Pasta de Show (Closed)

距離堅尼地城站B出口只需3分鐘既路程，就可以到達呢一間門口咁精緻既西式餐廳，門面以米白色為主，比人一種好舒服既感覺👍🏻入面環境整體偏細，只有5張枱，不過枱與枱之間既距離都好寬敞，所以都坐得好舒適，一啲都唔覺得逼👍🏻餐廳主要都係以木色、白色為主要，本人超鐘意呢一種裝修，簡簡單單就好，唔會太眼花繚亂👍🏻我地到餐廳既時候只係6點半左右，所以暫時一個人都冇，不過當時間一過左7點鐘就開始陸續多人！好快就滿座！好彩我地早左少少到🤣🤣睇下餐牌先，選擇唔係真係話好多，主食只有7款，不過最特別既係主食+$150就可以有齊晒頭盤、餐湯、配菜同甜品，都幾抵下，大家都可以試下咁樣叫🥳凱撒沙律，一上菜已經覺得好特別🤩同係其他餐廳食開既凱撒沙律完全唔同！生菜一啖食落去係滿滿新鮮蔬菜既鮮甜味，且口感爽脆又多汁，配埋溫泉蛋同巴馬臣芝士令口感更加豐富，超開胃😋同埋炸椰菜苗有驚喜🤩味道好特別，超入味！雖然係炸但一啲都唔覺油膩仲覺得突顯左椰菜苗既鮮甜味！好完美既組合💯蟹粉卡邦尼烏冬，蛋黃，西式餐廳一定會有既卡邦尼，但配烏冬都係第一次見，所以就叫左黎試下🤣意外地都幾夾，烏冬食落去柔軟又有彈性，好有咬口，而且每一條都好入味，濃

偶然發現呢間寶藏意大利餐廳，今次去只係見到廚師同樓面兩個人，聽到隔離枱係因為打風而改期，樓面侍應亦會介紹嘢食，同你傾兩三句計，整體感覺好人性化。雖然環境唔係高級餐廳嘅氣氛，但嘢食好高質，價錢亦唔貴。*強烈建議叫套餐，加$150有餐湯、前菜、小食、甜品，份量比正常叫細啲，但係多好多嘢食可以試，好高質！*餐湯：椰菜花湯好滑好香，完全冇草青味，啖啖都係真材實料。紅蝦意式炸飯球，番茄龍蝦醬Risotto炸成脆球，外層脆脆，內𥚃係creamy意大利飯，口感豐富。切開係出晒煙、熱辣辣，入面包住蝦粒，配埋微酸番茄龍蝦醬汁，鮮味十足。烤牛骨髓，肉醬，西班牙手工麵包牛骨髓油香十足，滿滿牛脂配微酸肉醬，剛剛好平衡到油膩感。麵包烘到極脆，配醬好夾。芝士焗麻香雙槽粉配牛筋牛脷溫泉蛋 $160單係外表已經好吸引，牛筋牛脷好大塊，牛筋好Q軟，牛脷夠腍、啖啖肉。雙槽粉煙韌，麻麻辣辣，非常香口，撈埋半熟溫泉蛋半熟，味道更加豐富。雞油菌忌廉菠菜意大利幼麵 $140手工幼麵意粉好煙韌，雞油菌帶杏仁味，比較濃菌味。忌廉汁比較淡味，應該先食呢個意粉再食牛筋牛脷意粉。檸檬汁椰菜沙律生椰菜切粗絲，拌檸檬汁、芝麻醬，味道偏淡，感覺

堅尼地城一向多特色小店，其中呢間小店就主打手工意粉～▪️是日餐湯🥣今日嘅餐湯係蕃茄湯🍅，飲落好香濃，食到少少蕃茄蓉，應該用咗唔少蕃茄去blend▪️蟹粉卡邦尼烏冬，蛋黃🦀🥚呢款雖然唔係意粉，但見到蟹粉配卡邦尼，幾有新意，所以都叫咗。面頭鋪上好多蟹粉蟹肉，好鮮味。煙肉煎到脆脆哋，鹹香十足。再撈埋個蛋黃，好creamy▪️芝士焗麻香雙槽粉配牛筋牛脷溫泉蛋🧀🐮🥚🍝充滿麻香，又唔會好辣，好惹味。手工雙槽粉好有咬口，而且中間掛滿晒啲汁。牛筋同牛脷都大大粒，但食落就好軟腍▪️PDS豆腐提拉米蘇🍰豆腐提拉米蘇配牛角包雞蛋仔，好特別🤩 提拉米蘇食落好輕盈，而且充滿豆腐味，亦都唔會好甜好膩。牛角包雞蛋仔，好酥脆，令口感更豐富▪️Galvanina Bio fruIT. - Orange🍊▪️Galvanina Bio fruIT. - Lemon🍋由意大利入口嘅有機果汁梳打汽水，有10-20%果汁喺入面，好freshPasta de Show📍西環堅尼地城山市街1C號地舖

.西環· 「蟹」逅新滋味.Pasta de Show📍西環堅尼地城山市街1C號地舖.➰秋意漸濃，又係一年一度食蟹嘅好時節，雖然同朋友都好鐘意食蟹，但都表示唔想拆殼同整污糟手，所以我今日就帶佢去試一試新野。今日到訪嘅餐廳位於西環站約5分鐘路程，餐廳以小店形式經營，坐位數量並不多，老板及主廚分別坐陣樓面與廚房。.麻雀雖小但五臟俱全，老板將餐廳裝修設計成西日式木系簡約風格，燈光柔和，好有日式家庭餐廳嘅感覺，而且老板亦不時會同客人交流飲食心得，氣氛一流。.➰✥是日餐湯 💲50 ⭐️4/5⭐️今日餐湯係椰菜花忌廉湯，賣相精緻，飲到粒粒椰菜花蓉，材料甚多。.𖥕大閘蟹粉·多士 💲140 ⭐️4.3/5⭐️餐牌原本嘅大閘蟹意大利雲吞改左做蟹粉多士，但仍然無阻我地想食蟹粉嘅決心，酥脆多士上面鋪滿住蟹肉蟹膏，非常誘人，仲加入左黑醋汁增添風味，非常高質，推薦必試。.𖥕輕煎帶子·萵筍片·魚汁 💲128 ⭐️4.1/5⭐️帶子煎得啱啱好，外層微微焦身，入面仲係鮮嫩爽彈，保持鮮味，搭配鮮魚汁入口將鮮味更為提昇。.❀芝士焗麻香雙槽粉配牛筋牛脷溫泉蛋 💲140 ⭐️4.2/5⭐️餐廳有自設製麵機，所有招牌菜式出品都係自家製，非常難