有時候想食甜品作為Comfort Food又怕會肥？嚟自加拿大嘅「Crêpe Delicious」招牌法式可麗餅只有170卡路里同3g脂肪，而且有多款鹹、甜口味選擇！打開Menu更會發現唔單止可麗餅，選擇從小食、沙律、意粉、主菜等都一應俱全，同另一半或者親朋好友一齊去都咁啱。
招牌法式可麗餅
餐廳致力採用新鮮而優質嘅食材設計菜式，招牌法式可麗餅更係即叫即做，務求最大程度保留獨特嘅柔軟微韌口感同蛋香。甜食之外亦有多款鹹食口味，日本北海道帶子可麗餅上面有香煎帶子同木魚絲，而餡料係蟹肉、生菜，加上自家製粟米蓉醬汁，鮮味十足。
日本北海道帶子可麗餅
輕怡小食推介
牛油果蟹餅色彩繽紛，底部係口感柔滑嘅新鮮牛油果，中間係啖啖肉絲嘅蟹肉沙律，頂部係酸甜多汁嘅蕃茄。三層一齊食嘅時候，蕃茄酸味能夠突出蟹肉嘅鮮甜，牛油果就增加口感層次，清爽醒胃。
牛油果蟹餅
煙三文魚多士則以烤過嘅法包為底，上面放滿煙三文魚肉同蕃茄粒，中間係以豆腐、山葵、蛋黃醬製作嘅豆腐醬，細細塊最啱分享。
煙三文魚多士配豆腐醬
精選人氣主菜
北美州風味嘅紅酒牛頰肉經過12小時慢煮後，肉質更加軟腍嫩滑，紅酒醬汁更係香濃惹味！簡單配搭薯蓉就已經啖啖滿足。
紅酒慢煮牛頰肉配薯蓉
Pizza以輕薄酥脆嘅千層酥皮取代一般薄餅底，呢款配料有美國南部經典菜BBQ醬手撕豬肉，配搭紅洋蔥、青椒、車厘茄、車打芝士同Mozzarella芝士，香濃又有層次。
美式手撕豬肉酥皮薄餅
煎過嘅大蝦香氣十足，同蒜蓉、車厘茄味道完美融合，意粉更會灑上辣椒碎提味，微微辣勁帶出蝦肉嘅鮮甜。
香辣鮮蝦意粉
甜品控不容錯過
甜可麗餅推介口味之一係肉桂香濃郁嘅焦蘋肉桂法式可麗餅，以肉桂蘋果粒為主，配搭焦糖醬、雲呢拿吉士，最後以焦糖核桃點綴，甜而不膩。
焦蘋肉桂法式可麗餅
黑白迷就以經典朱古力夾心曲奇Oreo作為主角，加上輕盈唔膩嘅鮮忌廉同濃厚香甜嘅朱古力醬，保證各位朱古力迷滿意。
黑白迷法式可麗餅
餐廳每日供應香港製造、唔同口味嘅自家手工意式雪糕同雪葩，兩者都比坊間一般雪糕更低脂及低卡路里。除咗就咁食，亦可以製作成意式雪糕奶昔，士多啤梨口味酸甜清爽，朱古力榛子口味香甜誘人。
士多啤梨意式雪糕奶昔
甜品選擇有自家製意式奶凍、布朗尼同心太軟，但講到最適合打卡嘅就要數到新地系列！唔同口味嘅手工意式雪糕加上配料，例如呢款係朱古力意式雪糕加上布朗尼、忌廉同朱古力醬，為大餐畫上甜蜜完美嘅句號。
朱古力新地雪糕
灣仔店設有半開放式廚房，可以觀賞店員即席製作可麗餅
自家手工意式雪糕有多款口味選擇，選用優質食材每日新鮮喺香港製作
灣仔及旺角店分別佔地約1,200及1,450 平方呎，環境舒適悠閒
於2022年4月29日至6月9日期間，首【50】名用戶於【Crepe Delicious】使用相應OpenRice服務並消費滿【$20.1 】並輸入【MME20F】即減【$20】！仲等咩？快啲約埋飯腳開餐啦！
Crêpe Delicious (灣仔店)
地址: 灣仔皇后大道東200號利東街地下G26及F26A號舖
電話: 26177880
Crêpe Delicious (旺角店)
地址: 旺角太子道西193號MOKO新世紀廣場3樓345號舖
電話: 28811033
