Mee...lemongrass (Closed)

平時見到星期六日排哂長龍等位...所以就趁住平日嚟試試！首先當然要order咗下午六點開始限定只得三十碗既原隻龍蝦喇沙($84)先啦...因為個個嚟排隊都係為咗等食佢😆一上枱真係有啲嚇親...龍蝦超大隻唔在講...仲點係超新鮮！碗喇沙湯底仲好味到比我飲咗一半添😋真係貨真價實！足料之作！另外，因為我哋有coupon...所以餐廳送咗一碟油鬆餅...雖然係免費...但手工一啲唔其求其，而且做得非常鬆化好味👍另外個Mee海鮮喇沙都好有水準！唯獨是個海南雞喇沙個雞就比較一般！甜品方面，個椰汁西米糕做得都唔錯！杯芒果沙冰就非常之大杯！不過我都係鐘意飲佢個馬來手拉茶！好有馬拉風味！

星期六放假，行銅鑼灣皇室堡嘅時候，門口有人派coupon，係一間mee-lemongrass馬來喇沙及海南雞飯專門店，於是三人就趁六點前入座，可以揀套餐食，包一杯熱飲及甜品。於是我哋就叫咗個MEE喇沙$78，有大蝦、蜆肉、蟹柳、魚蛋、豆卜、雞絲及雞蛋，湯底及味道都唔錯，值得一食！另外叫咗個招牌無骨海南雞飯$80，講真啲雞就好一般，雞唔夠滑，雞皮又多毛，比起太安樓間海南雞飯真係相差得好遠！唯一值得讚嘅就係附送嘅冬瓜湯，味道唔錯。以及就叫咗個雞絲扎肉檬粉$58，又係有啲失望，檬粉有啲好硬，最後叫埋個油鬆餅，係免費嘅(之前派嘅coupon之一)，反而唔錯，幾好食！埋單加一，再扣另一張coupon$10，即係$227.6。總括：服務一般，因為有個女侍應成日就嚟收嘢，明明個食客都未食完，仲食緊，佢都行過嚟想收，仲唔止一次，證明佢都唔細心，又心急，而餐廳嘅食物水準，亦好一般，相信都唔會再去食嘅一間。

今晚行銅鑼灣，發現皇室堡改頭換面之後，原來地庫有間以馬來喇沙和海南雞飯做主打的食肆。當時未夠六點半，見時間尚早又不用等位，入去坐低叫野食，餐廳裝修格局似food court，枱與枱的距離都算可以，只係食飯時間最好訂座，因為七點後，已經有人等位。點咗無骨海南雞飯($74)同Mee喇沙($84)，飲品要了鮮芒果冰($38)及士多啤梨冰($38)，甜品要了香芒椰汁糯米飯$42。無骨海南雞飯($74)，雞肉好滑好嫩，雞皮好金黃，而且有點爽，油飯比較干身，另外有兩種醬汁來點雞，一種黑醬油，味道有點酸甜，另一由蒜蓉、辣椒、麵豉、青檸製成，味道酸、辣、香，仲有碟清菜和一碗冬瓜湯，碗湯都幾清甜，成個套餐以銅鑼灣區都算好低食👍👍👍Mee喇沙($84)，內有大蝦(2只)、蜆(2只)、蟹柳(2條)、豆卜(2塊)、魷魚(2件)、雞蛋(半只)，兩只蝦都好新鮮，而且味道鮮甜，湯底味道係正宗馬來西亞喇沙味，仲帶點辣及椰香味，而麵底採用摻摻做法，即係米粉撈油麵，我喜歡呢個喇沙的味道，所以成碗食晒，都幾飽。士多啤梨冰，好大杯，味道都幾士多啤梨味，飲落好冰凍，如果夏天飲仲正。鮮芒果冰，都係咁大杯，不過芒果味道好淡，相比士

東南亞旅遊就去得多, 要集合有泰國/馬來西亞/新加坡菜的餐廳就要黎呢到試試新開的東南亞餐廳係皇室堡地庫, 半開放式的餐廳, 裝潢新穎, 適合年青人泰式奶茶(凍) 奶味重但不失茶香及濃, 略甜, 加上碎冰, 跟港式奶茶是兩種不同特色, 註場真係有當地人負責拉茶, 好正宗秘製肉骨茶好足料 用木桶盛著肉骨茶, 除了主角一字排外, 還有大大粒花菇/炸枝竹/杞子及豆卜, 全部配料都可以吸收晒鍋中精華, 肉骨茶帶杞子及藥材味, 味道正宗養身, 適合女性飲用, 一窩有3-4碗, 按傳統食法, 真想點一碗白飯一起吃這裡的喇沙也是入鄉隨俗, 麵底是米粉加油麵混合, 餐牌上有五款選擇, 我們選了Mee.. 配料鋪滿湯面, 大蝦/蜆肉/蟹柳/魚旦/豆卜/雞絲/雞蛋及魷魚, 除了雞蛋, 全部配料都有兩件, 唔會煮到出晒味喇沙的靈魂就在湯底內, 上檯後立即嚐一口湯, 味道是香濃重椰香味, 帶點咖哩, 每配加上一茶匙辣醬, 攪勻食, 真心想連湯都飲埋, 一碗份量足夠兩個人食大力推薦, 絕對是香港數一數二好食之一食完湯麵要試埋炒麵, 一樣得檳城炒貴刁, 去過檳城就非常懷念, 炒得夠火喉, 均勻及帶點焦香, 有蝦有青