Video
Read full review
2015-03-19
2250 views
收到中學好友將快結婚嘅消息, 好替佢開心, 今日約埋幾位同學仔交收手信之餘又緊係要食個下午茶傾吓偈聚舊, 聽吓佢準備婚禮嘅趣事, 緊貼住openrice嘅我, 知道荃灣開咗Labmabe cafe, 當然唔會錯過!!Lab made cafe店有多張小圓檯及舒適嘅櫈, 比食客慢慢享受各款甜品, 感覺一啲都唔似商場扶手電梯下角落嘅鋪頭!法國 Valrhona 熱朱古力 $36 (5/5)一早已經留意住呢到嘅熱朱古力, 引入法國品牌朱古力粉, 再自家調味, 味道香濃, 當然有別於普通嘅朱古力粉哈哈, 飲到杯底仲係到聞朱古力遺留嘅香味, 如果點少甜會更切合原來嘅味道, 令人想一試再試 點咗Strawberry cheese tart, Earl grey opera, Green Tea opera三款, 睇落味道款式豐富, 以下逐一介紹 Earl grey opera $32 (2.5/5)先試個較淡味嘅伯爵茶蛋糕, 店員話今日係第一日開賣, 我咃可以先試到真係好彩, 哈哈但茶味唔係好出 >< 甜度就中規中矩Strawberry Cheese tart $28 (4.5
Lab made cafe店有多張小圓檯及舒適嘅櫈, 比食客慢慢享受各款甜品, 感覺一啲都唔似商場扶手電梯下角落嘅鋪頭!
法國 Valrhona 熱朱古力 $36 (5/5)一早已經留意住呢到嘅熱朱古力, 引入法國品牌朱古力粉, 再自家調味, 味道香濃, 當然有別於普通嘅朱古力粉哈哈, 飲到杯底仲係到聞朱古力遺留嘅香味, 如果點少甜會更切合原來嘅味道, 令人想一試再試
點咗Strawberry cheese tart, Earl grey opera, Green Tea opera三款, 睇落味道款式豐富, 以下逐一介紹
Earl grey opera $32 (2.5/5)先試個較淡味嘅伯爵茶蛋糕, 店員話今日係第一日開賣, 我咃可以先試到真係好彩, 哈哈
但茶味唔係好出 >< 甜度就中規中矩
Strawberry Cheese tart $28 (4.5/5)食咗三款蛋糕覺得最好食係呢個, 撻皮好脆, 做得好細心, 面層忌廉芝士好流心, 低層較杰身好似紐約芝士蛋糕, 好香奶味, 令我不停偷食朋友嗰份
Green Tea opera $32 (3/5)長條形睇到層次分明, 面頭有一陣令身魚膠, 睇起上黎更加引人, 有綠茶mousse及綠茶蛋糕, 夾心有層紅豆蓉, 食落偏甜, 淺嚐還可
Green Tea opera
$32
36 views
1 likes
0 comments
之前天氣凍, 容易感染感冒, 都想飲啲薑汁驅寒, 如果怕薑太辣嘅朋友不妨試下呢到嘅薑汁好立克! 聞落好香薑味, 因為好立克有基本甜味, 唔會太辣, 飲完都幾暖胃飽肚
Latte $31 (3.5/5)無諗住雪糕店嘅出品都咁有心思,有五層心形拉花, 飲落會太燙口, 唔錯
火山蛋糕 $88 (4.5/5)期待已久嘅火山蛋糕我地黎啦!!! 係cafe剛開業時已經有好多朋友仔食過, 做足功課清楚玩法啦, 嘿嘿
店員將細粒乾冰放入火山洞裏面, 上枱時, 會跟埋暖暖嘅蜜棗, 用化學瓶裝起, 食客負責倒入去, 好有係實驗室Lab Made嘅感覺
即見化學作用(有種科學家上身嘅感覺!), 火山出現大量白煙, 我諗我到幾多歲睇都會咁興奮
火山係朱古力mousse蛋糕, 心急嘅可以食住先, 中間要等煙停咗先好食呀!全份都唔太甜, 朱古力濃度啱啱好, 有得玩有驚喜又好睇
另外Lab made同黑暗中對話合作, 推出了四個神秘味道, 用黑色做掩飾, 俾客人試下用嗅覺味覺分辨味道, 請放心, 唔會好似哈利波特中嘅怪味糖! 哈哈, 試完可以係lab made facebook 專頁回答問題, 就會得到暗中作樂預演門票兩張!!
看不見的味道 $30 (3.5/5)食嘅時候兩位朋友都話係黑芝麻味, 傻豬喇, 俾顏色呃咗喇! 當你合埋眼, 就會知道係咩味啦, 哈哈!!
答案係綠茶味 茶味都幾清新, 可能怕食客太容易估中, 味道較淡, 唔甜, 都ok
蘋果金寶$44 (3/5)平時蘋果金寶都係熱食, 試下雪糕做嘅先! 食落味道好似蘋果批, 雪糕感覺細密, 好有牛奶雪糕嘅質感, 蘋果味好香, 夾埋上面啲脆脆食, 真係好似蘋果金寶
推介此餐廳 4.5/5 本地品牌, 好鐘意呢間餐廳, 如果件裝蛋糕味道可以更創新就好平均消費$87, 4個人, 3飲飲品+4個蛋糕+2個雪糕
Lab Made 分子雪糕專門店 Lab Made Cafe
荃灣眾安街68號荃灣城市中心一期2樓
Tel: 2670 0071
Labmade cafe 分店: 銅鑼灣
Post
