唔少香港人都特別鍾意食日本菜，將軍澳「賀天」就以高性價比及新鮮食材作賣點嘅日本餐廳就可以同時滿足到大家嘅唔同願望。食材每個禮拜從日本空運到港，保證新鮮。選擇從刺身、燒物、丼飯等一應俱全，如果心大心細唔知點揀，試廚師發辦就啱啦！
餐廳環境簡潔舒適，設有榻榻米和室同戶外露天雅座，戶外露天雅座除咗飽覽將軍澳海濱美景，同時亦可以帶埋寵物！室內更有吧檯，享受美食同時欣賞師傅手藝。
餐廳大廚擁有超過10年經驗，廚師發板最能夠彰顯其功架。「廚師發板精選時令七本壽司」會由廚師從空運到港嘅食材當中，挑選最新鮮當造嘅海鮮。亦包括磯煮鮑魚杯飯、日式前菜、麵豉湯及甜品。
廚師發板精選時令七本壽司 • 磯煮鮑魚杯飯
自問係無牛不歡嘅牛魔王就可以選擇「賀天四色燒牛肉盛盒定食」，會有四款精選牛肉，包括鹿兒島A5和牛、極上美國牛小排、頂級牛脷芯。燒至理想熟度就食得，而且可以試到唔同部位各自嘅口感同味道。
賀天四色燒牛肉盛盒定食
蟹蓋上放滿味道香濃嘅蟹膏，同一絲絲雪白嘅松葉蟹肉，再加魚子醬點綴，帶出蟹膏嘅鹹香同蟹肉嘅鮮味，層次豐富。
松葉蟹肉佐魚子醬甲羅燒
菜式名非常有日本Feel嘅「海膽千鳥居」以口感軟滑鮮甜嘅甜蝦配搭鮮味獨特嘅原片日本海膽，入口即溶、充滿鮮味。加上食用花、黑魚子及金箔裝飾，更顯奢華。
海膽千鳥居
日本長芋亦叫鮮淮山，因為營養豐富，係日本好受歡迎嘅養生食物之一。燒至外脆內嫩後，師傅特別加上鹹中帶辣嘅明太子醬，為清爽嘅長芋增添風味。
燒日本長芋佐明太子醬
茄子以日式汁燒方式處理，口感軟綿厚實，非常入味。鋪上木魚絲口感更上一層樓。
日式燒茄子
「煙燻豬肝」係送酒小食推介之一，皆因煙燻香氣濃郁，加上豬肝處理得宜，無任何異味、口感粉嫩細緻。
煙燻豬肝
沙甸魚非常考驗師傅處理去骨嘅功架，新鮮魚肉加入漬蘿蔔、青瓜等，再以香脆紫菜捲起，味道清爽。
沙甸魚卷
「江戶前燒玉子」採用蛋香濃郁嘅日本蘭王雞蛋，以烤焗方式製作，口感似蛋糕咁鬆軟好過癮！
江戶前燒玉子
飲品亦好有特色，「壹玖參」以蝶豆花天然色素染上夢幻藍色，加上高山造型啫喱，打卡一流。「抹茶牛奶」口感柔順，茶香濃郁。
壹玖參、藍色壹玖參同紅色壹玖參分別用新鮮花茶，如藍色用蝶豆花，紅色用洛神色，而沖調出來的自然色澤.再加上時下最受年輕人歡迎的海鹽奶蓋丶配搭上蒟蒻花茶冰山,味道更加令人回味無窮。
抹茶牛奶、玫瑰茶荔枝梳打，運用新鮮玫瑰花醸加上梳打，再配搭荔枝果香，花香帶果香，絕對令你樂而忘返。
廚師發板精選時令七本壽司 ● 磯煮鮑魚杯飯
賀天四色燒牛肉盛盒定食
松葉蟹肉佐魚子醬甲羅燒
海膽千鳥居
燒日本長芋佐明太子醬
煙燻豬肝
江戶前燒玉子
壹玖參、藍色壹玖參同紅色壹玖參
抹茶牛奶、玫瑰茶荔枝梳打
一週年優惠
午餐凡選購午市套餐即送指定特飲乙杯（抹茶鮮奶，士多啤梨鮮奶，洛神花梳打及蝶豆花梳打）
晚市時段經openrice訂座即享指定食物或折扣優惠
2人訂座：日本黑豚萵筍串燒兩串或生蠔兩隻
4人訂座：燒牛舌（一份）或油甘魚刺身一份
6人訂座：雜錦天婦羅或六隻生蠔
8人訂座：蝦天婦羅或池魚薄切
消費券優惠:
購買賀天現金券港幣$2,000即送額外$200現金券 (現金券港幣$4,000 送$800現金券及現金券港幣$6,000送 $1,800現金券)
賀天
地址: 將軍澳唐俊街28號海天晉滙1樓104-105號舖
電話: 67020868
*每間指定餐廳支援的付款方式有所不同，詳情請向有關餐廳查詢。餐廳保留最終決定權。
