糕 ($50) 源自1771年，係法國人從古至今喺聖誕節都會食嘅甜點🎄🎉🎂。 蛋糕上面有有一個可愛嘅皇冠👑，為蛋糕加冕。雖然佢個名係蛋糕，但其實佢係千層酥！酥皮食起上黎相當香脆，比想像中好食😋😋，蛋糕中間有一點點杏仁忌廉，呢個甜甜脆脆嘅配搭非常唔錯。Marine blue lemonade ($38) 呈漂亮嘅海藍色，酸酸嘅檸檬汁，配上杯邊甜甜嘅藍糖粒，做成一酸一甜嘅對比。檸檬汁上面加上特製冰粒，裏