Video
Read full review
2016-01-03
773 views
大坑出晒名多好野食，今晚特意過來試一試，所以好隨意揀左間位置係大街嘅pizza店。舖內得幾張枱，最多坐到廿鬆D人，好彩六點鐘到，係第一個客，所以就揀左by window嘅枱坐。三個人order左四樣野加三杯非酒精飲品，如果鍾意飲酒嘅人，來呢度加埋happy hour，咁就非常好啦！個人較鍾意食 Caesar salad，所以都對個頭盆有D要求，雞都夠熱，好明顯係即叫即煮，菜就一般新鮮，因為比較唔爽。至於小食雞翼同魷魚圈，都平平無奇，雞翼就普通，魷魚圈個粉太厚，又無魷魚味，只感覺食粉團咁，所以小食有進步空間。話明餐廳主打係pizza，咁叫得嘅應該有番d水準，係open rice都見好多人叫有隻半生熟蛋係面嘅pizza，呢個賣點又點可以錯過，所以都揀左來一試。薄pie底條邊都算脆，但有D焦黑，尚算ok，煙肉烤得剛到位，唔太硬，好容易咬開，半生熟蛋切開都有蛋漿流出，都幾得意。確實味道就一般，但半生熟蛋確實係個賣點。最後埋單一人二百，比我想像中之貴，或者舖租太貴，係正大路嘅轉彎位，所以抵食程度真係差少少。
舖內得幾張枱，最多坐到廿鬆D人，好彩六點鐘到，係第一個客，所以就揀左by window嘅枱坐。三個人order左四樣野加三杯非酒精飲品，如果鍾意飲酒嘅人，來呢度加埋happy hour，咁就非常好啦！
個人較鍾意食 Caesar salad，所以都對個頭盆有D要求，雞都夠熱，好明顯係即叫即煮，菜就一般新鮮，因為比較唔爽。
至於小食雞翼同魷魚圈，都平平無奇，雞翼就普通，魷魚圈個粉太厚，又無魷魚味，只感覺食粉團咁，所以小食有進步空間。
話明餐廳主打係pizza，咁叫得嘅應該有番d水準，係open rice都見好多人叫有隻半生熟蛋係面嘅pizza，呢個賣點又點可以錯過，所以都揀左來一試。薄pie底條邊都算脆，但有D焦黑，尚算ok，煙肉烤得剛到位，唔太硬，好容易咬開，半生熟蛋切開都有蛋漿流出，都幾得意。確實味道就一般，但半生熟蛋確實係個賣點。
最後埋單一人二百，比我想像中之貴，或者舖租太貴，係正大路嘅轉彎位，所以抵食程度真係差少少。
Pancetta
$145
68 views
0 likes
0 comments
Chicken wings
$100
34 views
0 likes
0 comments
Chicken Caesar
$90
35 views
0 likes
0 comments
Calamari
$85
39 views
0 likes
0 comments
Post
