麒藝館 (Closed)

好耐冇食過中式餐廳，於是今日決定試吓時代廣場嘅麒藝館👍🏼👍🏼 一入到去，格調偏向高貴暗淡為主，令到我對呢度嘅食物期望都有所提升😮睇完餐牌之後，我發現有好多名貴食材，花膠鮑魚魚翅樣樣齊。不過價錢當然都有番咁上下啦😂😂我就揀選左幾個款式。首先就係花膠紅油抄手(六件)，佢以橙紅色麻辣為主，再加上少少蔥花，令到整個紅油抄手吸引胃口 不過我個人覺得花膠質感同大細都有少少失望，因為咬嘅過程當中，都唔太食得出之後就再黎一道XO醬蝦腰炒腸粉。粉皮厚薄適中，再加上蝦仔同XO醬，食起上黎每一啖都有滿足感 值得推介！跟住就到籠仔臘味糯米飯出場😆 糯米飯份量適中，一個人食又得，同朋友分享又得。唔太乾身之餘同時都有少少咬口。唯一美中不足嘅係，臘味選材有啲肥，未必適合而家崇尚健康飲食嘅人仕🤔再之後就係爆米蜆介鯪魚球(六粒)。雖然個蜆介汁有一粒粒蜆肉，而個米通都相當脆卜卜，但係兩個加埋一齊，點都整林咗少少，雖然好難避免，但係口感有少少奇怪。或者佢唔用爆米可能好少少🤏🏼最後就係雞樅菌一口牛。牛柳粒燒得香口怡人，無論大細同埋色澤，又均勻又合適。如果你係牛魔王既就唔可以錯過👍🏼👍🏼