Dan Ryan's Chicago Grill (Closed)

晚上十點幾，朋友話想食甜品，PP仲開嘅餐廳唔多，有人提議去Dan Ryan，於是就即刻去睇下啦！見門口有人，以為要等位添，原來裏面大把枱。甜品選擇唔多，有八至十款啦。我哋留意到個menu 寫住American portion，我哋都擔心好大份，於是只係買咗兩份甜品三個人share。1）tiramisu超大份，係平時嘅4倍。味道都可以，不過始終都係芝士有啲heavy2）banana tart個tart比tiramisu唔算大份，第一啖香蕉味好出，第二但啲cream好好味，再食個餅底都好趣，總之成個都好好味。must try!下次一定要試埋其他甜品！

本來已約定朋友去Vanilla食甜品當午餐，但見到Yan的心太軟後，我同朋友十分心動，立即打電話訂位。其實每次去Dan Ryan，心太軟都是必叫之選，每次保持水準，絕少失手。今次一坐落立即order心太軟，侍應哥哥説沽清，還說昨天有、明天有，今日下午都會有，唯獨是今日中午沒有，原因為沒有材料做，要遲一點材料才送到。大家心情頓時跌落谷底，唯有在餐牌上揀類似的作代替品。Dan Ryan的muffin是公認的不差，吃了面頭的脆脆後，再不敢食了。由於只得兩人，又主攻甜品，只叫一客薯皮就算，Dan Ryan的薯皮十年如一，勁多芝士。甜品是Brownie加兩球雪糕及Tiramisu。Brownie內層不覺有合桃等果仁碎粒，口感十分像一塊朱古力磚；再淋上一層朱古力醬，更加倍朱古力的濃烈。而兩球雪糕唔夠大，下次要求大一點。Tiramisu-我對Dan Ryan的tiramisu愛好程度一般，我覺mascarpone cheese比例較多，不是軟滑而是濕潤，我鍾意食較有實在的質感。心有不甘食唔到心太軟，與朋友約定下星期再來一戰，不過事前會問定有否心太軟才會來。