富有歷史意義嘅中環街市，係近年大熱嘅打卡點之一，置於其中嘅茶啡酒館I-O-N Café Bar，喺菜單設計上，亦有呼應保育文化主題，以多款充滿香港本土特色嘅食材入饌，設計創作出唔同嘅新穎菜式，都幾有新鮮感，下午茶更以中環街市樓梯同大鐘面貌雕刻嘅原木盒盛載。而且餐廳啱啱裝修完，相連同源甜點品牌 Nina Patisserie成一體，並設巾咖啡導嚮體驗等，滿足男女老幼。
座落於中環街巿內，環境寬敞
小食拼盤(細)
餐牌上嘅小食樣樣都好吸引，識揀梗係揀小食拼盤，樣樣都有得試啲。一個細Platter可以喺8款招牌小食中任揀4款，特別推介加入香港特色嘅金沙炸薯條、避風塘炸魚薯條或者爆谷蝦等，醒神惹味，開個靚頭。
玫瑰露煮青口
一般都係用白酒煮青口，但呢度就玩玩新意思，以中國傳統名酒玫瑰露代替，青口嘅鮮香味更加突出，而且滲有陣陣花香。
自家製話梅紅菜頭醃三文魚秋葵蘋果沙律
好多注重健康嘅朋友，都會鍾意食沙律。秋葵、蘋果都係新鮮、爽口，加入埋自家醃製嘅話梅，微酸中又帶回甜，夠晒清新開胃。
叉燒醬鱈魚
貫徹餐廳融入香港風味嘅風格，為燒鱈魚抹上香甜嘅叉燒醬，配搭大膽創新。魚肉嫩滑帶甜，另有鵪鶉蛋同脆飯條作伴碟。
香辣蝦醬海鮮意粉
大澳蝦醬絕對可以話係香港本土特產之一，餐廳就用咗佢嚟製作海鮮意粉。意粉彈牙而且掛汁，啖啖濃郁鹹香，少少辣，同時提昇鮮味。
慢煮柱侯原條牛仔骨
師傅採用傳統炆牛腩嘅方法炮製原條牛仔骨，非常入味，連骨嘅肉質軟腍嫩滑，更帶有油香，牛魔王唔好錯過。
甜品拼盤
甜品控當然嚟個甜品拼盤，盡情咁食勻所有招牌推介啦。拼盤內包括有朱古力心太軟、十勝紅豆抹茶窩夫、雪糕同新鮮水果等。窩夫外脆內軟、心太軟香味濃郁。亦可選擇由在旁的Nina Patisserie提供的是日精選蛋糕配招牌蝴蝶酥。
港式調酒
就連cocktail都充滿住香港特色，好似Snow Fizz取材自杏霜，以杏仁入饌嘅Gin酒加上蛋白同檸檬調製；COT就有如茶餐廳手寫單一樣，即係凍檸茶加vodka；而Green Fashion則係大家由細飲到大嘅西洋菜蜜，再混埋菠蘿同Rum酒調製。
於2022年4月29日至6月9日期間，首【20】名用戶於【I-O-N Café Bar】使用相應OpenRice服務，消費滿【$50.1】並輸入【MME20R】即減【$50】！仲等咩？快啲約埋飯腳開餐啦！
I-O-N Café Bar
地址: 中環皇后大道中93號中環街市1樓124-125號舖
電話: 91415863
