「焼肉スマイル (燒肉smile)」由台灣開到嚟香港啦。
最近旺角嘅「築間餐飲聚落」引爆人氣，繼築間幸福鍋物、築間台灣鹽酥雞後，一人燒肉「焼肉スマイル (燒肉smile)」都正式開業啦！主打現切冷藏熟成肉和高品質海鮮，平日午市雙拼$88起，性價比十分高。店內特設一人燒肉座位，心血來潮想自己食燒肉都唔會尷尬。當然都有好多梳化卡位，坐得舒服好啱多人飯局。
特設一人燒肉座位及梳化卡位，由一人燒肉至多人飯局都適合。
台灣築間集團耗時3年籌備，由日本引入獨特燒肉文化，並於2020年喺台灣開設第一間分店啦，更成為年銷120萬份肉品嘅人氣燒肉店，深受台灣人喜愛㗎。
燒肉爐火力夠猛，可瞬間鎖住肉汁!!
慶祝香港新店開幕 推出兩大優惠！
1) 訂座有賞！8月底訂座贈送肉品/海鮮 凡於8月底前，經OpenRice訂座惠顧旺角「燒肉Smile」，即免費贈送價值HK$100肉品/海鮮(7選1份*) *包括: 牛五花80g / 豚五花80g / 膠原雞腳筋60g / 雞腿肉100g / 雞軟骨80g / 日本雞頸肉80g / 海蝦5隻
2) 收藏打卡贈巨無霸海蝦 以OpenRice收藏「焼肉スマイル (燒肉smile)」，即可優惠價HK$20加購限量巨無霸海蝦1隻(原價HK$70) |
「焼肉スマイル (燒肉smile)」設韓食小菜·生菜沙律自助吧放題！燒肉套餐就有豬、牛、雞、海鮮選擇，並有日式麻油椒鹽 或 韓式辣醬口味選擇。套餐跟配飯類、元祖人蔘雞湯/雪濃牛骨湯2選1、飲品、甜點好豐富!! 每款套餐均以精緻擺盤呈上，好有日本講究細節特色。
自助吧有韓食小菜、生菜沙律無限放題，啱晒一眾吃貨啊。
【人氣套餐】
呢度有精選套餐(1款肉) 或 雙拼套餐(2款肉)揀。選擇困難就索性揀盛合套餐—豚肉盛合、燒鳥盛合、海鮮盛合等，每個盛合套餐都起碼有4款燒物㗎。
套餐附元祖人蔘雞湯，足料有驚喜啊。
飯類用上越光米飯，套餐升級蔥花玉子飯只係+$18。
私心推薦韓式雪蟹膏拌飯+$35，蟹膏好爆滿!!
套餐可選阿里山烏龍冷泡茶、冬瓜檸檬、檸檬紅茶等，+$7更有芝士奶蓋系列。
(左)黑糖白玉奶酪、(右)提拉米蘇。
套餐附送甜品都好精緻大分量。
講到最最最吸引，一定有豬、有牛又有海鮮嘅SMILE盛合、日和極上盛合啦～
SMILE盛合
一次品嚐海陸食材!! 有美國Prime無骨牛小排、松阪豬、封門柳等珍稀食材；亦有鱸魚菲力、北寄貝、精選白蝦多款海鮮。肉品都係現點現切，肉質特別軟嫩；海鮮亦係每日新鮮直送，鮮甜爽口。
SMILE盛合有齊海陸食材。
有人氣封門柳，牛汁濃厚。
日和極上盛合
追求極致燒肉品質，呢款盛合人係全店最高級！集合豪華食材—日本極上A5和牛、西班牙伊比利黑豚、美國Prime無骨牛小排、龍躉石斑、精選白蝦。
日和極上盛合最豪華！
烤肉、海鮮都好吸引。
【單點推介】
一頭牛只有8份 蓑衣切牛小排(每日限量)
絕對係單點MVP!! 係美國Prime級牛肋脊位，長度超過30cm，大理石油花同鮮嫩肉質都好吸引。落單嗰陣見到有貨，一定要食啊。
仲有其他推薦單點～
贅沢雙拼牛(封門柳、牛舌)，兩款肉位份量都幾多啊。
一試近年日本人氣食法，用牛舌包住薑蔥燒。
西班牙伊比利黑豚。肉質香軟兼帶獨特橡果味，梅花肉位仲好彈牙鬆軟。
美國Prime無骨牛小排。猛火燒後依然細膩多肉汁，一向係大受歡迎嘅肉位。
焼肉スマイル (燒肉smile)
地址: 旺角砵蘭街240-244號文華商場1樓C號舖
電話: 35650743