Gladys' Estate Coffee (Closed)

耐不耐都會一個人來 Glady 食 lunch，舒緩一下工作壓力。 店主和店員唔係超熱情，但我覺得佢地正正常常，埋單會多謝顧客，有基本禮貌。 至於咖啡，我非常喜歡，雖然我唔係識飲咖啡嘅人，次次都飲 Mocha or Latte，但都飲得出同出邊好唔同，有獨特咖啡香，好有個性，最重要係唔死甜 (我估係無加糖)，尤其 Mocha，純粹咖啡和朱古力味而沒有多餘的甜味，正是我想要的，喺香港我只飲過三間可以這樣。 而凍嘅唔會加冰，亦是超讚，溫度剛好 (因我本身不飲凍飲，但超熱超渴時不飲熱，要求走冰好麻煩人)。食物方面，好耐之前食過一次 all day breakfast，雖然那次食得好趕，記憶中食材係唔錯，煙肉唔係快餐店茶記貨色，分量對我來說剛好。 我亦好相信人地收得嚟個價，唔會離譜，九龍城咁多識食之人，如果咁差都生存唔到啦！我比較常叫 pasta，因為又係覺得出邊食唔到 自己腸胃差，好怕食完滯半天的感覺，食過 carbonara 都唔會滯 平時唔好羅絲粉，有次店員推介試咗，真係好好味 食飽無負擔！看到之前的負評，就想寫一寫，還一個公道... 百貨應百客，畢竟每人需求不同，有人喜歡抵食夾大