Day and Nite by Master Kama (Closed)

2019年4月11日 星期四返埋今日終於可以放返一個長假期，好好休息一下，所以同埋女朋友去旺角食返餐好既慶祝！見到呢間餐廳最出名就係龍蝦，身為龍蝦控既我地當然毫不猶豫咁就拎飛等位喇~~等左大約十分鐘左右就有位可以上去，一坐低我地就即刻點龍蝦匯呢個set，因為有齊晒所有龍蝦既菜式，另外我地仲各自點左一杯野飲。先到既係龍蝦什錦海鮮石頭鍋烏冬，有大大隻龍蝦頭，裡面仲有好多蝦膏添，邪惡得黎好好食。而個湯底一睇就知充滿龍蝦味，因為成個顏色已經變成橙色，飲落好鮮甜，無味精，飲完都唔覺得口渴。配料方面都好豐富，有各種唔同既海鮮，兩個人食好足夠。之後黎既就係最期待既龍蝦包同烤蒜蓉牛油龍蝦，雖然只有一個包同半隻烤龍蝦，但係賣相已經好吸引同香味不斷散發出黎。龍蝦包裏面有好多龍蝦肉，食落去好彈牙之餘仲因爲有調過味而有好豐富嘅牛油味，食完覺得好空虛，好想再encore。之後到烤蒜蓉牛油龍蝦，龍蝦肉好易就拆到出嚟，燒得岩岩好，唔會太老，仲好juicy添！！飲品方面我叫左mint lemonade，好重薄荷味，而且有一大舊冰係中間慢慢融，好有透心涼既感覺~~女朋友就點左unicorn dream，好色彩繽紛，上面

同friend行旺角經過呢間餐廳，見評價唔錯就決定食呢間。平日既七點左右到，唔洗等位就可以入去。呢間係樓上鋪，我地上左一樓坐。餐廳既裝修好靚好似平日打卡既cafe，亦播住輕鬆既歌，亦有濃濃既龍蝦味飄著。我地點左龍蝦包，龍蝦玉子燒同埋兩杯飲品。而果日龍蝦包正做買一送一既優惠，感覺上更抵食。野食都算快送到。好靚既飲品 以為得個樣靚但係味道都唔錯沙冰飲落似係波子汽水味。勝在夠大杯！紫色果層冇咩味，所以要攪混飲先飲。味道同平時飲既荔枝茶差唔多。玉子甜甜地加埋沙律醬好夾，而且裡面有唔少鮮甜既龍蝦肉，豐富既口感。好鍾意呢個玉子燒既配搭。龍蝦包配薯條同檸檬和醬汁龍蝦包外脆內軟，裡面有沙律醬同龍蝦肉。加上檸檬汁後味道更好。而薯條可以點醬汁食，但係醬汁味道非常淡仔細食才有小小酸甜味。

妹妹辛苦考完試，應該要好好獎勵一下，也為她即將到來的更大考驗打個氣。兩個少女 () 飯聚，要選個較新穎青春的地方，食物又不會太heavy，吃海鮮好像是很不錯的選擇。但要選一家價錢合理又吃海鮮的，想到的就只有這家持續在旺角區人氣高企的Day and Nite by Master Kama。於是我們來到這家專門吃龍蝦的餐廳，這裡在窗邊放滿了很多龍蝦公仔，走的是可愛親民而非高價路線。我們的目標是龍蝦匯，當中包括龍蝦包、半份烤蒜蓉牛油龍蝦及龍蝦雜錦海鮮石鍋湯烏冬。一個價錢可以吃到三款龍蝦的菜式，兩人分剛剛好。這裡的熱石鍋可選不同配料和湯底，最後選飯或烏冬。龍蝦匯裡面的當然是龍蝦濃湯湯底，濃郁程度真的像喝法式龍蝦湯般滋味，啖啖原汁原味，絕無加水稀釋，就這樣喝都已經不得了。 配上雜錦海鮮，竟然也有不少新鮮魷魚，加上蜆肉、蟹柳和鳴門卷，其實也很豐富。整個龍蝦頭也放進湯底熬湯，龍蝦頭十分多膏，難怪整個湯底都這麼鮮甜。烏冬十分煙韌彈牙，在燒熱的石鍋裡不停滾，吸收了濃郁湯汁，而且烏冬自身的掛湯能力十足，真的很合胃口。烤龍蝦和龍蝦包放在一個木板上盛上，配薯條和沙律，實在目不暇給。沙律菜新鮮爽脆，沒有苦澀味，

而家做飲食除左味道要好, presentation 都要靚. 喺波鞋街個頭有間裝修好fancy嘅食店, 朋友喜歡就一齊試試.Menu都靚Unicorn Dream (HKD58)圖文並茂嘅餐牌相信係香港營運嘅餐廳不可缺少的, 有趣嘅名字加吸LIKE造型絕對係太賣嘅要素, Unicorn有種夢幻感, 個顏色一層淺紫漸層至粉紅色, 以新鮮士多啤梨, 藍莓點綴. 一大啖吸, 甜甜的, 可惜有微微化學味道, 現打沙冰來說算是足料.香煎和牛粒配茄乾意大利飯 (HKD108)採用雲石紋大碟, 將意大利飯整齊放在中心. 左右以黑醋畫出界線, 和牛粒煎得好香, 每粒一口牛都非常juicy, 調味適中, risotto更是高水準, 每粒米都味道豐富, 平時不多機會吃的蕃茄乾大大堤昇整個risotto味道, 醎香滿分, 份量也是OK的.整體不錯只是廚房可能很缺人手呢. 時間許可都會再來.

嚟緊情人節食咩好啊🐒？唔想成日食西餐 可以學我黎Day & Nite聽講佢龍蝦包好出名 但我今次係黎食蟹蟹架🦀同男朋友叫左個The Holy Crab • Two ($588)限量供應架 食之前最好訂位啦🤪前菜有六小缽 成個盤好日本fu啊~蟹肉玉子燒同凍豆腐都好味😚之後就有#芝士蟹肉釀蟹蓋濃濃的芝士加上海量嘅蟹肉 好正正子呢個真心好食 唔知有冇得散叫🤪主菜黎喇 就係#王樣鱈場蟹海鮮紙火鍋店員好細心解釋點打呢個紙邊爐啲海鮮都好新鮮 啲蟹先係主角蟹肉好鮮甜 蟹黃蟹膏都超多🤤仲有蔬菜籃 食到一半同男朋友都投投地降😂最後仲有#蟹之雜炊 姐係蟹粥清清淡淡 不錯不錯的～以為食飽飽嘅時候 點知仲有靚靚雪糕食😨哎呀 仲未講我地叫嘅兩杯野飲兩杯都好Fantasy 好睇又好飲架！分別係Unicorn Dream 同 Cookie & Mint🌱________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

星期一七點左右同朋友黎, 人唔太多, 唔太嘈餐牌都好有心思雖然呢度龍蝦比較出名 但餐牌嘅其他食物都好吸引 所以我地都係隨心叫左啲野食呢杯Unicorn Dream 睇餐牌覺得好靚 係波子汽水提子味 好似兒時嘅唧唧冰加奶咁 又唔會太甜好期待配龍蝦汁嘅雞翼 都幾好味 但$78四隻 又唔太值呢個價錢奇怪地我同朋友都好想食粟米 所以叫左好普通嘅焗牛油粟米 雖然唔太特別 但好香牛油味 上面仲有層芝士 最後我地好飽好飽都忍唔住食晒最後黎嘅吉列牛扒配忌廉咖喱撈烏冬真係好好味 肉質鮮美 外脆內軟 烏冬creamy 令人好滿足!

同朋友諗住嗌個signature流心芝士龍蝦三文治，點知個刻已經賣晒，好失望🙈🙈🙈🙈就退而求其次嗌左個漢堡包同炸菇試下。首先上個炸菇，賣相味道都好👍🏻👍🏻👍🏻炸粉唔會太多，炸到趣卜卜arm arm好，仲配個他他醬😋不過就得幾舊，略嫌太少。冇幾耐就上埋個漢堡包，個塊漢堡排好juicy，唔會un唔會乾，裏面仲有炒過既洋蔥圈，所以好香仲有d洋蔥汁係度👍🏻👍🏻👍🏻正呀😋仲配埋薯條同個小沙律最後講下個野飲unicorn dream，佢除左賣相一流，仲好好飲，唔覺得太甜同膩。佢其實係bubble soda加提子味既smoothie👍🏻👍🏻👍🏻👍🏻👍🏻總括黎講，野食水準唔錯，環境都ok，其實我地食食下個waiter話有番個三文治，不過已經太遲，我地食唔落，所以留番下次試下，佢仲話可以打電話去order定咁就包有得食😉