NOC Coffee Co.

Open Now

Now Closed

甚少踏足將軍澳南，感覺應該都係得高尚住宅，無乜嘢行/食。原來呢一帶都有商場，到左下午茶時間，經過想試好耐嘅 NOC cafe, 點知真係有驚喜。首先環境好有空間感，同埋以白色燈同水泥面做主調，令到炎夏都帶黎更清涼嘅感覺。我地坐係店中間嘅卡位，都幾開揚唯一要投訴嘅係店面對面嘅藥房招牌比較礙眼，有 D 屋邨商場嘅感覺。佢嘅定價都係一貫 cafe 價錢，一行兩人大概花左 $300，食物/飲品嘅賣相同質素令佢值回票價。首先 Scrambled crab toast, 蟹肉嘅比例都唔少，炒蛋白嘅熟度唔錯，加埋牛油果同埋 lemon juice 一齊入口，感覺清新，對於鍾意清淡嘅我更加係一流。我地都點左 Crime Brûlée Pancake。面頭嘅焦糖好香脆，令人食慾大增，pancake 入面嘅 berries 唔會酸，custard cream 亦都唔會過膩，缺點係份量比較少。飲品方面，mocha 飲落去好濃朱古力味，當然又唔會搶咖啡香；iced passion fruit tea 甜得黎夠 refreshing, 比較清新，唔會死甜。

復活節假期約朋友去咗呢一間純白Cafe到chill一chill🤍呢度除咗環境簡潔明亮，啲嘢食都幾有水準！Scrambled Crab Toast呢個toast有牛油果加蛋白同埋scrambled crab配上sourdough bread，成份toast嘅口感都好有層次。當中再配上baby spinach同埋意大利黑醋，豐富左成個toast嘅味道!Acai Yoghurt Parfait呢個yoghurt嘅賣相一嚟到就好吸睛👀好鍾意食落去成個yoghurt都好有texture!係一個唔錯嘅輕食之選😋

早排同朋友約定左一齊去食Cafe打下卡影下相 咁朋友就住將軍澳 咁岩見到將軍澳開左間新既Cafe 4000呎落地大玻璃純白Cafe 就即刻約朋友去試下 原來佢都有好幾間分店 聽講要排隊等位成個鐘先入到去食 同埋每日有唔同時段出爐既牛角包 芝士蛋糕同蛋撻 要睇下可唔可以撞岩出爐時間可以試下我地大約晏晝1點半左右到 由地鐵站行過去10分鐘左右到 去到前面大約有3枱人等梗位 望入去間Cafe全白色 好光猛 餐廳都幾大下 好多位 見到門口有幾張係二人既梳化位 應該幾舒服下 我地大約等左10分鐘左右就入得了 一入到去店員同我地講用餐時間兩個鐘 落order都係要出面落同埋俾埋錢 再有專人送埋黎上網見推介既野食都係食吐司既多 另外仲有個係窩夫 入面有薯仔 上面有隻太陽蛋同牛油果 咁朋友就麻麻地牛油果 咁就揀左一份吐司同一份全日早餐share食 再一人叫一杯飲品全日早餐我地揀左最普通第一個款 有炒蛋 大啡菇 車梨茄 腸 煙肉 露荀 薯仔同埋牛油果醬迷你法包 味道正常 冇乜特別另外仲叫左份吐司 炒蛋蟹肉吐司 底下有兩塊吐司 吐司上面有bb菠菜 同埋炒蛋白加蟹肉 仲有半個牛油果 呢個吐司食落成個都好夾