Be Leaf (Closed)

觀塘 Be Leaf 走度假Feel波希米亞風打卡Cafe🎐夢幻花花拱門🌾門口特色石春路🏖️鳥巢吊椅、高樓底木系裝潢、瞬間置身於峇里島咁！呢間Cafe 打卡又得食物又有質素～🐙香煎墨魚忌廉墨汁意大利飯 $102意大利飯粒粒分明好掛汁，墨魚粒夠哂彈牙🥭Papaya Mango Smoothie 芒果味唔會太甜，好凍涼好舒服！🍖法式紅酒燉牛肉配椰菜花飯 $98估唔到Be Leaf會有生酮菜式！椰菜花飯同蒟蒻麵～今次揀咗椰菜花飯～燉牛肉超級軟腍～醬汁夠惹味，仲有粒粒爽口三色椒同青瓜粒，椰菜花飯打得好碎好易入口～生酮之選啊🥰🍓Strawberry Avocado Smoothie 士多啤梨味道滿分！飲落又唔會太甜~🍮提拉米蘇梳乎厘班戟 $128估唔到呢個梳乎厘班戟超大份！表面淋上大量Tiramisu醬, 旁邊仲有朱古力碎, 梳乎厘好彈好鬆軟, 2個人share食都幾飽🤣Lunch Set  特飲半價🔅☀️夏天真喺比較熱，如果冷氣可以開大啲或者增置多幾把風扇就更加好～

Be Leaf 🍁 Be leaf 小食拼盤 ($108)覺得係必叫item，小食拼盤包咗水牛城雞翼🍗、泰式魚餅、同炸洋蔥圈🧅，三款小食都熱辣辣脆卜卜🔥另外仲有配兩款醬，蜜糖芥末同泰式檸醬，用黎點魚餅一流👍🏻而水牛城雞翼本身已經好多甜酸醬，食落亦都好juicy💦香煎北海道刺身帶子蟹肉忌廉意大利飯 ($128)有三大粒帶子同一堆明太子，帶子煎得啱啱好，唔會太乾身，又唔會太生口👅明太子同Risotto好夾😋 而Risotto本身都好creamy好入味，另外加咗青豆，增加咗口感💕而且飯量都幾多，唔會幾啖就冇哂，啱哂飯桶🍚香煎白鱈魚配自家製橄欖杏仁醬 ($248)白鱈魚魚肉好鮮嫩，滑得黎亦冇乜魚骨，好易入口，外皮亦煎得香脆🐟 雖然話係自家製橄欖杏仁醬，但杏仁味唔算好出，不過魚柳配埋橄欖油，滑嫩得黎唔會好heavy，已經好好味💗Strawberry Avocado Smoothie 🍓 ($52)飲落好似士多啤梨新地🤣 比起平時嘅Smoothie偏厚實少少，飲落亦都好smooth，而最特別係每啖after taste都真係會飲到Avocado 嘅味道🥑Papaya Mango Smoothie

Be Leaf位於觀塘工業區，門口既花拱門非常搶眼，入面地方幾大，樓底高令客人毫無壓迫感。餐廳亦設有室外座位，梳化同枱由竹籐製成，整體環境充滿度假風情，令我忘卻今日返工煩惱😚- 香蒜牛油白酒黑皮雞縱菌炒雜野菜呢道菜嘅材料夠晒健康，包括蓮藕、雜菇、粟米仔、青豆等等，加左牛油香蒜炒更惹味😋- 龍蝦湯煮海參蝦膠燴撒丁珍珠麵海參蝦膠配上珍珠麵呈現出中西合璧嘅美味🤩。珍珠麵好煙韌，蝦膠釀入海參，口感爽口帶鮮甜質感。- 香煎慢煮西班牙伊比利亞黑豚鞍配蜜桃牛油果莎莎配搭非常大膽，配材用上從未喺西餐見過嘅冰菜，口感爽脆👍🏻。至於黑豚鞍肉質粉嫩而且無筋，份量又大，配上蜜桃牛油果莎莎令人非常開胃🤤- Fresh Grapefruit Pomelo Soda甜度適中，口感清新，令人耳目一新。- Papaya Mango Smoothie 估唔到木瓜加芒果既smoothie比較淡味，口感幾細膩，smoothie上面仲有忌廉。整體而言，食物唔錯，環境無得彈👌🏻

觀塘敬業街Be Leaf，開咗都一段日子，依然都係咁多人幫襯。大家想去嘅最好同餐廳預約座位先喇。之前都有介紹過，除咗行好多少女中意嘅波希米亞風、有靚靚嘅位置影相打卡之外，餐廳仲係寵物有善餐廳，佢哋有提供半室外座位、俾帶狗狗嘅顧客同愛犬一齊chill下打下卡咁。Beleaf小食拼盤小食拼盤包括4隻水牛城雞翼，4件泰式魚餅，6個炸洋蔥圈，再配埋兩個醬汁，一款點魚餅，另一款就點炸洋蔥圈。洋蔥圈夠哂脆口，魚餅都相當好味。水牛城雞翼有預先炸過，雖然加上咗汁醬，但都食到脆脆嘅外皮，少少嘅辣度，好惹味。黃金廣島蠔櫻花蝦蕃紅魚湯意大利麵廣島蠔都算大隻，面頭拍咗麵粉煎香。蕃紅魚湯汁味道清甜，同意粉麵幾夾。香煎慢煮西班牙伊比利亞黑豚鞍配蜜桃牛油果莎莎豬鞍扒用咗慢煮處理，再將表面煎到金黃香脆，外脆內嫩多汁，配埋蜜桃牛油果莎莎，當當好味。伴碟有平時少食嘅冰菜，冰菜清新而爽脆，同伊比利亞黑豚鞍形成強烈對比。Strawberry Avocado SmoothiePapaya Mango Smoothie 沙冰飲品嘅配方固定咗，所以唔可以少冰或走冰，亦過唔可以少甜走甜㗎。飲品賣相精美，打卡一流，沙冰亦打得好細，夠哂

今日午餐去左觀塘一間超靚嘅餐廳食飯。一入門口就見到個大大嘅絲花門口，入到去樓底高而且裝修精緻，傢俱同餐枱都明顯花心思襯托，感覺舒服。午餐餐牌有9款揀，包水果茶，有機熱茶或汽水，升級其他飲品就半價。可加$28升級加是日餐湯或者蒜蓉包。另外仲有小食同甜品。今日第一次黎，叫左兩個主菜同一份甜品分享。用QR code落單，價錢同紙牌menu有少少唔同。泰式豬頸肉菠蘿竹炭漢堡配薯條 $138 另加一泰式豬頸肉菠蘿竹炭漢堡大大個，用竹簽固定好。上層竹炭麵包上面加左白芝麻粒，食落好香牛油味，質感非常鬆軟。下面就係菠蘿一大片，4片好脆而帶燶邊嘅泰式薄脆豬頸肉，番茄片，同生菜加沙律菜，加左足夠沙律醬，食落完全唔乾，味道幾好。薯條叫左走鹽，本身都夠鹹。薯條係粗身嗰種，質感非常脆口而外皮凹凸，伴有一細兜茄汁。紅酒燉牛肉配椰菜花飯（生酮）$128 另加一紅酒燉牛肉有4條牛肋條左右，炆得算腍，紅酒味適中，味道調得唔錯。伴有多種蔬菜，包括紅蘿蔔，意式黃瓜同青瓜，鷹嘴豆，洋蔥片，沙律菜，同菇粒，好健康。椰菜花飯另上，廚師將梛菜花打到好碎好似白飯咁，撈埋少少紅蘿蔔粒同豆角粒，味道唔寡之餘又非常健康，可以撈汁餸飯。Pa

Not far from the hustle and bustle of Kwun Tong, @beleaf_cafe offers a quick escape to ‘Bali’ with a tropical interior design (complete with the iconic bird nest), keto-friendly dishes and delectable dessertsWhen we came for a weekday lunch (80 minutes dining time), the spacious restaurant was already quite packed, but luckily food was still served quite efficiently after we placed our order onlineHighly recommended! The juicy and tender pork chop came with multiple sides (including a crispy has

近年打卡cafe開得成行成市，唯獨是觀塘BE LEAF最能引我注目。店內裝潢設計充滿峇里島度假風情，除了設有半露天座位之外，鳥巢吊椅更是一大打卡熱點。邪惡熱熔芝士醬烤西班牙伊比利亞豬肋骨配薯條 ($328) 豬肋骨抹上燒烤醬烤得鬆軟入味，油脂豐腴並嫩滑得能輕易骨肉分離。面層舖上熱熔芝士醬燒得焦香，惟芝士醬並非流質容易冷卻凝固，較難配以豬肋骨同吃之餘味道亦不算相當匹配；值得一提的是用上連皮粗薯條，炸得外脆之餘薯味十足。香煎美國安格斯肉眼配阿根廷青醬 ($358) 雖然較薄看似全熟但肉質出乎意外地軟嫩，肉味濃郁而又不失油香。香煎慢煮牛腹肉伴牛油蒜香珊瑚蚌配阿根廷青醬 ($288) 相對之下則較為遜色，雖然點了三成熟中心看似保持鮮嫩，相反肉質卻較為乾硬粗糙。法式焦糖卡士達梳乎厘班戟 ($128) 面層淋上吉士醬再燒成焦糖，將法士燉蛋與梳乎厘班戟合二為一，除此之外更有原味鮮果、楊枝甘露及提拉米蘇口味可供選擇。梳乎厘班戟有如棉花糖一樣輕盈綿密，口感濕潤細緻並富空氣感，雖然吉士醬及焦糖偏甜但依然蛋香十足，加上面層焦糖脆面及焦糖脆餅令口感更為豐富。Fresh Grapefruit Pomelo So

Be Leaf 可算係觀塘最新、最靚既餐廳！開喺大路旁，超吸睛！打卡一流！😍1.香煎慢煮西班牙伊比利亞黑豚鞍配黑松露醬 $308豬鞍好Juicy！肥瘦適中，肉色粉嫩，易咬。有唔少原塊黑松露，仲有黑松露醬，好香😀仲有冰菜添，好嫩。2.香煎美國安格斯肉眼配阿根廷青醬(5成熟) $358.0擺盤同豬鞍大同小異。有南瓜蓉、冰菜、青醬。肉眼扒有成隻手咁大塊！3.Papaya Mango Smoothie $52.04.Strawberry Avocado Smoothie $52雖然有層Cream, 但唔會覺得邪惡，因為smoothie甜度適中，好飲！5.法式焦糖卡士達梳乎厘班戟 $128.0梳乎厘幾厚實、飽肚。成份甜品既甜度適中，唔錯。

❀ Be Leaf #觀塘 ❀❗逃離香港波希米亞Cafe 仲有唔少特色菜式❗——————————————————觀塘最近新開咗間富有波希米亞風格嘅Cafe，原來佢哋係深水埗 boholic 嘅姊妹店。真係超級靚，處處都係打卡位，充滿渡假感覺🤩內裏有個吊沙發俾大家打卡，外面仲有唔少pet friendly嘅竹藤座位。菜式選擇亦比一般Cafe更多，賣相亦花盡心思，整體感覺不俗🥰。.✷𝑀𝑒𝓃𝓊✷☞ 慢煮16小時烤鴨髀配紅咖喱泡沫 $158 (4/5)烤鴨髀貌似乾身，但爛咗嘅方法成功將肉質保持嫩滑，表皮仲有少許香脆。側邊再配上紅咖喱泡沫，不過無論賣相定係味道都似南瓜🎃，真係睇返先知原來係紅咖喱，但係甜甜地同烤鴨幾夾。底下仲有個外表煎香左嘅飯團🍙，配上咖喱汁一齊食真係唔錯！.☞ 王牌be leaf全日早餐 $188 (3.9/5)一向覺得全日早餐係相對呃錢嘅菜式🙈不過呢一間嘅王牌全日早餐居然有爆蒜焗生蠔🦪，真係第一次見，即刻覺得要試一試！另外仲有滑嫩嘅黑松露炒蛋、煙三文魚、腸仔、牛角包等等，全部都烹調得唔錯。佢哋仲有另一款焗龍蝦全日早餐，不過可惜當日已經賣晒🥲，下次有機會要再試下。.☞ 蘋果金寶

最近想去旅行嘅心越強烈😮‍💨 唔知大家係咪都係想清假但又諗唔到去邊度chill呢☹️？唔洗擔心！我又靜雞雞發掘到一間新嘅渡假風cafe，可以令你感覺猶如置身峇里島！🏝 一解思旅遊之愁😌講緊嘅就係最近觀塘開嘅新cafe「Be leaf」，原來佢係人氣cafe「Boholic」姊妹店🌾 裝修好有渡假風情，室外座位用上藤織傢俱，有綠色植物作點綴，成功營造渡假氛圍。門口位置更有巨型花花拱門同石春路，真係每個角落都好啱打卡！📸 當中最受歡迎打卡位就係仿峇里島「鳥巢」嘅裝飾，個個都排隊影啊😆 提提你呢間係寵物友善餐廳，可以帶你嘅毛孩過嚟影吓相㗎🐶❤️ 咸香黑椒豬手蒜香意大利麵 $138好香噴噴，齋望已經流哂口水🤤 蒜味香濃，豬手分量都唔少，仲好貼心咁起咗骨🦴 整體我覺得係幾濃味，適合重口味嘅你，不過對我嚟講略嫌鹹咗啲啲🤏🏻 可能新開張調味比較重手啲。❤️ 慢煮16小時香烤鴨脾配泰式蟹肉米飯餅&太陽蛋 $158賣相好吸引🤩 面頭個太陽蛋煎到好靚仔🍳 鴨髀經過香烤後逼出油香，食落幾香口肉質偏乾身。墊底嘅泰式蟹肉米飯餅反而幾出色，加入濃濃香料好有東南亞味道。伴碟仲有焦糖爆谷，估唔到都幾夾，增加些少甜味。❤️ 蘋

觀塘嘅嘢食我已經食得7788，因為係依頭返工，每星期都會搵一、兩間餐廳先。呢排喺IG見過唔少次呢間餐廳，因為係新開所以未試，都有見到朋友係story去咗食pancake，身為觀塘嘅地膽當然要一睹為快。Be leaf係一間喺觀塘新開嘅cafe，係長沙灣人氣cafe Boholic 既姊妹店，同長沙灣一樣，餐廳非常適合打卡，以波希米亞風為主。食物方面，Be leaf主打一系列西餐主食同甜品菜，而且係一間寵物友善餐廳，可以帶狗仔坐喺室外嘅位置。餐廳係觀塘嘅工廠區，皇庭廣場附近，所以算係遠離最繁忙嘅開源道，對出係馬路同巴士站，之前有去過附近飲茶，原來喺華嫂隔離，未轉彎已經見到，因為門面非常顯眼。餐廳面積幾大，以半開放式設計，分別有室外同室內座位選擇。裝修同長沙灣一樣貫徹東南亞糅合波希米亞風，門口有大型花拱門，令人心花怒放，要行去呢個門口之前，沿路有石春路，設計非常用心，充滿異國風情，好似去咗峇里島咁，有去旅行嘅感覺。座位都好令人吸睛，喺入口嘅右手邊兩張藤椅既廂坐四人位，加上藤製傢俬同燈飾，左邊都有三張可以同陽光揮手既座位，室外嘅座位都可以比毛孩坐。去到嗰時已經見到有人帶左三隻狗坐咗係藤椅位，走

之前見到網上好多評論都話食物一般 打卡為主🥲 但soft opening個日去發現整體食物質素都比想像中好 仲有好多打卡位 啱晒情侶或者朋友黎 都值得去試既🥳慢煮16小時烤鴨脾伴紅咖哩泡沫 $158w/ Crab Cake, Sunny-side-upEgg賣相既顏色好鮮艷 旁邊既藜麥沙律份量都算多 夠健康🥙 鴨髀食落唔油膩 慢煮既方法令肉質比較軟淋 唔會太乾太鞋 加上太陽蛋既蛋汁味道就更加豐富🤣 最欣賞下面既蟹肉飯加埋焦糖爆谷食落甜甜地好有鮮味 整體幾有層次感✨評分: 8/10🌟咸香黑椒豬手蒜香意大利麵 $138w/ Black Pepper, Spaghetti Aglio e Olio本身以為蒜香會食到個口好臭(你知再戴返口罩就好辛苦)😂 點知食落反而芝士既鹹香偏重啲 加埋豬手既調味剛好 仲有啲骨膠原😚 而fresh啲既青瓜可以平衡返重味既意粉 令整體冇咁膩😋評分: 8.5/10🌟法式焦糖卡士達梳乎厘班戟 $128梳乎厘大概要等20-30分鐘 賣相好吸引好啱打卡😍 仲要震騰騰咁好可愛 食落好香蛋香 空氣感幾重 配上焦糖吉士更加滋味🤩評分: 9/10🌟Papaya Mango Sm