Séan Café & Lounge (Closed)

💓作為一間地鋪，餐廳佔據位置比想像中大，坐得很舒服。最吸引的莫過於粉紅色的設計，簡直令人少女心噴發，可以不斷打卡!食物及飲品質素也非常不錯，有外觀又有味道。今次試了:🥞雜莓梳乎厘Pancake ($108)🥞Tiramisu Pancake ($108)🍹香蕉菠蘿沙冰（$56）本來擔心香蕉味道會甜，但竟然幾清新，香蕉同菠蘿味都夾，可惜細杯了點🍹伯爵紅茶（$42）著通的茶，沒有太大特別，但影相不錯🤦🏻‍♀️唯一美中不足的是，某服務員全程無笑臉，每次食物飲品放上臺時完全冇任何說明，食物一放在臺馬上轉身就走。到90分鐘，沒有提前知會一聲，或問一下會否再加食物，就直接將賬單放在臺面，然後就走，對這種服務實在充滿問號。但餐廳同食物太靚，所以仍會給予好評。

今天去了銅鑼灣一間打咭cafe🌸點了：🥞#Tiramisu #pancake🥞 - Tiramisu 味濃，但pancake略嫌有點硬，不夠鬆軟，但打咭是絕對一流的🍰Opéra cake 🍰 - 朱古力味濃郁，絕對推介☕️#虹吸咖啡 - 薩爾瓦多豆 ☕️ - 在虹吸和手沖之間，我多半會選擇虹吸，因為味道更均勻，更重要的是我家裡沒有，哈哈☕️#Latte☕️ - 美美的Latte art, 味道也合格！ . ..#FoodieS #FoodieS銅鑼灣 #FoodieScafe #cafe

少女心cafe💛完全係比個裝修吸引咗而去食試呢間好靚呀🥰Cafe以粉紅色為主調 周圍都有花花佈置 🌸🌼🌺充滿少女心 打卡一流 📷我今次完全係食環境 因為我揀嗰d食物真係麻麻哋😔🌟tiramisu pancake🥞 $108份量同圖案有好大出入 比較細份有3層高 面頭有蛋白同cream, 上面再舖滿可可粉 中間有一層濃郁既mascarpone cheese 🧀Pancake 上面仲插住一枝注滿espresso 咖啡既stopper, 可以自己唧落個pancake 度🥞Pancake 口感厚實 同平時食開既梳乎厘pancake完全唔同 呢個無空氣感 係好厚身既 口感比較硬 令我覺得唔係好新鮮 無乜蛋味又完全唔鬆軟 係一份要用力咬既pancake 😖賣相幾靚但個texture 真係唔係好啱我口味😢🌟Tea set 手工蛋糕配咖啡 🍫☕️$48可以喺餅櫃度揀一個$48嘅蛋糕 我揀咗hazelnut and chocolate mousse cake 🍰睇個名同埋賣相以為會好好食 點知一食就覺得好似食緊一件擺咗幾日嘅嘅金莎蛋糕 佢個口感比較硬同乾 味道就好似食緊金莎朱古力🍫跟餐嗰杯普通咖啡☕️都

去花系cafe當然要搵返啲同樣鍾意打卡嘅朋友仔去☺️之前呢間cafe坐立喺尖沙咀嘅時候，我已經有bookmark佢🤩 無諗過佢而家搬左黎銅鑼灣🥰 銅鑼灣又多左個搵食好去處啦😆🤎Tiramisu pancake 🥞$108✮呢個pancake好cute cute~佢外型勁漲卜卜～食落就完全唔係嗰啲梳乎厘pancake嗰種富有空氣感嘅soufflé 🤣 佢似漲卜卜又厚身嘅熱香餅✮ 佢真係又好玩又得意又好食！😍 喺個pancake側邊會插住一支注滿左espresso 嘅dropper~之後就可以擠咖啡落個pancake度（最搞笑嘅係：我同朋友想擠啲咖啡喺啲cream嘅面度，佢係會流落嚟，唔會滲到入去～建議大家去食嗰陣要直接插dropper入去舊pancake度，先好擠咖啡落去哦😂）✮最欣賞嘅係佢個pancake中間有層乳酪😍 有啲酸酸甜甜真係開胃好多～食完main dish再食佢都唔會覺得滯同漏～🍤花漾蝦燉意大利飯 🍚$138✮我又再一次突破左自己啦🥰 不得不讚呢道蝦係真係好好食～一啲臭腥味都冇～ 成道菜基本上係一個幾香蒜茸牛油味嘅risotto😍 所以啲蝦其實真係好入味～又夠鮮嫩爽口彈牙🤤✮

之前全民感謝日💛我地去左Séan Café 嘅新銅鑼灣分店支持下, 一黎到完全被餐廳裝潢吸引住, 由外到內都充滿各式各樣嘅花花佈置🌸以粉紅色為主調，完全滿足少女心, 岩晒瘋狂打卡!原本以為呢類cafe都係得個好睇, 估唔到食物上又幾有驚喜，認真唔錯！🍰先講下甜品「Tiramisu Pancake」, 三層pancake面頭鋪滿可可粉，口感鬆軟, 比梳乎厘質感厚實，另外插住一支可以自己唧嘅espresso咖啡酒針管，中間夾雜住濃郁嘅芝士🧀 加埋厚身忌廉，口感好有層次!我地另外仲點咗2個Lunch set, 包前菜"薯菜沙律" / "蘑菇忌廉湯" 同特定飲品~ 🍴主食揀左 "溫泉蛋香草忌廉汁野菌意粉", 上枱時隻溫泉蛋仲震下震下嫁, 有流心效果, 加埋醬汁入口好creamy! "紅酒牛肋條配藜麥飯", 牛肋條煮到好軟淋, 味道香濃, 配埋紅酒醬汁撈飯超夾!☕️飲品揀左Rose Latte🌹, 飲落咖啡味濃郁, 順滑易入口, 有淡淡玫瑰花香, 仲有粉紅玫瑰花作為擺盤, 整體感覺好完美!

粉紅！粉紅！粉紅！少女心心眼系列，尖沙咀店太細未有機會光顧，新開分店有落地玻璃，充滿粉紅花花佈置，令人賞心悅目。tiramisu pancake $108一上枱已咖啡香味撲鼻，入口更有濃濃的可可味及芝士香，pancake 夠鬆軟，還附有一枝expresso 給你自行加汁，既igable 又美味，難怪是招牌甜品。士多啤梨忌廉芝士窩夫配雪糕，窩夫外脆內軟，切成五少塊非常細心，滿滿牛油香，讚！花茶、咖啡都有花花裝飾一盤美美的送上，很治癒啊！午餐有多款選擇，質素不錯，價錢合理，環境舒適，回頭度高！