N1 Coffee & Co.

Open Now

Now Closed

N1 Coffee & Co.係位於尖沙咀鬧市中嘅一間小cafe，地方比較細但食物同咖啡質素都好高。嗌咗Full Breakfast，Smoked Salmon Cream Cheese Bagel同Cappucino～Full Breakfast好豐富，有齊必有嘅煙肉香腸炒蛋焗豆，加埋兩塊牛油法包同煙三文魚可以自由配搭。最令人驚喜嘅都係個Bagel！本身以為只係普通搽咗Cream Cheese加三文魚，嚟到竟然係足料到包唔埋仲有沙律菜同紫洋蔥做配料，啖啖都充滿住三文魚油香同濃郁嘅忌廉芝士，食完超級滿足～最後飲埋有靚靚拉花嘅香濃Cappucino，就係一個真正嘅Good Morning～

呢一間己經bookmark左好耐嘅黃cafe，終於來試了！裡面位置唔算大，有約四張枱，以及一張靠牆嘅長吧枱。戶外仲有一個小小嘅騎樓位，有一張二人枱。我去之前己經睇準左佢嘅bagel，所以就叫左一份Smoked Salmon Cream Cheese Bagel$68另外再piccolo 短笛咖啡$30。一份嘅份量都好多。我覺得bagel size 比連鎖coffee shop的bagel一舊啲，又煙韌，而且係我鐘意嘅黑麥圈，十分好。而煙三文魚有兩大片，bagel上半下半分開2片食岩岩好。 但煙三文魚有少少怪味，感覺唔算好新鮮，但勝在夠多。而Cream Cheese畀得好多啊～加上好新鮮嘅黑醋沙律菜一齊食，大滿足喔！平時其實我好少飲短笛，但突然唔想飲太多奶嘅咖啡，就點左piccolo.飲得出espresso本身好好飲，但因為咖啡比bagel早到好多，所以一邊食時飲到嘅咖啡已經凍左，無黎果時咁香嚕。用餐果時見到唔少人叫full breakfast, 同埋avocado sourdough?! bagel?! 下次可以試下！

友人介紹位於尖沙咀K11附近的N1。一見門口的格局就喜歡了。入內鋪面偏窄，而點餐位置又放在店面較入位置，變相點餐時好容易會撞到背面坐低的客人。雖然格局似外國的咖啡店，但點餐位置個人覺得如果放在近門口，應該可以減少人撞人。一心要搵好咖啡，所以就揀咗要手沖的單品咖啡。由於個人偏好不酸的咖啡口味，所以哥哥介紹了Rica  Dota  Red  Honey，另外點了煙三文魚bagel。先來了煙三文魚bagel，不過不失，無大驚喜，但材料新鮮，簡簡單單就會好食。反正杯手沖咖啡似乎漏單了，等咗好耐都未有，唯有再去追單。如是者又隔咗陣，杯咖啡終於來了。見到咖啡的擺陣及用具就開心了。然後一啖入口，咖啡味濃，口感滑，沖得很好，很滿足。