「新泰東南亞餐廳」1990年已經開業，廚師同大部分員工都係泰國人嚟㗎。店內掛滿泰國風裝飾，好似去咗泰國咁！主打多款正宗泰、越、星馬菜式，價錢貼地。
【必食推介】超香！泰式爆炸蟹
港式橋底辣蟹為靈感嘅爆炸蟹！一上枱就聞到好香，有大量蒜蓉、打拋葉、香茅、辣椒等香料，香中帶辣最啱送酒！
【開胃沙律．小食】酥炸香茅魚配青芒果沙律
將紅鯽魚肉加香茅絲一齊炸至金黃色，香脆又Keep 到魚味，配埋青芒果沙律更加豐富。
香芒軟殼蟹米紙卷
半透明米紙好煙韌，入面包住新鮮芒果、軟殼蟹同蔬菜，香甜芒果好正。
泰國柚子蝦沙律
沙律用柚子突出大蝦、鮮魷鮮味，就算夏天食都好開胃。
【東南亞特色主菜】燒西冷牛扒
燒西冷牛扒好啱各位牛魔王！西冷肉味香濃，半熟程度令肉質好嫩。附上2款醬汁─蒜蓉酸辣甜醬、是拉差辣椒醬，好有泰式惹味。
蕉葉烤鱸魚
用蕉葉包住香茅、南薑、檸檬汁醃製嘅鱸魚，烤煮時令香料、蕉葉嘅清香滲晒入魚肉，超入味。
麵包焗咖哩軟殼蟹
泰式黃咖喱用上大量香料，香濃唔會太辣。豪邁地直接用手撕開麵包，包住軟殼蟹沾咖哩食好正。
【甜品推介】原個椰青大菜糕
顧名思義用原個椰青水同椰肉製作，原汁原味、微甜清香。
泰式甜品大拼盤
泰式甜品大拼盤好啱Share，有芒果糯米飯、千層糕、椰汁糕等。
【啤啤先盡興】泰星啤
飲返泰國啤酒先夠地道～泰星啤當地最受歡迎啤酒之一，口感清爽，好夾各款菜式。
於2022年4月29日至6月9日期間，首【50】名用戶於【新泰東南亞餐廳】使用相應OpenRice服務並消費滿【$20.1 】並輸入【MME20D】即減【$20】！仲等咩？快啲約埋飯腳開餐啦！