泰小子 (Closed)

難得屯門都開左香蕉煎餅，雖然地點唔算太就腳都一直bookmark左諗住搵日去試。小店隱身於街市之中，好在隔離有個公園仔可以買完過去食。-🍌原味香蕉煎餅 $30賣相不錯，岩岩整起熱辣辣外脆內軟不過唔係好夠醬，有比較下會prefer nutella。-🍌Nutella榛子醬香蕉煎餅 $35比原味多左層nutella食起上嚟重味啲，比較啱我哋口味～-總結：價錢合理，整體偏向正常發揮普普通通，唔會話唔好食不過都無想食多次。

又去搵我個屯門牛朋友時佢話呢間平時放工都好多人等，望下menu好似又唔錯咁就試下😝。即叫即整等15min左右就有得拎🖖🏻，外賣左去佢屋企食😝。🔅Nutella榛子醬香蕉煎餅配柚子蜜蜜 ($53)煎餅好脆，好香香蕉味！Size大概打橫就係一條大蕉既長度，都唔會好細份。朋友本身唔太鐘意香蕉製品但食下食下都食左我一半🤣。Nutella味唔算好濃，都係香蕉味更勝一籌😂，意外地2隻味都幾夾。最重要係nutella加埋少少煉奶喺面都唔會太甜👍🏻。野飲就幾香柚子味，夏天飲幾fresh好消暑👍🏻。💬外賣番去都仲好夠熱，staff好nice，值得一讚！

置樂係屯門牛食泰菜嘅好地方，但今日食完晚餐後唔夠喉，行過見到利寶開左間泰式煎餅店，除左煎餅仲有其他泰式甜品同飲品，就係時候醫下第2個胃。Ｎｕｔｅｌｌａ 榛 子 醬 香 蕉 煎 餅雖然小店嘅煎餅配搭有很多，但我永遠都只係會揀Nutella 香蕉煎餅🥞特別欣賞佢地煎得唔太油膩，餅底香脆得黎亦有咸香，令棒子味突出之餘唔會過漏。泰 式 奶 茶 套餐 ($53) 可選一杯飲品，泰茶香滑唔過甜，減低咗食宵夜嘅罪疚感😈疫情後小店都早左收鋪，但泰小子宜家開到夜晚11點，簡直係宵夜首選🤫

#屯門/ 呢幾日香港真係好熱好熱🥵日日出街都熱到溶，令人諗起一樣咁熱嘅泰國時光🥲 除咗平時食泰國菜，仲好掛住香蕉煎餅，知道屯門呢邊有就入咗嚟食﹗// 呢間係專做外賣嘅小店，店面較小，香蕉煎餅嘅口味比想像中多，除咗有傳統嘅煉奶同朱古力，仲有自家製嘅4款口味，好似係榴槤同車打芝士、水牛芝士。而且都有唔少清涼嘅泰式特飲同沙冰㨂，因為今日天氣都真係好熱，我就揀咗最消暑嘅「西瓜沙冰🍉」﹗/因為即叫即整，所以都等咗 5-10分鍾左右，不過沙冰好快整好可以飲住等，西瓜味好鮮甜又清爽，爽啊﹗﹗﹗🌰Nutella榛子醬香蕉煎餅 $35第一次食就㨂返最多人食嘅榛子醬，已經切好晒，而且每件都搽得好勻🥰，啖啖都係濃郁嘅榛子醬真係好邪惡﹗🍉西瓜沙冰 $22超Fresh嘅西瓜味😍，而且都幾大杯，西瓜味真係特別消暑💛，而且冇咁甜配返香蕉煎餅反而唔錯﹗係飲到尾尾啲冰溶晒之後稍稍淡咗啲啲😳------------------------🌰Nutella榛子醬香蕉煎餅 ＋ 西瓜沙冰 套餐價 $53推薦：🌕🌕🌕🌕🌑性價比：🌕🌕🌕🌗🌑套餐價會抵啲🤔係好難同泰國嘅價錢相比，但味道同醬料都畀得好足，而且即叫即整。

香蕉煎餅據聞係泰國嘅人氣street food之一，但距離有得去旅行依然遙遙無期，咁咪喺香港食住先。煎餅口味眾多，有鹹有甜，新鮮即製，要等大概十分鐘。；nutella榛子醬香蕉煎餅 $58nutella加香蕉係無敵嘅組合，不服來辯。厚厚一層nutella醬完全覆蓋煎餅，最頂層仲有層煉奶。煎餅皮薄，皮與皮之間空氣感十足，咬落香脆帶些微煙靱，香蕉蓉鬆軟，多重口感，超滿足。；青檸梳打 （跟餐）完全唔甜（無咳），啲氣咋咋聲湧入個胃，配埋極清爽嘅青檸，透心涼♡̢( ಠωಠ )۶。

既然來到利寶商場，當然順路來一試最近非常人氣的泰國香蕉煎餅！「泰小子」是外賣店，主打各款口味香蕉煎餅，有甜有鹹。此外亦有飲品和甜品出售。和朋友點了一份甜味香蕉煎餅happy share。煎餅皮做得很薄，據說是由老闆人手逐塊製作。餅皮經香煎後，入口薄脆帶著微微煙韌口感，中間夾著香蕉蓉。煎餅上塗了nutella榛子醬和煉奶，甜度可以接受，未有感到過膩。（不過因為沒有到過泰國旅行，不知道是否和當地吃的香蕉煎餅一模一樣。）青檸梳打，有着青檸的酸味，在炎炎夏日的天氣下，喝一杯梳打飲品特別舒暢。

幾時先有得去旅行呀😫無得去旅行，唯有周圍去揾美食止止痕啦😉好彩揾到一間近乎喺泰國食到嘅味道，大家真係可以值得一試👍🏻🌰Nutella榛子醬香蕉煎餅榛子醬同煉奶都搽得好均勻，重點唔係薄薄一層醬，而係有一定厚度，唔會透薄嗰種！煎餅入口就有啲脆脆哋，𡁻落有淡淡嘅香蕉味，口感唔錯👍🏻但我略嫌香蕉味唔夠濃，如果多返少少香蕉味就完美嘞😍🥤泰式奶紅茶茶色靚、奶味濃、茶味香，甜味又適中！呢杯係我喺香港飲過最好飲嘅泰式奶茶💯唔會好似啲泰國餐廳咁一味死甜又無茶香味！真係幾好飲，唔錯😏🥭芒果糯米飯賣相好靚，芒果切得厚薄適中，而且芒果夠新鮮又夠香甜😋而糯米飯口感夠煙靭，但又唔會黐牙！以呢個價錢嚟講，份量都算十足！芒果糯米飯愛好者真係不容錯過🤩

屯門置樂餐廳林立 係街市附近仲有一間新開無耐已經生意爆火嘅泰式煎餅店！去到時間差唔多6點都多人排隊 重要好多外賣單 好popular😉餐牌選擇好多 standard香蕉煎餅齋揀淋醬已經有幾種🤤仲有其他創新芝士紫薯、芝士肉鬆 通通都想試下😋🥞Nutella榛子香蕉煎餅💰55（套餐）煎餅新鮮出爐個紙盒都係熱辣辣 本身以為煎餅係好細塊切開好多舊 點知呢20塊真係好多😱每一塊入面都足料！面頭榛子醬同煉奶撒得毫不吝嗇🥺剛入口係脆卜卜嘅煎餅邊 可以聽到咔嚓聲！煎餅皮原本係鹹嘅 但係撈埋榛子醬嘅甜就中和晒 而且香蕉好大舊 瞬間將爽脆嘅口感變成黏糯 熱得來又軟淋淋吸引你食下一舊🤣🧋泰式奶茶沙冰典型泰式奶茶飲得多！沙冰就真係少見左 相對於煉奶多多嘅奶茶來講沙冰口感會冇咁甜😋而且相對更加解暑 食完熱辣辣嘅煎餅飲返啖又解膩又解渴！當日真係見到店主不停接外賣單 可以見到有幾咁受街坊歡迎🤣店主好nice問定我地可唔可以等咁耐 好彩最後都唔係等得太耐！下次會想試下其他味道 仲有芒果糯米飯等泰式甜品！大家都可以支持小店😉

置樂最近開左一間好吸引既泰式香蕉煎餅店😍所以就決定食完晚飯黎叫個甜品番屋企啦😎估唔到佢夜晚都有源源不絕既人流，最後小編都等左15分鐘左右先拎到😝🥞 Nutella榛子醬香蕉煎餅 $35超級大份😱 放入口唔算超級熱，但仲係超脆😋其實呢個配搭都冇得輸架啦🤪本身都好驚會超甜，但食下食下唔小心又食左半份🤣榛子醬同香蕉冇搶到大家既風頭，個味放埋一齊係超夾呀😍🍹 芒椰奶西 $28等到好熱既時候，飲番一杯芒椰奶西真係超爽😎佢西米既份量都幾多，飲到最後都仲係啖啖西米😝我本身以為呢杯野係似芒果椰汁西米露咁，但原來都有沙冰打成，令杯飲品可以保持佢既冰度👍🏼如果可以加啲芒果肉一齊食就好啦😝有機會再去試下其他味先😍佢既芒果糯米飯都好似好吸引！

冇得去泰國 好掛住泰國街頭或者夜市周圍喪食飽到嘔嘅感覺最掛住就係泰國嘅香蕉煎餅🥲估唔到香港都有得食大西北嘅朋友有福啦！屯門開咗間香蕉煎餅專門店有多達十款口味嘅煎餅仲有啲泰式甜品飲品 入到嚟當然要一試去個日係週末所以比較多人落咗單都要等20-30分鐘先有得食Nutella榛子醬香蕉煎餅試下最穩陣嘅Nutella應該冇死拎上手仲係熱辣辣應該唔係整定的煎餅好大一塊切成小件厚薄適中質感夠哂酥脆做到7成泰國食嘅口感！個面搽咗Nutella同少量煉奶唔算太甜 Nutella味較薄弱中間個層香蕉蓉同nutella好夾！慢慢咀嚼先食到香蕉味餅皮係優勝 味道不過不失青檸多多冰食住熱辣辣嘅香蕉煎餅梗係要叫杯凍嘢gur gur佢！多多冰即係益力多冰飲完真係gur～一聲超爽夠哂凍又唔算太甜超級透心涼呀！呢間香蕉煎餅算合格中規中矩勝在夠多口味揀！而且店家服務態度好好想懷念泰國味道 都可以一試！

無得去旅行，好掛住外國嘅特別小食，依加唯有喺香港捐窿捐罅食下唔同地方嘅嘢食，扮去咗旅行🙈 記得喺泰國街邊食過一個香蕉煎餅做宵夜，都幾難忘，但食泰國嘢嘅餐廳都未必有香蕉煎餅，估唔到依加屯門都食到～•🥢 Nutella榛子醬香蕉煎餅 $35呢到嘅香蕉煎餅都有唔同口味，有啲都加咗香港人鍾意嘅口味，例如紫薯、芝士火腿、蜂蜜芥末，都幾特別，不過今次揀咗暫時最多人推介嘅Nutella榛子醬～煎餅好薄，幾香脆，香蕉都壓扁夾咗喺中間，因為壓到好扁，所以唔會有香蕉嘅口感，但香蕉味都冇比Nutella遮晒，不過有返香蕉口感應該是會更加正😝～Nutella榛子醬鋪滿左整塊煎餅，再加埋煉奶，好邪惡！•🥢 芒果糯米飯 $38芒果切得好薄，排得好靚！芒果都幾甜，無渣，糯米飯幾黏，椰汁味幾香，不過淡咗少少。•🥢 泰式奶茶沙冰 $26呢個泰奶沙冰唔會好甜，凍冰冰夏天飲啱晒！沙冰中間有一兩粒大粒少少嘅冰，但整體都唔會太粗粒，不過可能天氣太熱，沙冰溶得有啲快，所以飲到最後啲沙冰溶得7788就會淡咗好多😢

早排經過見到置樂新開咗間食泰國香蕉煎餅但係已經收咗工經過就同朋友買咗一份Nutella榛子醬香蕉🍌煎餅，一杯西瓜🍉沙冰同泰國奶綠～收銀姐姐話煎餅係即叫即煎，所以要等10分鐘左右 咁我哋無嘢做，等下無所謂啦之後收銀姐姐俾咗張傳單俾我哋，話下次可以打電話唻落單先～之後再嚟拎😍😍呢樣抵讚👍🏻👍🏻天氣咁熱🔥，等咁耐真係會熱死😵😵到我哋拎煎餅啦～～香蕉煎餅之前喺泰國已經好鍾意食架喇😍😍～～煎餅煎得好脆喎，夾埋香蕉甜味加埋榛子醬喺泰國🇹🇭街頭掃街嘅回憶返晒嚟呀～外脆內軟～😋😋味道拍得住泰國街頭小食檔天氣爆熱嘅時候唻杯西瓜沙冰真係無得彈平時泰式奶茶飲得多，泰式奶綠第一次飲原本以為會得甜味但係飲落去真係飲到清新嘅綠茶味，唔算太甜，啱晒我我見到水牌仲有芒果🥭糯米飯，下次都要試埋先😋😋😋實在太啱我哋屯門友喇～yeah