Oma Specialty Coffee

Open Now

Now Closed

大坑出名cafe多，間間都有佢嘅特色，oma主打自家烘焙咖啡豆+ SOE咖啡，仲有好多靚早午餐食！*酸種牛奶吐司 配蜂蜜意大利軟芝士配糖漬檸檬 平日早餐時段加配$25吐司烘脆但略乾，酸種發酵酸味、牛奶奶香都好淡。軟芝士奶味淡，甜甜帶檸檬微酸味道，感覺好清爽。吐司.果醬.湯 $75兩片橙花蜂蜜牛奶厚吐司，烘脆咗但麥味奶味偏淡。果醬有三款，士多啤梨香檳醬、特濃焦糖杏仁醬及日本白桃醬，味道都係偏淡、完全唔甜。椰菜花薯仔湯係真材實料，啖啖都係薯仔嘅沙沙口感。酸種包早餐 $95
紫薯酸種包嘅顏色好靚，麥味都係偏淡。兩隻太陽蛋用日本蛋，蛋黃半熟啱啱好。可以揀兩個配料，半個牛油果、車厘茄沙律，正常。White $45今日有三款SOE，我揀咗尼加拉瓜，Cupping note: Citrus, caramel, white tea。味道加奶後好特別，值得一試！

OMA係大坑新開既咖啡店，OMA取名自Omakasa 即係無菜單料理既廚師發辦。由咖啡師每日挑選當造同埋唔同烘焙程度既咖啡豆，再因應點取既咖啡款式同客人口味幫客人揀最岩口味。因為一直有追Cafe Hopping群組，所有留意到唔少人讚佢既咖啡同食品都非常出色。作為奶啡控，放假立即排行程去食一個豐富早餐。.估唔到平日既9點前已經滿座，仲要有好多組朋友仔聚餐活動，原來有咁多人生活咁自由自在😆。.Granola Bowl 雜果脆麥乳酪配原味麥片 💲65⭐️4.3/5一人早餐主食叫左我的最愛乳酪碗。原味乳酪配上七彩繽紛既自家製麥片，再加上雜果、乾果、南瓜籽同埋蜜糖。健康系甜甜健康乳酪碗極岩胃口，味道雖然唔係驚艷但都足夠令我念念不忘。.White 💲45⭐️4.8/5每張檯上面會有個盒仔放左三張小卡片，介紹是日精選咖啡豆。同咖啡師講句想飲 Cappuccino ，佢回答第一句就話：咁我幫你揀豆。作為一個極不專業既奶啡控，對於各地區既豆同烘培度呢家野真係識條鐵咩？極其量只係識分 Nutty 同 Fruity (不同口味但兩樣都愛)。對我黎講咖啡味只要香濃好味唔酸（唔鍾意酸系咖啡豆）唔係好似飲奶水一樣就