Route 99 (Closed)

將軍澳海旁愈開愈多餐廳，有次睇到呢間美式餐廳裝修夠特別，就bookmark咗要去食！晚餐時間嚟到，可以食Dinner Set。一共有四款（漢堡包、烤雞、意粉、牛扒）+ All day breakfast可以揀。每個餐都包沙律、餐湯、主菜同飲品。🍔加州漢堡 Texas Burger $169（煙肉、燒烤醬、芝士炒洋蔥、墨西哥辣椒、手打牛肉漢堡）| 係巨型漢堡啊🙈基本上食咗半個都已經七八成飽，仲有薯條呢🙈份量同熱量都爆登。（下次叫一份就好了）🥤士多啤梨奶昔🥤雲呢拿奶昔 +$28跟餐轉飲（單叫$66）餐湯-如果喺附近放狗，亦可以帶埋毛孩一齊食（有寵物餐）。入到去可以揀想坐出面定係房，房就專畀無寵物嘅人入去慢慢食～餐廳場內有鞦韆、復古電單車等，啱晒想打卡嘅人📸️-不過亦有扣分位，枱面上嘅茄汁同芥末醬可能未refill，唧出嚟嘅時候有水油分離，咁啱我哋張枱嗰枝芥末醬入面亦無晒……

相信人寵共融係好多飼主嘅心聲帶住寶貝出街首選可以帶狗狗餐廳今次潮聖最近成為飼主熱點嘅餐廳Route99 環境以美式風格為主地方濶落方便飼主放手推車大細狗狗活動都唔會逼( 仲有個空間係唔比狗狗入，打卡影相一流 ）食物方面當然都係美式招牌嘅美式德州漢堡有手打漢堡扒、煙肉、芝士炒洋蔥、新鮮沙律菜配薯條配埋杯香甜滑溜嘅雲里拿奶昔不！得！了！減肥都係留返聽日先開始😂甜品點左Chocolate Walnut Brownie Brownie 脆脆地朱古力味濃郁配埋忌廉雲里拿雪糕簡直係晚餐嘅完美結局另外點左狗狗Burger 比寶貝佢話正到不得了秒清😂Burger 完全不合澱粉質由無激素雞肉、鱷魚肉、牛肉及各種蔬菜混合製成賣相靚、好味之餘仲好健康

將軍澳最近開咗一間寵物友善餐廳Route 99。餐廳主要分左兩大區域，包括寵物區同非寵物區。我同女友今日無帶寵物，所以坐係非寵物區。入面第一感覺就係美式復古快餐店，無論裝潢同傢俱顏色都非常鮮明，加上黑白色地磚，完全同陳芳語歌曲”4AM CALLS”嘅MV場景一模一樣😍至於寵物區就闊落得多，而且有好多打卡位，包括電單車、鞦韆、門口既電話亭🥰環境方面絕對100分！我講返食物先！Dinner總共有五個套餐，包括烤雞、牛扒、意粉、漢堡同全日早餐。套餐附送沙律同南瓜湯。- Texas Burger 🍔 手打漢堡牛肉好juicy，另外仲有煙肉、芝士炒洋蔥、沙律菜同蕃茄😝。麵包烘過幾脆口。side dish係幼薯條，份量多，食落夠脆兼唔油膩。- All-Day Breakfast 全日早餐包括煎蛋、薯餅、窩夫、煙肉同香腸。香腸同煙肉好香脆，薯餅係經典美式嗰款，即係薯仔切絲再煎，口感比起M記嗰款更豐富🤩。另外煎蛋有三隻，賣相好似三眼仔幾得意。不過窩夫略嫌有啲稔🤔- 士多啤梨奶昔味道清新，酸酸地唔算太甜。最底部有好多果肉，可謂真材實料👍🏻整體而言，環境真係好正，食物亦唔錯。餐廳仲有提供一站式寵物美容服務

呢幾日喺寵物group度見到好多主人都帶左寵物黎呢到打卡，知道呢度可以比寵物坐室內食嘢，所以一放假即刻帶埋我嘅寶貝過嚟試吓。呢間route99舖面好大，門口裝修得好靚，好有懷舊美式快餐店嘅感覺。平時大部份餐廳都唔俾狗狗坐室內一定要坐室外位置，原來呢度劃分左寵物區同非寵物區。一入門口如果唔想有寵物騷擾嘅話，會有另一道門進入非寵物區。呢個安排實在太好，主人們可以同狗狗一齊係冷氣下用餐，又唔驚騷擾其他食客。寵物區域嘅座位全部都係又大又闊嘅梳化位，好貼心咁比唔同size嘅寵物都可以好舒服咁坐埋一齊，唔使佢哋坐地下咁慘。餐廳嘅設施同環境好多地方都有介紹，咁等我講吓佢哋嘅嘢食啦。Route99嘅餐牌主要都係美食快餐食物為主，好似burger同奄列pancake等等都係美國快餐嘅element。見到個餐牌號又去咗LA嘅感覺,而佢哋亦都有一個專比寵物嘅pet menu。相比起其他寵物有善餐廳，呢度嘅pet Menu款式都相對多。難得帶埋寶貝來咁當然啦要比佢哋enjoy下。我哋叫咗一份漢堡包同埋一份三文治，餐廳負責人同我哋介紹嘅時候話佢哋都好着重寵物嘅飲食營養均衡，主要為低澱粉質高蛋白質嘅菜式，即管漢堡

澳南剛開幕的一間狗狗🐶友善西餐廳Route99，全餐廳滿滿糖果色系佈置，打卡位多到數不清，室內設計盡顯心思，座位高度、有趣打卡位、細至狗帶位置等都為狗主人考慮過～我們到訪當天，老闆的狗狗Ricey也幫手看場😆，它有一身超級雪白的長毛毛，好襯餐廳環境～美國風食物：⭐️Crispy Fish Benny (推介)(有個美女職員介紹比我地，果然好味，認真，魚魚條又脆又入味😋)⭐️Texas Burger(埋相不會很特別，不過牛肉質量不錯）⭐️Chocolate Walnut Brownie(加埋Vanilla ice cream, ‘味’力沒法擋) ⭐️Apple Pie(朋友仔鐘意食, 不過我就鐘意Brownie多啲)⭐️Chocolate Milkshake (推介)(好耐冇飲過milkshake, 都係我喜歡比較甜嘅鮮奶味道，賣相仲好靚添～)