又有台灣排隊店開嚟香港啦!! 喺台灣已經開咗50間直營店嘅「肉多多火鍋」，將60-70年代最地道嘅台式爆炒石頭鍋發揚光大而爆紅。店員會即場喺你面前落醬爆炒出濃郁湯底，未食已經聞到好香啦～ 難怪在台灣連續三年網路聲量好感度霸主!
台灣年輕人大愛！歡樂台式服務! 一齊夾公仔!
「肉多多火鍋」嘅歡樂台式服務好吸引，有夾公仔機「歡樂夾夾樂」，消費滿$100就有代幣1枚，所以走嗰陣一定玩到夾公仔㗎。
銅鑼灣店係「肉多多火鍋」首間海外分店。
簡約木系環境好舒服。
可以望住咁靚景打邊爐。
主打歡樂台式服務，走嗰陣記住玩埋夾公仔呀。
歡樂台式服務唔只有得玩 仲好感受到台灣人嘅細心…
店員會有剝蝦涮肉服務，輕鬆解放雙手。自助區又有雪糕、甜品任飲任食。最驚喜係漱口水、芳香劑、孕婦抱枕、髮圈都有，女生一定明嗰種貼心程度～
自助區提供雪糕、甜品，任飲任食。
生日優惠: 免費兌換生日肉蛋糕
嚟緊年尾生日嘅話，更加推薦嚟試呢間台灣過江龍。因為當月壽星，可以免費兌換生日肉蛋糕，以無激素梅花豬砌成嘅花花蛋糕，肉控表示係食過最心心眼嘅蛋糕!!!! 呢度仲有個「晚八活動」回饋食客，每晚鬥快打指定電話+ 講指定口號，最快嘅食客即獲肉配料一碟㗎。大家都抱住玩嘅心態熱烈參與，幾好氣氛啊。
當月壽星會員，可免費兌換生日肉蛋糕。
肉量超足！係肉控最佳生日蛋糕啊。
【正宗台式爆炒火鍋】
湯底一定要揀款爆炒鍋啦，我哋揀咗招牌爆炒海味石頭湯之外，再貪心啲揀埋猴腮雷台式麻辣湯做鴛鴦鍋。全場有3款爆炒湯底、9款正常湯底揀，最出名係我哋今次食嘅爆炒石頭湯，石頭醬係用幾種海鮮、蔬菜特製㗎。
招牌爆炒海味石頭湯，員工即席落肉爆炒。
再倒入石頭醬、蔬菜逼出香味。
店員一開始會落肉炒香先，再倒入石頭醬、蔬菜爆炒，用熱力逼出肉片油脂、蔬菜鮮香，未食已經聞到好香啦。最後倒入特製底湯，撞出鮮甜濃郁味道。
最後倒入特製底湯，撞出鮮甜濃郁味道。
另一款猴腮雷台式麻辣湯底，係專為唔食牛朋友設計嘅台式麻辣湯底。以多種辛香料及特製麻辣醬，配搭濃郁豚骨湯烹煮而成，味道溫潤香醇，用嚟涮肉或海鮮都好夾。
猴腮雷台式麻辣湯底，專為唔食牛朋友設計嘅台式麻辣湯底。
追加優惠！
+$49 雙人菜盤及刀削麵 +$6 縱貫線滷肉飯 |
【人氣配料】
澎湃系列～肉瀑布
超吸睛肉瀑布，重點就係肉多多!! 4層肉仙氣登場～ 有頂級霜降牛 / 頂級低脂牛；比利時橄欖豬 / 無激素梅花豬，牛+豬各選一。我哋揀咗頂級霜降牛，雪花好靚，牛味都好濃；而比利時橄欖豬主要以橄欖、穀物餵飼有種獨特肉味，而且一啲都唔韌呀。
超吸睛肉瀑布，4層肉仙氣登場。
(左) 頂級霜降牛，油脂雪花好靚。
(右) 比利時橄欖豬，富獨特肉味。
時蔬寶盒。新鮮蔬菜一解肉膩，延長戰鬥力！
魚控天堂！多款海鮮配料
呢度唔只肉多多，海鮮都幾多～ 除咗最人氣嘅蛤蜊、鮮蚵、扇貝、蝴蝶蝦等等等，鮮魚選擇驚喜地多—鯛魚、鱸魚、黑魚、紅魚。全部可以叫半份(除扇貝外)，只係約$58-$68，完全係愛魚之人福音。
鮮魚選擇驚喜地多。可以叫半份，就算兩個人打邊爐都可以食多幾款。
魚肉好新鮮，打邊爐可以保留彈牙肉感。
【回味台灣夜市】
「肉多多火鍋」身為台灣過江龍，除咗帶嚟60-70年代最地道嘅台式爆炒石頭鍋外，仲有一系列夜市美食!! 澱粉人士必嗌滷肉飯，滷肉鹹鹹甜甜幾開胃。而且飯量啱啱好，滿足到澱粉感覺又留到肚打邊爐。
台灣經典滷肉飯，飯量啱啱好可以留肚打邊爐。
另外印象深刻係下港白糖粿，外層炸到脆卜卜，咬到入面就煙煙韌韌，好似食緊炸過嘅糖不甩咁。有原味/芝麻/紫薯/花生揀。
夜市美食下港白糖粿。外脆內煙韌，當甜品幾過癮。
肉多多火鍋
地址: 銅鑼灣糖街25-31號Sugar+ 3樓
電話: 29822118