J'aime bien Patisserie (Closed)

自知罪孽深重，週六原本諗住去教堂辦告解，點知神父有事外出，結果摸門釘。沿著星街離開時，走到街角盡頭，見到右手邊有個印有糕點o既易拉架，彷彿正向細佬揮手召喚 ，雙腿好自然就走咗上去睇。真係估唔離開咗繁忙o既皇后大道東，上到寂靜o既聖佛蘭士街斜坡頂上，竟然會暗藏甜品店！店子以法文取名，「J'aime bien Patisserie」可譯作「我很喜歡糕點」，嘻嘻，剛好與小肥志同道合！炎炎夏日，為怕室內冷氣外流，小店將玻璃門敞埋，其實並未關門，照常營業。可能因為仲係食晏時候啦，小肥兩點左右步進餅屋，即可免費包廳。難得店員姐姐又唔介意，細佬當然係肆無忌憚地周圍影相啦！ 甜品店只有一盞典雅o既吊燈、一張古老o既兩層式拉櫃、三張圓枱配鐡櫈o既散座及一列蛋糕擺設，簡單精美。得知小弟首度光臨，姐姐仔好客氣地為餐店及其餅點作出簡介，並指出架上o既模型全部跟足實物製造，細小o既店舖居然會如此在意細節，態度相當認真 ！深受情人影響，小肥近年亦愛上香檳，故不需費神，好快就決定要試Strawberry & Champagne Mousse。蛋糕與模型，無論係體積大小，定亦或係表面紋理，冇十成都肯定有九成九相

大雨想買件餅同肥髀慶祝母親節，呢間朋友推薦比我，但要行上條大斜路，唔敢搏打電話問定仲有無餅，個男店員非常親切，不單講晒仲有嘅款式，仲提我落緊雨，擔心我無遮，又提醒晚上8時收舖（當時時間7點多）知道有餅行上去，地方唔難搵，門面簡潔，入內同平時餅店唔同，平時餅店有個大雪櫃，呢度只有一個櫃檯，店內有幾張小圓枱，比食客坐低食，當時店內無人，我入內等一陣，有個男店員（應該係聽電話那位）出來招呼我，原來牆上一排架有demo cake展示，用個好靚嘅玻璃罩罩住（有啲款式用毛氈球做demo,好神似）男店員知道我第一次幫襯，好有耐心逐款介紹，然後我揀了三款蛋糕！佢就入去廚房攞出來，由另外一位繼續包裝嘅工作，佢會將每款餅用膠紙黏實紙盒底，再比其中一款嘅溫馨提示小紙頭比我，點樣將件餅最好味，仲會建議食嘅次序（如果一齊分享嘅話）好有要求！回家打開，三件餅依然好靚！！Matcha quartet($42)呢個非常抹茶，上面有抹茶啫喱，加忌廉，中間有軟滑抹茶慕絲，連底部都係抹茶，所以非常濃，配搭得唔錯！帶微甘，大人口味！LE CORDON BLEU SPECIALTY($45)呢款雖然外表唔驚喜，望落只係一件普通